នៅបញ្ចប់កិច្ចប្រជុំ នាយករដ្ឋមន្ត្រីលោក ហ្វាម មិញជិញ បានសង្កត់ធ្ងន់ថា វៀតណាមបានក្លាយជាចំណុចភ្លឺក្នុងការអនុវត្តការប្តេជ្ញាចិត្តអន្តរជាតិ ដើម្បីឆ្លើយតបទៅនឹងការប្រែប្រួលអាកាសធាតុ; ការប្តេជ្ញាចិត្ត និងការអនុវត្តការប្តេជ្ញាចិត្តនៅសន្និសីទ COP២៦ ត្រូវបានដាក់បញ្ចូលយ៉ាងរហ័សទៅក្នុងឯកសារច្បាប់ គោលនយោបាយ យុទ្ធសាស្ត្រ និងផែនការសម្រាប់ការអនុវត្តប្រកបដោយសមកាលកម្ម។ កិច្ចសហប្រតិបត្តិការអន្តរជាតិក្នុងការអភិវឌ្ឍន៍បៃតង និងការផ្លាស់ប្តូរថាមពលត្រូវបានជំរុញ ហើយវៀតណាមកាន់តែមានភាពទាក់ទាញសម្រាប់អ្នកវិនិយោគបរទេស ក្នុងការឆ្លើយតបទៅនឹងការប្រែប្រួលអាកាសធាតុ និងការផ្លាស់ប្តូរថាមពលដោយមានគម្រោងជាក់ស្តែង៕