នាយករដ្ឋមន្ត្រីចិន លី ឈាង ជួបជាមួយសមាជិកសភាអាមេរិក លោក Steve Daines និងពាណិជ្ជករអាមេរិកមួយចំនួន នៅខាងក្រៅវេទិកាអភិវឌ្ឍន៍ចិនឆ្នាំ ២០២៥ នៅទីក្រុងប៉េកាំង ថ្ងៃទី ២៣ ខែមីនា ឆ្នាំ ២០២៥។ រូបថត៖ THX/TTXVN
យោងតាមនាយករដ្ឋមន្ត្រីចិន លោក លី ឈាង ទំនាក់ទំនងរវាងចិន និងសហរដ្ឋអាមេរិក "បានឈានដល់ដំណាក់កាលដ៏សំខាន់មួយ" ដូច្នេះហើយ ប្រទេសចិនសង្ឃឹមថា ទីក្រុងវ៉ាស៊ីនតោននឹងសហការជាមួយទីក្រុងប៉េកាំង ដើម្បីលើកកម្ពស់ការអភិវឌ្ឍប្រកបដោយស្ថិរភាព និងនិរន្តរភាពនៃទំនាក់ទំនងទ្វេភាគី ព្រមទាំងពង្រឹងកិច្ចសហប្រតិបត្តិការដើម្បីដោះស្រាយបញ្ហាដូចជា អតុល្យភាពពាណិជ្ជកម្មជាដើម។
លោក Steve Daines គឺជាសមាជិកសភាអាមេរិកដំបូងគេដែលបំពេញទស្សនកិច្ចនៅទីក្រុងប៉េកាំងចាប់តាំងពីលោកប្រធានាធិបតី Donald Trump ចូលកាន់តំណែងកាលពីខែមករាកន្លងទៅ។ កិច្ចប្រជុំនេះបានប្រព្រឹត្តិទៅក្នុងបរិបទ ដែលទំនាក់ទំនងរវាងខឿនសេដ្ឋកិច្ចធំជាងគេទាំងពីរនៅលើពិភពលោក កាន់តែអាក្រក់ទៅនាពេលថ្មីៗនេះ ដោយសារតែលោកប្រធានាធិបតី Trump បានដាក់ពន្ធយ៉ាងទូលំទូលាយ ដែលគំរាមកំហែងដល់យថាទស្សន៍ពាណិជ្ជកម្មរបស់ប្រទេសចិន៕
