ក្នុងសន្និសីទនេះ តំណាងខេត្ត-ក្រុងបានរាយការណ៍អំពីលទ្ធផលនៃការប្រមូលមតិយោបល់លើសេចក្តីព្រាងច្បាប់ភូមិបាល (វិសោធនកម្ម) របស់ប្រជាពលរដ្ឋ បញ្ហាក្នុងដំណើរការអនុវត្ត។  ថ្លែងមតិក្នុងសន្និសីទនេះ ឧបនាយករដ្ឋមន្ត្រី លោក Tran Hong Ha បានអះអាងថា វិសោធនកម្មច្បាប់ភូមិបាលគឺចាំបាច់ណាស់ ដើម្បីជំនះលើដែនកំណត់និងភាពមិនគ្រប់គ្រាន់ លើកកម្ពស់ធនធានដីធ្លីដើម្បីឆ្លើយតបនឹងតម្រូវការអភិវឌ្ឍន៍របស់ប្រទេសក្នុងសម័យកាលថ្មី។ ច្បាប់ភូមិបាល (ធ្វើវិសោធនកម្ម) មានគោលបំណងសុក្រិតប្រព័ន្ធច្បាប់ភូមិបាល ស្របតាមស្ថាប័នសេដ្ឋកិច្ចទីផ្សារដែលតម្រង់ទិសសង្គមនិយមក្នុងបរិបទនៃសមាហរណកម្មអន្តរជាតិ។ ឧបនាយករដ្ឋមន្ត្រី លោក Tran Hong Ha បានសង្កត់ធ្ងន់ថា៖ “ រដ្ឋសភា និងរដ្ឋាភិបាលបានកំណត់ នេះជាភារកិច្ចរួម និងការទទួលខុសត្រូវនៃប្រព័ន្ធនយោបាយទាំងមូល ស្ថាប័នគ្រប់គ្រងរដ្ឋ គណៈកម្មាធិការបក្ស និងអាជ្ញាធរគ្រប់លំដាប់ថ្នាក់។ ដើម្បីច្បាមជាប់ការពិត ក្រមច្បាប់ត្រូវតែដោះស្រាយបញ្ហាលំបាកលំបិនរបស់អង្គការ មូលដ្ឋានទាំងអស់។ ក្រមច្បាប់នេះត្រូវដាក់ចេញគោលនយោបាយដែលមានទស្សនវិស័យវែងឆ្ងាយ អាចដំណើរការយ៉ាងងាយស្រួល”៕