ឯកអគ្គរដ្ឋទូតវៀតណាមប្រចាំនៅអាហ្រ្វិកខាងត្បូងលោក Hoang Sy Cuong បានជូនសារតាំងរបស់ប្រធានរដ្ឋលោក Vo Van Thuong ឡើងប្រធានាធិបតីអាហ្វ្រិកខាងត្បូងលោក Cyril Ramaphosa (រូបថត៖ VNA)
នារសៀលថ្ងៃទី៣ ខែតុលា (ម៉ោងក្នុងតំបន់) នៅរដ្ឋធានី Pretoria ឯកអគ្គរដ្ឋទូតវៀតណាមប្រចាំនៅអាហ្រ្វិកខាងត្បូងលោក Hoang Sy Cuong បានជូនសារតាំងរបស់ប្រធានរដ្ឋលោក Vo Van Thuong ឡើងប្រធានាធិបតីអាហ្វ្រិកខាងត្បូងលោក Cyril Ramaphosa។
នៅក្នុងពិធីនេះ លោកឯកអគ្គរដ្ឋទូត Hoang Sy Cuong បានសន្យាថានឹងខិតខំប្រឹងប្រែងរួមវិភាគទានក្នុងអាណត្តិបេសកកម្មការទូត ដើម្បីបន្តបង្កើនទំនាក់ទំនងមិត្តភាពប្រពៃណី កិច្ចសហប្រតិបត្តិការលើគ្រប់វិស័យរវាងប្រទេសទាំងពីរ ព្រមទាំងជំរុញកិច្ចសហប្រតិបត្តិការរវាងភាគីទាំងពីរ ជាពិសេសគឺបង្កើនទំនាក់ទំនងសេដ្ឋកិច្ច ពាណិជ្ជកម្ម និងវិនិយោគ។
ជាការឆ្លើយតប លោកប្រធានាធិបតី Ramaphosa បានសម្តែង សេចក្តីសប្បាយរីករាយអំពីទំនាក់ទំនងអាហ្រ្វិកខាងត្បូង - វៀតណាម ដែលកំពុងឈានចូលដំណាក់កាលអភិវឌ្ឍន៍ថ្មី ខណៈដែលប្រទេសទាំងពីររៀបចំពិធីរំលឹកខួបលើកទី ៣០ ទិវាបង្កើតទំនាក់ទំនងការទូត (១៩៩៣-២០២៣)។ លោកបានឲ្យដឹងថា៖ ប្រទេសទាំងពីរបានរៀបចំពិធីរំលឹកខួបលើកទី ៣០ ទិវាបង្កើតទំនាក់ទំនងការទូតជាមួយសកម្មភាពដ៏សកម្ម សម្បូរបែប រស់រវើកជាច្រើន ជាពិសេសគឺដំណើរទស្សនកិច្ចរបស់អនុប្រធានរដ្ឋលោកស្រី Vo Thi Anh Xuan ទៅកាន់អាហ្វ្រិកខាងត្បូងចាប់ពីថ្ងៃទី១៣ ដល់ថ្ងៃទី ១៦ ខែកញ្ញាកន្លងទៅផងដែរ៕
