ព័ត៌មាន
ទីក្រុង Da Nang ជំរុញកិច្ចសហប្រតិបត្តិការជាមួយស៊ុយអែតលើហេដ្ឋារចនាសម្ព័ន្ធយុទ្ធសាស្ត្រឆ្លាតវៃនិងប្រកបដោយនិរន្តរភាព
នៅក្នុងជំនួបនេះ អនុប្រធានគណៈកម្មាធិការប្រជាជនទីក្រុង Da Nang លោក Tran Chi Cuong បានចែករំលែកថា ទីក្រុងត្រូវបានកំណត់ជាស្នូលនៃកំណើនក្នុង តំបន់សេដ្ឋកិច្ចសំខាន់ភាគកណ្តាលវៀតណាម។ នាបច្ចុប្បន្ន ទីក្រុង Da Nang មាន ទំនាក់ទំនងសហប្រតិបត្តិការជាមួយមូលដ្ឋានចំនួន ៤៨ ក្នុងប្រទេស និងតំបន់ដែនដី ចំនួន ២២។ ទីក្រុងមានកិត្តិយសដោយទទួលបានពានរង្វាន់ទីក្រុងឆ្លាតវៃរបស់ វៀតណាមនិងពានរង្វាន់ជាច្រើនទៀត។ លោក Tran Chi Cuong បានសម្តែងថា៖
“យើងខ្ញុំសង្ឃឹមថា រដ្ឋមន្ត្រីនឹងបន្តជាស្ពានតភ្ជាប់ និងជំរុញកិច្ចសហប្រតិបត្តិការ បន្ថែមទៀតរវាងទីក្រុង Da Nang ជាមួយដៃគូស៊ុយអែត។ ក្នុងនោះ ផ្តោតជាសំខាន់លើ វិស័យទេសចរណ៍ បរិស្ថាន ការអភិវឌ្ឍហេដ្ឋារចនាសម្ព័ន្ធ ក៏ដូចជាការជួយផ្សព្វផ្សាយ និងឧទ្ទេសនាមទីក្រុង Da Nang ដល់សហគ្រាសនិងវិនិយោគិនស៊ុយអែត ដើម្បីមាន ការស្រាវជ្រាវ និងចូលរួមវិនិយោគអភិវឌ្ឍន៍នៅទីក្រុង Da Nang”។
ចំណែកលោក Andreas Carlson រដ្ឋមន្ត្រីក្រសួងហេដ្ឋារចនាសម្ព័ន្ធ និងលំនៅឋានស៊ុយអែតបានមាន ប្រសាសន៍ថា ក្នុងយុទ្ធសាស្ត្រថ្មីរបស់ស៊ុយអែតអំពីពាណិជ្ជកម្ម ការវិនិយោគ និងសមត្ថភាពប្រកួត ប្រជែងជាសកល ស៊ុយអែតផ្តោតពិសេសលើតំបន់អាស៊ី ហើយវៀតណាមជាដៃគូសំខាន់មួយ៕
