លោកប្រធានរដ្ឋ To Lam អញ្ជើញថ្លែងមតិបន្ទាប់ពីស្បថចូលកាន់តំណែង (រូបថត៖ VOV)

ព្រះមហាក្សត្រនៃព្រះរាជាណាចក្រកម្ពុជា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី បានសម្តែងនូវសេចក្តីសោមនស្សរីករាយ និងអបអរសាទរចំពោះលោក To Lam ដែលត្រូវបានរដ្ឋសភាវៀតណាមបោះ ឆ្នោតជ្រើសតាំងកាន់តំណែងជាប្រធានរដ្ឋ ហើយទ្រង់ជឿជាក់ថា ក្រោមការដឹកនាំរបស់លោកប្រធានរដ្ឋ វៀតណាមនឹងទទួលបានជោគជ័យយ៉ាងត្រចះត្រចង់ មានការអភិវឌ្ឍន៍យ៉ាងឆាប់រហ័សលើគ្រប់វិស័យ និងរក្សាតួនាទីសំខាន់របស់ខ្លួនក្នុងតំបន់ និងពិភពលោក។

អគ្គលេខាបក្ស ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ លោក Thongloun Sisoulith បានអះអាងនូវសេចក្តីសោមនស្សរីករាយដែលបានធ្វើការជាមួយលោកប្រធានរដ្ឋ To Lam ដើម្បីរួមចំណែកក្នុងការពូនជ្រុំនូវទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងបក្សទាំងពីរ រដ្ឋទាំងពីរ និងប្រជាជនឡាវនិងវៀតណាមកាន់តែប្រសើរឡើងពីមួយថ្ងៃទៅមួយថ្ងៃ។

លោក Xi Jinping ប្រធានរដ្ឋចិនបានអះអាងថា លោកតែងតែផ្តោតការយកចិត្តទុកដាក់យ៉ាងខ្លាំងចំពោះទំនាក់ទំនងចិន-វៀតណាម ហើយមានឆន្ទៈធ្វើការជាមួយលោកប្រធានរដ្ឋTo Lam ដើម្បីរក្សាការផ្លាស់ប្តូរជាយុទ្ធសាស្ត្រ និងដឹកនាំការកសាងសហគមន៍ចិន-វៀតណាមនាពេលអនាគតដ៏ស៊ីជម្រៅ និងជាក់ស្តែង នាំមកនូវផលប្រយោជន៍កាន់តែច្រើនសម្រាប់ប្រជាជននៃប្រទេសទាំងពីរ៕