អតីតមេដឹកនាំរបបខ្មែរក្រហម នួន ជា បានទទួលមរណភាព ក្នុងអាយុ ៩៣ ឆ្នាំ ̣̣(រូបថត៖ AFP)
នាថ្ងៃទី៤ ខែសីហា ឆ្នាំ២០១៩ អង្គជំនុំជម្រះវិសាមញ្ញក្នុងតុលាការកម្ពុជា (ECCC) បានជូនដំណឹងថាអតីតមេដឹកនាំរបបខ្មែរក្រហម នួន ជា បានទទួលមរណភាព ក្នុងអាយុ ៩៣ ឆ្នាំ។
អ្នកនាំពាក្យរបស់ ECCC លោក នេត្រ ភក្ដ្រា បានបញ្ជាក់ថា ជនជាប់ចោទ នួន ជា បានទទួលមរណភាពនាថ្ងៃទី ៤ ខែសីហា នៅមន្ទីរពេទ្យមិត្តភាពខ្មែរ - សូវៀត។ ECCC គឺជាតុលាការពិសេសនៅកម្ពុជា ដែលត្រូវបានបង្កើតឡើងចាប់តាំងពី ឆ្នាំ២០០៦ ដោយអង្គការសហប្រជាជាតិ និងរាជរដ្ឋាភិបាលកម្ពុជាសំដៅកាត់ទោសចំពោះបណ្តាមេដឹកនាំរបបខ្មែរក្រហម ។
នាថ្ងៃទី ១៦ ខែវិច្ឆិកា ឆ្នាំ២០១៨ ECCC បានចេញសាលក្រមដោយកាត់ទោសដាក់គុកអស់មួយជីវិតចំពោះមេដឹកនាំខ្មែរក្រហម ២ រូប គឺ លោក នួន ជា និងលោក ខៀវ សំផន។ សាលក្រមរបស់ ECCC បានបង្ហាញយ៉ាងច្បាស់ថា ជនជាប់ចោទទាំង ២ នេះត្រូវបានចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្គ្រាម និងឧក្រិដ្ឋកម្មប្រល័យពូជសាសន៍ ដែលពាក់ព័ន្ធនឹងកន្លែងធ្វើការនានាដូចជា សហករណ៍ ការដ្ឋាន ទំនប់ក្រពែងថ្ម ការដ្ឋានសាងសង់ព្រលានយន្តហោះកំពង់ឆ្នាំង និងមជ្ឈមណ្ឌលសន្តិសុខលេខ ២១ (ដែលជាពន្ធនាគារទួលស្លែង) ជាដើម៕
តាម VOV5 - វិទ្យុសំឡេងវៀតណាម
