បន្ទាប់ពីរយៈពេល ២ ខែ ចាប់តាំងពីកិច្ចព្រមព្រៀងពាណិជ្ជកម្មសេរីវៀតណាម - សហភាពអឺរ៉ុប (EVFTA) ត្រូវបានអនុវត្ត មក អង្គការមួយចំនួនដែលទទួលបានការអនុញ្ញាតចេញលិខិតបញ្ជាក់ប្រភពដើមទំនិញជិត ១៥.០០០ ពីវៀតណាមទៅអឺរ៉ុប។
មុខទំនិញសំខាន់ៗ ដែលមានលិខិតបញ្ជាក់ពីប្រភពដើម (C/O) រួមមាន៖ ស្បែកជើង គ្រឿងសមុទ្រ កាហ្វេ វាយនភ័ណ្ឌ កាបូប ផ្តៅឫស្សី កសិផល និងគ្រឿងអេឡិចត្រូនិកជាដើម។
ទីផ្សារនាំចូលភាគច្រើនគឺប្រទេសដែលមានកំពង់ផែន មានមជ្ឈមណ្ឌលចែកចាយនិងផ្ទេរទំនិញ របស់សហគមន៍អឺរ៉ុប ដូចជា បែលហ្សិក អាល្លឺម៉ង់ ហូល្លង់ បារាំងនិងអង់គ្លេស។ ជាពិសេស ទំនិញជាច្រើនជើង បានមកដល់ទីផ្សារសហភាពអឺរ៉ុប និងទទួលបានការអនុគ្រោះ។ ប្រការនេះបង្ហាញ ពីការចំណាប់អារម្មណ៍របស់អង្គភាពអាជីវកម្ម ក៏ដូចជាសារៈសំខាន់នៃទីផ្សារនេះ សម្រាប់ការនាំចេញរបស់វៀតណាម។
ផលិតផលនាំចេញជាច្រើនរបស់វៀតណាមមានការផ្លាស់ប្តូរជាវិជ្ជមាននៅក្នុងទីផ្សារសហភាពអឺរ៉ុប បន្ទាប់ពីជិត ២ ខែ ដែល EVFTA ត្រូវបានអនុវត្ត។ ពោលគឺ ចាប់តាំងពីដើមខែសីហា រហូតមកដល់ពេលនេះ ការនាំចេញគ្រឿងសមុទ្របានកើនឡើងប្រមាណ ១០% បើប្រៀបធៀបនឹងខែកក្កដា។ ក្រៅពីអាហារសមុទ្រ អង្ករវៀតណាមនាំចេញទៅអឺរ៉ុបក៏មានសញ្ញាវិជ្ជមានដែរ ខណៈដែល ថ្លៃអង្ករនាំចេញរបស់វៀតណាមទៅកាន់ទីផ្សារសហភាពអឺរ៉ុប ត្រូវបានកើនឡើងយ៉ាងខ្លាំងពី ៨០ ទៅ ២០០ ដុល្លារ /តោន អាស្រ័យលើប្រភេទនីមួយៗ បើប្រៀបធៀបទៅនឹងពេលវេលាមុនពេលដែល EVFTA ចូលជាធរមាន។
សូមគូសបញ្ជាក់ថា ក្រៅពីសហភាពអឺរ៉ុបមក ក្នុងរយៈពេល ៩ ខែដើមឆ្នាំនេះ សហរដ្ឋអាមេរិកគឺជាទីផ្សារនាំចេញធំបំផុតរបស់វៀតណាម ជាមួយនឹងការកើនឡើង ២២,៩ ភាគរយនៃចំណូល ក្នុងរយៈពេលដូចគ្នាកាលពីឆ្នាំមុន។ បន្ទាប់មកគឺចិន អាស៊ាន កូរ៉េខាងត្បូងនិងជប៉ុន៕
តាម VOV5 - វិទ្យុសំឡេងវៀតណាម
