បន្ទាប់ពីរងផលប៉ះពាល់ដោយជំងឺរាតត្បាតកូវីដ ១៩ ក្នុងរដូវ Vu Lan ឆ្នាំនេះ វត្តអារាមនានាក្នុងទីក្រុងហូជីមិញបានរៀបចំសកម្មភាពជាច្រើនសម្រាប់ពុទ្ធសាសនិក ចូលអុជធូប និងឧទ្ទិសកុសលជូនដល់មាតាបិតា និងញាតិមិត្តដែលបានទទួលមរណៈភាពក្នុងកំឡុងជំងឺរាតត្បាតកូវីដ ១៩។
ចាប់ពីព្រឹកព្រលឹមថ្ងៃទី ១២ ខែសីហា ពុទ្ធសាសនិក រាប់ពាន់នាក់បានមានវត្តមាននៅវត្ត Hoang Phap (ស្រុក Hoc Mon) ដើម្បីចូលរួមវគ្គបដិបត្តិ និងសូត្រធម៌ Vu Lan។ ពេលស្តាប់ព្រះសង្ឃនិងដូនជីផ្សព្វផ្សាយធម៌អំពី “កត្តាញ្ញូធម៌” និង “គុណណូបការៈរបស់អ្នកមានគុណ” របស់មាតាបិតា ពុទ្ធសាសនិកជាច្រើននាក់ ទប់ទឹកភ្នែកមិនបាន។ លោកស្រី Nguyen Thi Binh ប្រជាជនម្នាក់នៅខ័ណ្ឌ Go Vap ដែលបានចូលរួមពិធីចែករំលែកថា៖
“ក្នុងឱកាសបុណ្យ Vu Lan ខ្ញុំតែងតែទៅវត្តដើម្បីចូលរួមពិធីតបស្នងសងគុណចំពោះឪពុកម្តាយរបស់ខ្ញុំ។ រាល់ពេលដែលខ្ញុំនឹកដល់ឪពុកម្តាយរបស់ខ្ញុំដែលបានទទួលមរណៈភាព ហើយខ្ញុំរំជួលចិត្តយ៉ាងខ្លាំងណាស់។ ខ្ញុំគ្រាន់តែជូនពរឱ្យខ្លួនមានសុខភាពល្អ ដើម្បីកុំឱ្យរំខានដល់គ្រួសារ និងកូនៗរបស់ខ្ញុំ ។ សុំតែប៉ុណ្ណឹង”។
រដូវកាល Vu Lan ឆ្នាំនេះក៏ជា "ខួបលើកទីមួយ" នៃជនរងគ្រោះដែលបានស្លាប់ក្នុងអំឡុងការរាតត្បាតនៃជំងឺកូវីដ-១៩ ដូច្នេះហើយ វត្តជាច្រើននៅទីក្រុងហូជីមិញ បានរៀបចំពិធីបង្សុកូល ឧទ្ទឹសកុសលជូនដល់វិញ្ញាណក្ខន្ធជនរងគ្រោះ ដែលបានស្លាប់ដោយសារជំងឺកូវីដ-១៩៕
