• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ជំរុញទំនាក់ទំនងដៃគូយុទ្ធសាស្ត្ររវាងវៀតណាមនិងអូស្ត្រាលី

នៅក្នុងជំនួបនេះ នាយករដ្ឋមន្ត្រី លោក Pham Minh Chinh បានស្វាគមន៍ចំពោះដំណើរទស្សនកិច្ចលើកដំបូងរបស់លោកស្រី Penny Wong មកកាន់ប្រទេសវៀតណាម ក្នុងឋានៈជារដ្ឋមន្ត្រីការបរទេសអូស្ត្រាលី ព្រមទាំងជឿជាក់ថា ដំណើរទស្សនកិច្ចនេះនឹងរួមចំណែកយ៉ាងសំខាន់ក្នុងការជំរុញទំនាក់ទំនងដៃគូយុទ្ធសាស្ត្ររវាង វៀតណាមនិងអូស្ត្រាលី។
 នាយករដ្ឋមន្ត្រី លោក Pham Minh Chinh និងរដ្ឋមន្ត្រីការបរទេសអូស្ត្រាលី លោកស្រី Penny Wong (រូបថត៖ Duong Giang/TTXVN)

នារសៀលថ្ងៃទី២៧ ខែមិថុនា ឆ្នាំ ២០២២ នៅទីក្រុងហាណូយ នាយករដ្ឋមន្ត្រី លោក Pham Minh Chinh បានអញ្ជើញទទួលជួបជាមួយរដ្ឋមន្ត្រីការបរទេសអូស្ត្រាលី លោកស្រី Penny Wong   ក្នុងឱកាស លោកស្រីមកបំពេញទស្សនកិច្ចផ្លូវការនៅវៀតណាម ចាប់ពីថ្ងៃទី២៦ ដល់ថ្ងៃទី២៨ ខែមិថុនា ឆ្នាំ២០២២។

នៅក្នុងជំនួបនេះ នាយករដ្ឋមន្ត្រី លោក Pham Minh Chinh បានស្វាគមន៍ចំពោះដំណើរទស្សនកិច្ចលើកដំបូងរបស់លោកស្រី Penny Wong មកកាន់ប្រទេសវៀតណាម ក្នុងឋានៈជារដ្ឋមន្ត្រីការបរទេសអូស្ត្រាលី ព្រមទាំងជឿជាក់ថា ដំណើរទស្សនកិច្ចនេះនឹងរួមចំណែកយ៉ាងសំខាន់ក្នុងការជំរុញទំនាក់ទំនងដៃគូយុទ្ធសាស្ត្ររវាងវៀតណាមនិងអូស្ត្រាលី។ នាយករដ្ឋមន្ត្រី លោក Pham Minh Chinh បានថ្លែងអំណរគុណដល់រដ្ឋាភិបាលអូស្ត្រាលីសម្រាប់ការគាំទ្រនិងជំនួយឧបត្ថម្ភ អំពីវ៉ាក់សាំងបង្ការកូវីដ ១៩  ព្រមទាំងឧបករណ៍និងសម្ភារៈពេទ្យជាច្រើនដល់វៀតណាម ជាពិសេសវ៉ាក់សាំងសម្រាប់កុមារចំនួន ១៤,៤ លានដូស ដែលជួយវៀតណាមពន្លឿនយុទ្ធនាការចាក់វ៉ាក់សាំង ស្តារនិងអភិវឌ្ឍន៍សេដ្ឋកិច្ច។

ចំណែកឯរដ្ឋមន្ត្រី លោកស្រី Penny Wong បានអះអាងថា អូស្ត្រាលីតែងតែយកចិត្តទុកដាក់យ៉ាងខ្លាំងចំពោះតួនាទី និងឋានៈរបស់វៀតណាមនៅក្នុងតំបន់។ លោកស្រីរដ្ឋមន្ត្រី Penny Wong ក៏បានអះអាងថា លោកស្រីនឹងសម្របសម្រួលជាមួយក្រសួងការបរទេស និងស្ថាប័នពាក់ព័ន្ធរបស់វៀតណាម ដើម្បីនាំទំនាក់ទំនងដៃគូយុទ្ធសាស្ត្រវៀតណាម - អូស្ត្រាលី កាន់តែស៊ីជម្រៅ និងមានប្រសិទ្ធភាព ឆ្ពោះទៅរកកម្ពស់ថ្មី ជាពិសេសក្នុងបរិបទដែលប្រទេសទាំងពីរត្រៀមរៀបចំពិធីអបអរសាទរខួបលើកទី ៥០ នៃការបង្កើតទំនាក់ទំនងការទូត (១៩៧៣-២០២៣) ។

មុននោះ នាព្រឹកថ្ងៃទី២៧ ខែមិថុនា ឆ្នាំ២០២២ នៅទីក្រុងហាណូយ រដ្ឋមន្ត្រីការបរទេស លោក Bui Thanh Son បានជួបសន្ទនាជាមួយសមភាគីអូស្ត្រាលី។ នៅក្នុងជំនួបពិភាក្សា រដ្ឋមន្ត្រីទាំងពីររូបបានឯកភាពជំរុញកិច្ចសហប្រតិបត្តិការលើវិស័យថ្មីដែលមានសក្ដានុពលខ្លាំងដូចជាការប្រែប្រួលអាកាសធាតុ កំណើនបៃតង និងនិរន្តរភាពជាដើម។ អញ្ជើញពិភាក្សាអំពីបញ្ហាសមុទ្រខាងកើត រដ្ឋមន្ត្រីការបរទេសអូស្ត្រាលីបានអះអាងពីសារៈសំខាន់នៃការរក្សាសន្តិភាព ស្ថិរភាព សុវត្ថិភាព និងសេរីភាពនៃការធ្វើនាវាចរណ៍ និងអាកាសចរណ៍ ដោយគោរពតាមច្បាប់អន្តរជាតិ៕

តាម​ VOV5 - វិទ្យុសម្លេងវៀតណាម

ឧបនាយករដ្ឋមន្ត្រី លោក Tran Luu Quang អញ្ជើញជូនពរព្រះសង្ឃ និងពុទ្ធសាសនិកជននៅខេត្ត Bac Ninh

ឧបនាយករដ្ឋមន្ត្រី លោក Tran Luu Quang អញ្ជើញជូនពរព្រះសង្ឃ និងពុទ្ធសាសនិកជននៅខេត្ត Bac Ninh

នាព្រឹកថ្ងៃទី២៩ ខែឧសភា ឆ្នាំ២០២៣ ឧបនាយករដ្ឋមន្ត្រី លោក Tran Luu Quang បានអញ្ជើញទៅសួរសុខទុក្ខនិងជូនពរដល់ព្រះសង្ឃ និងពុទ្ធបរិស័ទ ក្នុងឱកាសមហាពិធីបុណ្យវិសាខបូជា ពុទ្ធសករាជ ២៥៦៧ - ប្រតិទិនសុរិយគតិ ២០២៣ នៅវត្ត Ham Long (សង្កាត់ Nam Son ទីក្រុង Bac Ninh) និងវត្ត Phat Tich (ស្រុក Tien Du ខេត្ត Bac Ninh)។

Top