ថ្លែងមតិប្រារព្ធសិក្ខាសាលានេះ ឯកអគ្គរដ្ឋទូតវៀតណាមប្រចាំអាហ្វ្រិកខាងត្បូង លោក Vu Van Dung បានសង្កត់ធ្ងន់ថា អាហ្វ្រិកខាងត្បូងជាខឿនសេដ្ឋកិច្ចធំបំផុតនៅទ្វីបអាហ្វ្រិកខណៈដែលវៀតណាមជាខឿនសេដ្ឋកិច្ចពោរពេញទៅដោយសក្ដានុពល។ ដោយហេតុនេះ ការជំរុញកិច្ចសហប្រតិបតិ្តការសេដ្ឋកិច្ច ពាណិជ្ជកម្មនិងវិនិយោគ ក៏ដូចជាការផ្លាស់ប្ដូរព័ត៌មាននិងតភ្ជាប់គ្នារវាងសហគ្រាសវៀតណាមនិងអាហ្វ្រិកខាងត្បូងគឺចាំបាច់ណាស់។ ដូច្នេះហើយ សិក្ខាសាលាពន្លឿនការវិនិយោគវៀតណាម-អាហ្វ្រិកខាងត្បូងនិងទីក្រុង Johannesburg - ខេត្ត Vinh Phuc លើកនេះ នាំមកនូវលទ្ធផលជាក់ស្ដែងសំរាប់ភាគីទាំងអស់តាមនោះរួមចំណែកសំខាន់ធ្វើឲ្យស៊ីជំរៅថែមទៀតនូវទំនាក់ទំនងមិត្តភាព កិច្ចសហប្រតិបត្តិការវៀតណាម-អាហ្វ្រិកខាងត្បូងនាពេលខាងមុខ៕

តាម VOV5 - វិទ្យុសម្លេងវៀតណាម