នាយកដ្ឋានជំរុញពាណិជ្ជកម្ម នៃក្រសួងឧស្សាហកម្មនិងពាណិជ្ជកម្មវៀតណាម ទើបតែសហការជាមួយនាយកដ្ឋានទីផ្សារអឺរ៉ុប - អាមេរិក (នៃក្រសួងឧស្សាហកម្មនិងពាណិជ្ជកម្មវៀតណាម) ទីភ្នាក់ងារពាណិជ្ជកម្មវៀតណាមប្រចាំនៅប្រទេសហូឡង់និងសមាគមអាជីវកម្មផលិតផលកីឡាហូឡង់ (FGSH) បានរៀបចំវេទិកាពាណិជ្ជកម្មផលិតផលកីឡាវៀតណាម - ហូឡង់ ឆ្នាំ ២០២០ តាមប្រព័ន្ធអនឡាញ។

ផលិតសម្លៀកបំពាក់នាំចេញនៅក្រុមហ៊ុនភាគហ៊ុនវិនិយោគនិងពាណិជ្ជកម្ម TNG Thai Nguyen (រូបថត៖ TTXVN)

លោក Le Hoang Tai អនុប្រធាននាយកដ្ឋានជម្រុញពាណិជ្ជកម្មវៀតណាម បានមានប្រសាសន៍ថា ប្រទេសហូឡង់បានក្លាយជាដៃគូពាណិជ្ជកម្មជួរមុខគេរបស់វៀតណាមនៅសហភាពអឺរ៉ុប (EU) ដោយមានទំហំពាណិជ្ជកម្មកើនឡើងជាលំដាប់ក្នុងរយៈពេលប៉ុន្មានឆ្នាំកន្លងមកនេះ។ ទាក់ទងនឹងការវិនិយោគប្រទេសហូឡង់ តែងតែជាវិនិយោគិនធំបំផុតរបស់សហភាពអឺរ៉ុបនៅវៀតណាម។ ទំនាក់ទំនងរវាងប្រទេសទាំងពីរបានឈានដល់ដំណាក់កាលសហការប្រតិបត្តិការដោយសមភាពនិងផ្តល់ផលប្រយោជន៍ដូចគ្នាទៅវិញទៅមកផង ដែរ ។

ដើម្បីជំរុញកិច្ចសហប្រតិបត្តិការពាណិជ្ជកម្មរវាងធុរកិច្ចនៃប្រទេសទាំងពីរ លោក Le Hoang Tai បានប្តេជ្ញាថា នាយកដ្ឋានជំរុញពាណិជ្ជកម្មវៀតណាមតែងតែត្រៀមខ្លួនជាស្រេចក្នុងការសម្របសម្រួលនិងបង្កលក្ខណៈអំណោយផលសម្រាប់ក្រុមហ៊ុនវៀតណាមនិង ហូឡង់ក្នុងការធ្វើអាជីវកម្មរួមគ្នាផងដែរ។ ទន្ទឹមនឹងនេះដែរ លោកក៏បានសម្តែងក្តីសង្ឃឹមថា នាពេលអនាគតនឹងមានសកម្មភាពសហប្រតិបត្តិការជាច្រើនបន្ថែមទៀតរវាងនាយកដ្ឋានវៀតណាមនិងសមាគម FGSH ដូចជាការធ្វើជាសហប្រធានក្នុងការរៀបចំព្រឹត្តិការណ៍ពាណិជ្ជកម្ម B2B រួមទាំងព្រឹត្តិការណ៍សម្រាប់ប្រតិភូពាណិជ្ជកម្មនិងវិនិយោគនៃភាគីទាំងពីរផងដែរ ៕

តាម VOV5 - វិទ្យុសម្លេងវៀតណាម