• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ចាប់ផ្តើមខែសកម្មភាពសម្រាប់សមភាពយេនឌ័រ និងការទប់ស្កាត់ ឆ្លើយតបទៅនឹងអំពើហិង្សាលើមូលដ្ឋានយេនឌ័រ

ពិធីនេះជាសកម្មភាពចាប់ផ្តើមសម្រាប់យុទ្ធនាការផ្សព្វផ្សាយកំពូលស្តីពីសមភាពយេនឌ័រឆ្នាំ២០២២ ដែលប្រព្រឹត្តទៅចាប់ពីថ្ងៃទី ១៥ ខែវិច្ឆិកា ដល់ថ្ងៃទី១៥ ខែធ្នូ។
  ទិដ្ឋភាពនៃពិធី (រូបថត៖ កាសែត Phap luat)  

ពិធីចាប់ផ្តើមខែសកម្មភាពសម្រាប់សមភាពយេនឌ័រ និងការទប់ស្កាត់ ឆ្លើយតបចំពោះអំពើហិង្សាលើមូលដ្ឋានយេនឌ័រ ឆ្នាំ២០២២ ក្រោមប្រធានបទ "ធានាសន្តិសុខសង្គម ការផ្តល់សិទ្ធិអំណាច និងបង្កើតឱកាសសម្រាប់ស្ត្រី និងកុមារី" ក្នុងគោលបំណងសម្រេចបានសមភាពយេនឌ័រ និងការលុបបំបាត់អំពើហិង្សាលើស្ត្រី និងកុមារី ដែលប្រព្រឹត្តទៅនាថ្ងៃទី ១២ ខែវិច្ឆិកា នៅទីក្រុង Vung Tau ខេត្ត Ba Ria - Vung Tau។ ព្រឹត្តិការណ៍នេះ ដោយក្រសួងការងារ-យុទ្ធជនពិការ និងសង្គមកិច្ច សហការជាមួយគណៈកម្មាធិការប្រជាជនខេត្ត Ba Ria - Vung Tau និងទីភ្នាក់ងារអង្គការសហប្រជាជាតិប្រចាំនៅវៀតណាមរៀបចំឡើង។ ពិធីនេះជាសកម្មភាពចាប់ផ្តើមសម្រាប់យុទ្ធនាការផ្សព្វផ្សាយកំពូលស្តីពីសមភាពយេនឌ័រឆ្នាំ២០២២ ដែលប្រព្រឹត្តទៅចាប់ពីថ្ងៃទី ១៥ ខែវិច្ឆិកា ដល់ថ្ងៃទី១៥ ខែធ្នូ។ ទន្ទឹមនឹងពិធីនេះ នឹងមានសកម្មភាពរាប់ពាន់ដែលធ្វើឡើងដោយផ្ទាល់ និងតាមអ៊ីនធឺណិតនៅទូទាំងប្រទេស។

អញ្ជើញថ្លែងមតិនៅទីនេះ អនុរដ្ឋមន្ត្រីក្រសួងការងារ យុទ្ធជនពិការ និងសង្គមកិច្ច លោកស្រី Nguyen Thi Ha បានស្នើឲ្យគ្រប់លំដាប់ថ្នាក់ គ្រប់វិស័យ និងមូលដ្ឋាន ត្រូវយកចិត្តទុកដាក់លើការប្រាស្រ័យទាក់ទង ដើម្បីលើកកម្ពស់ការយល់ដឹងរបស់អង្គការ និងប្រជាជនអំពីសមភាពយេនឌ័រ; ប្តេជ្ញាចិត្តយ៉ាងសកម្ម និងធ្វើសកម្មភាពជាក់ស្តែង   ដើម្បីកសាងសង្គមស្មើភាពគ្នា គ្មានអំពើហិង្សា និងការរំលោភបំពានលើស្ត្រី និងកុមារ។

តាងនាមឱ្យបណ្តាអង្គការនៃអង្គការសហប្រជាជាតិប្រចាំនៅវៀតណាម លោកស្រី Elisa Fernandez ប្រធានតំណាងទីភ្នាក់ងារអង្គការសហប្រជាជាតិទទួលបន្ទុកសមភាពយេនឌ័រ និងការពង្រឹងអំណាចស្ត្រី (UN Women) បានអះអាងថា អង្គការសហប្រជាជាតិនឹងបន្តគាំទ្រវៀតណាម ក្នុងការលើកកម្ពស់សមភាពយេនឌ័រ លុបបំបាត់ការរើសអើងនិងអំពើហិង្សា ផ្អែកលើយេនឌ័រ ឆ្ពោះទៅរកការសម្រេចបាននូវគោលដៅអភិវឌ្ឍន៍ប្រកបដោយចីរភាព៕

តាម VOV5 - វិទ្យុសំឡេង​វៀតណាម

ឱកាសសហប្រតិបត្តិការ និងតភ្ជាប់អាជីវកម្មរវាងវៀតណាម និងកម្ពុជា

ឱកាសសហប្រតិបត្តិការ និងតភ្ជាប់អាជីវកម្មរវាងវៀតណាម និងកម្ពុជា

សន្និសីទនេះបានជួយសហគ្រាសនៃប្រទេសវៀតណាម និងកម្ពុជា សហការគ្នា ស្វែងរកឱកាសអាជីវកម្ម ជំរុញការនាំចេញទំនិញ ជួយសហគ្រាសធុនតូច និងមធ្យមនៃប្រទេសទាំងពីរ ជំនះពុះពារលើការលំបាកក្រោយជំងឺរាតត្បាតកូវីដ ១៩ និងអតិផរណាសេដ្ឋកិច្ចពិភពលោកផងដែរ។

Top