ឧត្តមសេនីយ៍ឯកលោក Nguyen Chi Vinh (រូបថតៈTTXVN)
គណៈប្រតិភូជាន់ខ្ពស់នៃក្រសួងការពារប្រទេសវៀតណាម ដឹកនាំដោយឧត្តមសេនីយ៍ឯកលោក Nguyen Chi Vinh បានអញ្ជើញទៅបំពេញទស្សនកិច្ចការងារនៅ ម៉ូសំប៊ិក ចាប់ពីថ្ងៃទី២៧ដល់ថ្ងៃទី២៨មិនា សំដៅជម្រុញកិច្ចសហប្រតិបត្តិការការពារជាតិទ្វេភាគី។ ក្នុងជំនួបជាមួយសមភាគី ម៉ូសំប៊ិក លោក Antanasio Salvador M’tumuke ឧត្តមសេនីយ៍ឯកលោក Nguyen Chi Vinh បានសង្កត់ធ្ងន់ថាវៀតណាម យកចិត្តទុកដាក់លើទំនាក់ទំនងមិត្តភាពប្រពៃណីជាមួយម៉ូសំប៊ិក និងជានិច្ចកាលមានបំណងជម្រុញ កិច្ចសហប្រតិបត្តិការ លើគ្រប់វិស័យរវាងប្រទេសទាំងពីរ ក្នុងនោះមានវិស័យការពារជាតិ។ រីឯរដ្ឋមន្ត្រីលោក M’tumuke បានឲ្យដឹងថា ម៉ូសំប៊ិកគោរពជានិច្ចទំនាក់ទំនងរវាងប្រទេសទាំងពីរ។
នៅក្នុងជំនួបជាមួយនាយឧត្តមសេនីយ៍ Graca Tomas Chonggo អគ្គសេនាធិ ការកងទ័ពម៉ូសំប៊ិក លោក Nguyen Chi Vinh បានអះអាងថា បក្ស រដ្ឋ កងទ័ពនិងប្រជាជនវៀតណាម នឹងធ្វើអស់ពីកម្លាំងកាយចិត្តដើម្បីពង្រឹងនិងពង្រីកទំនាក់ទំនងមិត្តភាពយូរអង្វែង រវាងវៀតណាមជាមួយម៉ូសំប៊ិក។ ភាគីទាំងពីរបានឯកភាពបង្កើនការផ្លាស់ប្តូរគណៈប្រតិភូជាន់ខ្ពស់ និងជម្រុញកិច្ចសហប្រតិបត្តិការ លើវិស័យពេទ្យយោធាព័ត៌មានទំនាក់ទំនង បណ្តុះបណ្តាលនិងឧស្សាហកម្មការពារជាតិជាដើម៕
តាម VOV5 - វិទ្យុសំឡេងវៀតណាម
