• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

កូរ៉េខាងត្បូងតែងតែយកចិត្តទុកដាក់ចំពោះទំនាក់ទំនងជាមួយវៀតណាម

នារសៀលថ្ងៃទី ២៣ មិនា ពីវិមានប្រធានរដ្ឋ ប្រធានរដ្ឋវៀតណាម លោក Nguyen Xuan Phuc បាន ញ្ជើញជួបសន្ទនាតាមទូរស័ព្ទជាមួយប្រធានាធិបតីជាប់ឆ្នោតនៃសាធារណរដ្ឋកូរ៉េខាងត្បូងលោក Yoon Suk-yeol។
  ប្រធានរដ្ឋ លោក Nguyen Xuan Phuc បានអញ្ជើញជួបសន្ទនាតាមទូរស័ព្ទជាមួយប្រធានាធិបតីកូរ៉េខាងត្បូង លោក Yoon Suk-yeol (រូបថត៖ TTXVN)  

ក្នុងជំនួបនេះ ប្រធានរដ្ឋ លោក Nguyen Xuan Phuc បានអបអរសាទរចំពោះលោក Yoon Suk-yeol ដែលត្រូវបានជាប់ឆ្នោតជាប្រធានាធិបតីទី ២០ នៃសាធារណរដ្ឋកូរ៉េ។ ទន្ទឹមនឹងនោះ លោកក៏បានវាយតម្លៃខ្ពស់ចំពោះសមិទ្ធិផលសំខាន់ៗដែលប្រទេសទាំងពីរសម្រេចបានក្នុងរយៈពេល ៣០ ឆ្នាំកន្លងមក ចាប់តាំងពីបង្កើតទំនាក់ទំនងការទូតក្នុងឆ្នាំ ១៩៩២ មក។ ក្នុងឱកាសនេះ លោកប្រធានរដ្ឋ Nguyen Xuan Phuc បានអញ្ជើញលោកប្រធានាធិបតី Yoon Suk-yeol មកបំពេញទស្សនកិច្ចនៅវៀតណាម។

រីឯខ្លួនវិញ ប្រធានាធិបតីជាប់ឆ្នោត លោក Yoon Suk-yeol បានអះអាងថា លោកតែងតែយកចិត្តទុកដាក់ចំពោះទំនាក់ទំនងជាមួយវៀតណាម។ លោកប្រធានាធិបតីបានសង្កត់ធ្ងន់ថា លោកនឹងបន្តជំរុញធុរកិច្ចកូរ៉េខាងត្បូងមកបណ្តាក់ទុននិងពង្រីកទំហំវិនិយោគនៅវៀតណាមនាពេលខាងមុខ ព្រមទាំងបានឲ្យដឹងថា កូរ៉េខាងត្បូងនឹងបង្កើតលក្ខខណ្ឌអំណោយផល សម្រាប់ពលរដ្ឋវៀតណាមក្នុងការចូលទៅប្រទេសកូរ៉េខាងត្បូង ក៏ដូចជា ជំរុញកិច្ចសហប្រតិបត្តិការទេសចរណ៍និងបង្កើនការផ្លាស់ប្តូរប្រជាជនរវាងប្រទេសទាំងពីរ។ លោក Yoon Suk-yeol បានវាយតម្លៃខ្ពស់ចំពោះតួនាទីរបស់វៀតណាមនៅក្នុងតំបន់អាស៊ាន និងការរួមចំណែករបស់វៀត ណាមចំពោះសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍនៅឧបទ្វីបកូរ៉េ។

ក្នុងជំនួបសន្ទនាតាមទូរស័ព្ទនេះ ថ្នាក់ដឹកនាំនៃប្រទេសទាំងពីរបានឯកភាពបន្តរក្សាការផ្លាស់ប្តូរគណៈប្រតិភូនៅគ្រប់កម្រិត; ពង្រឹងកិច្ចសហប្រតិបត្តិការជិតស្និទ្ធក្នុងការអនុវត្តសកម្មភាពនានាក្នុងឱកាសរំលឹកខួបលើកទី ៣០ នៃការបង្កើតទំនាក់ទំនងការទូតរវាងវៀតណាមនិងកូរ៉េខាងត្បូង (១៩៩២-២០២២) ដែលក្នុងនោះ ឆ្ពោះទៅការដំឡើងទំនាក់ទំនងទៅជា "ភាពជាដៃគូយុទ្ធសាស្ត្រគ្រប់ជ្រុងជ្រោយ"; សម្របសម្រួលក្នុងការអនុវត្តវិធានការដើម្បីបង្ហើយគោលដៅបង្កើនទំហំពាណិជ្ជកម្មទ្វេភាគីឱ្យដល់ ១០០ ពាន់លានដុល្លារនៅឆ្នាំ ២០៣០ និង ១៥០ ពាន់លានដុល្លារនៅឆ្នាំ ២០៣០; បន្តកិច្ចសហប្រតិបត្តិការជិតស្និទ្ធក្នុងបញ្ហាតំបន់និងអន្តរជាតិ; សម្របសម្រួលនិងគាំទ្រវៀតណាមក្នុងការលើកកម្ពស់តួនាទីរបស់ខ្លួនជាអ្នកសម្របសម្រួលទំនាក់ទំនងអាស៊ាន-កូរ៉េខាងត្បូងសម្រាប់អាណត្តិ ២០២១-២០២៤៕

តាម​ VOV5 - វិទ្យុសម្លេងវៀតណាម

ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសកម្ពុជា លោក ប្រាក់ សុខុន បញ្ជាក់នូវទំនាក់ទំនងដ៏រឹងមាំ ស៊ីជម្រៅ និងគ្រប់ជ្រុងជ្រោយជាមួយវៀតណាម

ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសកម្ពុជា លោក ប្រាក់ សុខុន បញ្ជាក់នូវទំនាក់ទំនងដ៏រឹងមាំ ស៊ីជម្រៅ និងគ្រប់ជ្រុងជ្រោយជាមួយវៀតណាម

ក្នុងអំឡុងពេល៥៥ ឆ្នាំកន្លងមកនេះ កម្ពុជា និង វៀតណាមបានបញ្ជាក់យ៉ាងច្បាស់ចំពោះពិភពលោកនូវទំនាក់ទំនងដ៏រឹងមាំ ស៊ីជម្រៅ គ្រប់ជ្រុងជ្រោយ និងប្រកបដោយភាពធន់នឹងការប្រែប្រួលខាង ភូមិសាស្ត្រនយោបាយក្នុងតំបន់ និងអន្តរជាតិ។

Top