ខណៈពេលដែលវៀតណាមនាំចេញផលិតផលត្រូពិចជាច្រើនដូចជា កាហ្វេ គ្រាប់ស្វាយចន្ទី ម្រេច ផ្លែឈើ គ្រឿងសង្ហារិមឈើ គឺសហរដ្ឋអាមេរិក និងរដ្ឋ Ohio ផ្គត់ផ្គង់ផលិតផលដូចជា សណ្តែកសៀង សាច់គោ ពោត ឈើ ទឹកដោះគោ និងផលិតផលពីទឹកដោះគោ។ កិច្ចសហប្រតិបត្តិការនឹងធ្វើពិពិធកម្មផលិតផល ធានាគុណភាព និងប្រភពដើមច្បាស់លាស់នៃផលិតផលកសិកម្ម និងគ្រឿងសង្ហារឹម ឈើនៅក្នុងបណ្តាញចែកចាយ។

ក្នុងកិច្ចចរចាតភ្ជាប់ធុរកិច្ចវៀតណាម - Ohio ក្នុងក្របខ័ណ្ឌនៃដំណើរទស្សនកិច្ច គណៈប្រតិភូទាំងអស់បានឯកភាពចាត់ទុកថា នៅមានសក្ដានុពលជាច្រើនដើម្បីពង្រីក កិច្ចសហប្រតិបត្តិការក្នុងវិស័យកសិកម្ម ជាពិសេសពាណិជ្ជកម្មកសិផលរវាងភាគី ទាំងពីរ។ ជាពិសេស ភាគីនានាបានពិភាក្សា និងចុះហត្ថលេខាលើអនុស្សរណៈនៃការ យោគយល់គ្នា (MoU) ស្តីពីការនាំចូលគ្រឿងផ្សំចំណីសត្វពីរដ្ឋ Ohio ដែលមានតម្លៃ សរុបជាង ៦០០លានដុល្លារអាមេរិក។ សហគ្រាសវៀតណាមជាច្រើនក៏បានតភ្ជាប់ជាមួយដៃគូរដ្ឋ Ohio ដើម្បីជំរុញការនាំចូលទំនិញដូចជា ឈើ ផ្លែឈើ និងសាច់ ផងដែរ៕