គោលដៅរួមគឺដើម្បីអភិវឌ្ឍន៍ទីក្រុងហូជីមិញ ទៅជាតំបន់ទីក្រុងសកល ទំនើប ថាមវន្ត និងច្នៃប្រឌិត; ជាទីក្រុងដែលមានធនធានមនុស្សគុណភាពខ្ពស់ សេវាកម្ម- ឧស្សាហកម្មទំនើប ឈានមុខគេក្នុងសេដ្ឋកិច្ចបៃតង សេដ្ឋកិច្ចឌីជីថល សង្គមឌីជីថល មជ្ឈម្ឌលសេដ្ឋកិច្ច ហិរញ្ញវត្ថុ ពាណិជ្ជកម្ម - សេវាកម្ម វប្បធម៌ អប់រំ វិទ្យាសាស្ត្រ - បច្ចេកវិទ្យានៃប្រទេសទាំងមូល សមាហរណកម្មអន្តរជាតិយ៉ាងស៊ីជម្រៅ និងមានឋានៈលេចធ្លោមួយនៅអាស៊ីអាគ្នេយ៍។ ទន្ទឹមនឹងនោះ ជាទីក្រុងដែលមានគុណភាពរស់នៅខ្ពស់ ពោរពេញទៅដោយអត្តសញ្ញាណ បរិស្ថានប្រកបដោយនិរន្តរភាព និងសម្របខ្លួនទៅនឹងការប្រែប្រួលអាកាសធាតុ។
ទាក់ទងនឹងសេដ្ឋកិច្ច ទីក្រុងខិតខំសម្រាប់អត្រាកំណើន GRDP ជាមធ្យមប្រហែល ៨,៥-៩,០% ក្នុងមួយឆ្នាំ ដំណាក់កាល ២០២១-២០៣០។ នៅឆ្នាំ ២០៣០ GRDP ជាមធ្យមសម្រាប់មនុស្សម្នាក់ក្នុងតម្លៃបច្ចុប្បន្ននឹងឡើងដល់ ៣៨៥-៤០៥ លានដុង ស្មើនឹង ១៤.៨០០-១៥.៤០០ ដុល្លារអាមេរិក។
ទាក់ទងនឹងពាណិជ្ជកម្ម គោលដៅគឺអភិវឌ្ឍន៍ទីក្រុងហូជីមិញឱ្យក្លាយជាមជ្ឈមណ្ឌលពាណិជ្ជកម្មអេឡិចត្រូនិចនៃតំបន់ភាគអាគ្នេយ៍។ ជំរុញការអភិវឌ្ឍន៍សេវាកម្មភស្តុភារដែលទាក់ទងនឹងការពង្រឹងទំនាក់ទំនងក្នុងតំបន់ និងការកសាងអាជីវកម្មភស្តុភារដ៏រឹងមាំ។
ទាក់ទងនឹងសង្គម អត្រានគរូបនីយកម្មបានឈានដល់ជាង ៩០%; ឃុំ ១០០% ខិតខំដើម្បីបំពេញតាមស្តង់ដារជនបទថ្មី។ ខិតខំបង្កើនខ្សែបន្ទាត់ភាពក្រីក្រនៃប្រាក់ចំណូលរបស់ទីក្រុងនៅចុងឆ្នាំ ២០៣០ កើនពីរដងប្រៀបនឹងស្តង់ដារជាតិ ដោយមិនមានគ្រួសារក្រីក្រជាមូលដ្ឋានស្របតាមខ្សែបន្ទាត់ភាពក្រីក្រជាតិ ហើយតិចជាង ០,៥% នៃគ្រួសារក្រីក្រ យោងតាមស្តង់ដារភាពក្រីក្ររបស់ទីក្រុង៕
