នេះគឺជាលទ្ធផលដ៏លេចធ្លោបំផុតក្នុងដំណើរទស្សនកិច្ចរយៈពេល២ថ្ងៃរបស់នាយករដ្ឋមន្ត្រីអង់គ្លេស លោក Rishi Sunak នៅសហរដ្ឋអាមេរិក ដែលកត់សម្គាល់ការរស់ឡើងវិញទំនាក់ទំនងក្រោយ Brexit។
ជាមួយនឹងសេចក្តីថ្លែងការណ៍អាត្លង់ទិក ក្រុមហ៊ុនផលិតដែលមានទីស្នាក់ការនៅចក្រភពអង់គ្លេសអាចទទួលបានកញ្ចប់ឧបត្ថម្ភធន និងការបន្ធូរបន្ថយពន្ធយ៉ាងច្រើនពីច្បាប់កាត់បន្ថយអតិផរណាដែលសភាអាមេរិកបានអនុម័តកាលពីឆ្នាំមុន។ ប្រទេសទាំងពីរក៏បានឯកភាពទទួលស្គាល់របបការពារទិន្នន័យរបស់គ្នាទៅវិញទៅមក។ សេចក្តីថ្លែងការណ៍អាត្លង់ទិកក៏បានសង្កត់ធ្ងន់លើកិច្ចសហប្រតិបត្តិការកាន់តែជិតស្និទ្ធរវាងអាមេរិក និងអង់គ្លេស លើថាមពលនុយក្លេអ៊ែរស៊ីវិល ពង្រឹងខ្សែសង្វាក់ផ្គត់ផ្គង់ និងសម្របសម្រួលត្រួតពិនិត្យការនាំចេញបច្ចេកវិទ្យារសើប។ លោក Rishi Sunak បានលើកសរសើរកិច្ចព្រមព្រៀងនេះបានជួយធានាទំនាក់ទំនងកាន់តែជិតស្និទ្ធរវាងប្រទេសទាំងពីរ និងពង្រឹងសន្តិសុខសេដ្ឋកិច្ចដើម្បីឆ្លើយតបរាល់ការគំរាមកំហែង។
លើសពីនេះ សេចក្តីប្រកាសអាត្លង់ទិក ផ្តោតលើការលើកកម្ពស់ទំនាក់ទំនងក្នុងវិស័យការពារជាតិនិងថាមពលកកើតឡើងវិញ ដើម្បីឆ្លើយតបនឹងការប្រកួតប្រជែងរបស់ប្រទេសមួយចំនួនទៀត៕
