អគ្គលេខាបក្ស ប្រធានរដ្ឋវៀតណាមលោក តូ ឡឹម បានបញ្ជាក់យ៉ាងដូច្នេះ កាលពីរសៀលថ្ងៃទី ៥ ខែកញ្ញា នៅទីក្រុងហាណូយ នៅពេលទទួលជួបឯកអគ្គរដ្ឋទូតបង់ក្លាដែសប្រចាំនៅវៀតណាម លោក Mohammad Lutfor Rahman ដែលបានមកជម្រាបលា ក្នុងឱកាសបញ្ចប់អាណត្តិបេសកកម្ម។ លោកអគ្គលេខាបក្ស ប្រធានរដ្ឋ តូ ឡឹម បានស្នើថា នាពេលខាងមុខ ប្រទេសទាំងពីរគួរតែបង្កើនការផ្លាស់ប្តូរគណៈប្រតិភូជាន់ខ្ពស់ និងគ្រប់ជាន់ថ្នាក់ រក្សាយន្តការសន្ទនាទ្វេភាគី ជំរុញថែមទៀតនូវកិច្ចសហប្រតិបត្តិការសេដ្ឋកិច្ច និងពាណិជ្ជកម្ម ព្រមទាំងពង្រីកកិច្ចសហប្រតិបត្តិការលើវិស័យឧស្សាហកម្មហាឡាល់ បច្ចេកវិទ្យាព័ត៌មាន ការផ្លាស់ប្តូរឌីជីថល ការផ្លាស់ប្តូរបៃតង ការអប់រំ និងបណ្តុះបណ្តាល ទេសចរណ៍ និងការជួបប្រាស្រ័យរវាងប្រជាជនជាមួយប្រជាជន។

រីឯខ្លួនវិញ លោកឯកអគ្គរដ្ឋទូត Mohammad Lutfor Rahman បានបញ្ជាក់ថា លោកនឹងបន្តយកចិត្តទុកដាក់ និងខិតខំប្រឹងប្រែងពូនជ្រុំទំនាក់ទំនងរវាងប្រទេសទាំងពីរឲ្យកាន់តែរីកចម្រើន។ លោកឯកអគ្គរដ្ឋទូតក៏បានសង្កត់ធ្ងន់លើគោលបំណងរបស់ប្រទេសបង់ក្លាដែសក្នុងការពង្រឹងថែមទៀតនូវទំនាក់ទំនងជាមួយសមាគមប្រជាជាតិអាស៊ីអាគ្នេយ៍ (អាស៊ាន) ដោយបញ្ជាក់ថា បង់ក្លាដែសជានិច្ចកាលចែករំលែកទស្សនៈរបស់អាស៊ាន និងវៀតណាមលើបញ្ហានានាក្នុងតំបន់៕