សារអបអរសាទររបស់គណៈកម្មាធិការប្រតិបត្តិមជ្ឈិមនៃបក្សបដិវត្តន៍ប្រជាជនឡាវបានបញ្ជាក់ថា ជ័យជំនះនិងសមិទ្ធិផលដ៏ធំធេងនិងទូលំទូលាយនៃបដិវត្តន៍វៀតណាមគឺជាលទ្ធផលនៃការណែនាំ និងការដឹកនាំផ្ទាល់របស់លោកប្រធានហូជីមិញ។ បុព្វហេតុបដិវត្តន៍វៀតណាមក្នុងរយៈពេលជាច្រើនទស្សវត្សរ៍កន្លងមកបានបញ្ជាក់ពីការដឹកនាំដ៏ឈ្លាសវៃ និងត្រឹមត្រូវរបស់បក្សកុម្មុយនិស្តវៀតណាម ក៏ដូចជាចក្ខុវិស័យដ៏វែងឆ្ងាយរបស់លោកប្រធានហូជីមិញ លើការកសាងបក្ស ការគ្រប់គ្រងរដ្ឋ សាមគ្គីភាព និងឯកភាពជាតិក្នុងនិងក្រៅប្រទេស ក្លាយជាសតិអារម្មណ៍ និងទ្រឹស្តីសមស្របសម្រាប់បដិវត្តន៍វៀតណាមរហូតមកដល់សព្វថ្ងៃនេះ។ សតិអារម្មណ៍ សីលធម៌បដិវត្តន៍ និងវិធីសាស្ត្របំពេញការងាររបស់លោកប្រធានហូជីមិញ បានក្លាយជាគំរូដ៏ភ្លឺស្វាង ដែលជាទ្រព្យសម្បត្តិមិនអាចកាត់ថ្លៃបានមិនត្រឹមតែសម្រាប់ប្រជាជនវៀតណាមប៉ុណ្ណោះទេ ថែមទាំងជាគំរូដ៏ភ្លឺស្វាងសម្រាប់ប្រជាជនដែលស្រឡាញ់សន្តិភាព ឯករាជ្យជាតិ និងវឌ្ឍនភាពសង្គមផងដែរ៕