• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

សារអំពីប្រទេសវៀតណាមដែលអភិវឌ្ឍន៍យ៉ាងស្វាហាប់និងធ្វើសមាហរណកម្មអន្តរជាតិយ៉ាងស៊ីជម្រៅ

នាប៉ុន្មានខែដើមឆ្នាំនេះ បានឃើញសកម្មភាពការទូតយ៉ាងញឹកញាប់របស់ថ្នាក់ដឹកនាំបក្ស និងរដ្ឋវៀតណាម។ “ប្រទេសវៀតណាមមួយដែលអភិវឌ្ឍន៍យ៉ាងស្វាហាប់ ផ្លាស់ប្ដូរថ្មី ធ្វើសមាហរណកម្មអន្តរជាតិ និងរួមដៃគ្នាជាមួយពិភពលោកដោះស្រាយបញ្ហាសកល” គឺជា សារដែលថ្នាក់ដឹកនាំវៀតណាមតែងតែបញ្ជាក់ក្នុងសកម្មភាពកិច្ចការបរទេសដ៏សំខាន់ទាំងនេះ។ ប្រការនេះបង្ហាញពីឋានៈថ្មីរបស់វៀតណាមក្នុងបរិបទភូមិសាស្ត្រនយោបាយពិភពលោកដែលកំពុងមានការប្រែប្រួលជាច្រើន។
នាយករដ្ឋមន្ត្រី លោក Pham Minh Chinh និងមេដឹកនាំពិភពលោកអញ្ជើញចូលរួមកិច្ចប្រជុំកំពូល G7 បើកទូលាយក្នុងខែឧសភា ឆ្នាំ ២០២៣។ (រូបថត៖ VNA)

ដំណើរទស្សនកិច្ចជាផ្លូវការនៅឡាវក្នុងខែមេសា ដំណើរទស្សនកិច្ចនិងចូលរួមពិធីឡើងគ្រងរាជ្យរបស់ព្រះមហាក្សត្រអង់គ្លេស Charles III ក្នុងខែឧសភា របស់ប្រធានរដ្ឋវៀតណាមលោក Vo Van Thuong; ដំណើរទស្សនកិច្ចចូលរួមកិច្ចប្រជុំកំពូល G7 បើកទូលាយក្នុងខែឧសភា ឆ្នាំ ២០២៣ និងមុននោះគឺដំណើរទស្សនកិច្ចចូលរួមកិច្ចប្រជុំកំពូលអាស៊ានលើកទី ៤២ របស់នាយករដ្ឋមន្ត្រី លោក Pham Minh Chinh ក្នុងខែមេសា; ដំណើរទស្សនកិច្ចជាផ្លូវការនៅសាធារណរដ្ឋគុយបា សាធារណរដ្ឋអាហ្សង់ទីន និងសាធារណៈរដ្ឋអ៊ុយរូហ្គាយ ខាងកើតរបស់ប្រធានរដ្ឋសភា លោក Vuong Dinh Hue ក្នុងខែមេសា ... គឺជាសញ្ញាសម្គាល់ពិសេសរបស់វៀតណាមក្នុងវេទិកាអន្តរជាតិ និងតំបន់ក្នុងឆ្នាំនេះ។

សារអំពីប្រទេសវៀតណាមដែលរួមដៃជាមួយប្រទេសនានាកសាងពិភពលោកប្រកបដោយសន្តិភាព

ក្នុងសកម្មភាពការទូតដ៏លេចធ្លោទាំងនេះ សារស្ដីពីប្រទេសវៀតណាមដែលកំពុងរួមដៃជាមួយប្រទេសនានាកសាងពិភពលោកប្រកបដោយសន្តិភាព និងស្ថិរភាព តែងតែត្រូវបានថ្នាក់ដឹកនាំវៀតណាមរំលេចឡើង។ ជាមួយនឹងដំណើរទស្សនកិច្ចជាផ្លូវការនៅឡាវកាលពីខែមេសាកន្លងទៅ ប្រធានរដ្ឋវៀតណាមលោក Vo Van Thuong មានសកម្មភាពដ៏សម្បូរបែបជិត ២០ តាមនោះបញ្ជាក់នូវការផ្តល់អាទិភាពខ្ពស់បំផុតសម្រាប់ទំនាក់ទំនងពិសេសវៀតណាម-ឡាវជាមួយនឹងសារថា វៀតណាម - ឡាវ៖ នឹងបន្តប្រកៀកស្មាគ្នាអភិវឌ្ឍន៍យ៉ាងខ្លាំងមាំមួន។ បន្ទាប់នោះ ដោយមានសកម្មភាពប្រមាណ ៤០ នៅឯកិច្ចប្រជុំកំពូល G7 បើកទូលាយនៅទីក្រុងហ៊ីរ៉ូស៊ីម៉ា (ជប៉ុន) នាយករដ្ឋមន្ត្រីវៀតណាមលោក Pham Minh Chinh បានសង្កត់ធ្ងន់លើសារសំខាន់ៗជាច្រើនរបស់វៀតណាម។ នោះគឺ៖ ជំរុញភាពជាដៃគូជាសកលឲ្យកានតែជាក់ស្ដែង មានប្រសិទ្ធភាពជាងមុន លើកកំពស់សាមគ្គីភាពអន្តរជាតិ ប្រកាន់ខ្ជាប់នូវកិច្ចសហប្រតិបត្តិការពហុភាគី; ការអភិវឌ្ឍប្រកបដោយចីរភាព ឆ្លើយតបទៅនឹងការប្រែប្រួលអាកាសធាតុ ធានាតុល្យភាព ភាពសុខដុមរមនានៃផលប្រយោជន៍រវាងបណ្ដាប្រទេស ដើម្បីមិនទុកឲ្យនរណាម្នាក់ត្រូវបំភ្លេចចោលនៅពីក្រោយនោះឡើយ: ត្រៀមខ្លួនជាស្រេចរួមជាមួយអង្គការសហប្រជាជាតិ និងប្រទេសដទៃទៀត ដើម្បីដោះស្រាយបញ្ហាសកល។ រដ្ឋមន្ត្រីការបរទេសវៀតណាមលោក Bui Thanh Son បានឲ្យដឹងថា៖ ក្នុងទំនាក់ទំនងពហុភាគី យើងបានរួមចំណែកនូវវិធីអភិក្រម និងដំណោះស្រាយដោយមានអត្ថន័យសំខាន់ ពីទស្សនៈរបស់ប្រទេសកំពុងអភិវឌ្ឍន៍មួយ និងខឿនសេដ្ឋកិច្ចមួយដែលកំពុងផ្លាស់ប្ដូរ ពន្លឿនឧស្សាហូបនីយកម្ម ទំនើបកម្ម និងធ្វើសមាហរណកម្មអន្តរជាតិយ៉ាងស៊ីជម្រៅនិងទូលំទូលាយ។ វិធីអភិក្រម និងសំណើរបស់លោកនាយករដ្ឋមន្ត្រីដែលបានលើកឡើងក្នុងកិច្ចប្រជុំត្រូវបានវាយតម្លៃខ្ពស់ដោយបណ្ដាប្រទេស និងអង្គការអន្តរជាតិ ដែលរួមចំណែកបង្កើតវិធីអភិក្រមប្រកបដោយតុល្យភាព និងទូលំទូលាយ ដើម្បីដោះស្រាយបញ្ហាប្រឈមជាសកល ជាពិសេសលើបញ្ហាស្បៀងអាហារ សុខាភិបាល ការឆ្លើយតបទៅនឹងការប្រែប្រួលអាកាសធាតុ ការបំប្លែងថាមពល និងការការពារបរិស្ថានផងដែរ

សារស្ដីពីប្រទេសវៀតណាមដែលកំពុងរួមដៃជាមួយបណ្ដាប្រទេសកសាងពិភពលោកប្រកបដោយសន្តិភាព ស្ថិរភាព ក៏ត្រូវបានលោកនាយករដ្ឋមន្ត្រី Pham Minh Chinh បង្ហាញនៅក្នុងកិច្ចប្រជុំកំពូលអាស៊ាន។ សារនោះក៏ត្រូវបានបញ្ជាក់យ៉ាងច្បាស់ដោយប្រធានរដ្ឋសភាវៀតណាមលោក Vuong Dinh Hue ក្នុង ដំណើរទស្សនកិច្ចជាផ្លូវការនៅសាធារណរដ្ឋគុយបា សាធារណរដ្ឋអាហ្សង់ទីន សាធារណរដ្ឋអ៊ុយរូហ្គាយខាងកើតនៅ ជាមួយនឹងសកម្មភាពជាង ៨០ និងកិច្ចព្រមព្រៀងសហប្រតិបត្តិការជិត ៣០ ដែលត្រូវបានចុះហត្ថលេខាផងដែរ។

សក្ខីភាពអំពីប្រទេសវៀតណាមដែលអភិវឌ្ឍន៍និងធ្វើសមាហរណកម្មយ៉ាងស៊ីជម្រៅនិងទូលំទូលាយ

កាលពីខែមេសាកន្លងទៅ នៅវិមានប្រធានរដ្ឋ ប្រធានរដ្ឋវៀតណាមលោក Vo Van Thuong បានទទួលនិងជួបពិភាក្សាការងារជាមួយអគ្គទេសាភិបាលអូស្ត្រាលីលោក David Hurley ក្នុងឱកាសនៃដំណើរទស្សនកិច្ចផ្លូវរដ្ឋរបស់លោកអគ្គទេសាភិបាលនៅវៀតណាម។ ក៏ក្នុងខែមេសានេះដែរ នាយករដ្ឋមន្ត្រីវៀតណាមលោក Pham Minh Chinh បានស្វាគមន៍នាយករដ្ឋមន្ត្រីលោក Petr Fiala និងគណៈប្រតិភូជាន់ខ្ពស់សាធារណៈរដ្ឋឆែក អញ្ជើញមកបំពេញទស្សនកិច្ចជាផ្លូវការនៅវៀតណាម។ បន្ទាប់នោះគឺដំណើរទស្សនកិច្ចនៅវៀតណាមរបស់លោកនាយករដ្ឋមន្ត្រី Xavier Bettel និងគណៈប្រតិភូជាន់ខ្ពស់លុចសំបួ; ដំណើរទស្សនកិច្ចនៅវៀតណាមរបស់រដ្ឋមន្ត្រីការបរទេសអាមេរិក លោក Antony Blinken; ដំណើរទស្សនកិច្ចនៅវៀតណាមរបស់លោក Park Hark Kyu អគ្គនាយកទទួលបន្ទុកហិរញ្ញវត្ថុនៃសម្ព័ន្ធក្រុមហ៊ុន Samsung ហើយថ្មីៗបំផុតគឺដំណើរទស្សនសកិច្ចនៅវៀតណាមរបស់អគ្គនាយិកាអង្គការពាណិជ្ជកម្មពិភពលោក (WTO) លោកស្រី Ngozi Okonjo - Iweala។ ក្នុងព្រឹត្តិការណ៍ទាំងនេះ ថ្នាក់ដឹកនាំជាន់ខ្ពស់វៀតណាមតែងតែសង្កត់ធ្ងន់លើសារអំពីប្រទេសវៀតណាមដែលកំពុងអភិវឌ្ឍន៍ដោយឥតឈប់ឈរ និងធ្វើសមាហរណកម្មយ៉ាងស៊ីជម្រៅ ជាក់ស្ដែងនិងប្រកបដោយប្រសិទ្ធភាព។ ប្រការនេះត្រូវបានស្វាគមន៍ដោយអ្នកការទូតដែលកំពុងរស់នៅ និងធ្វើការនៅវៀតណាម។ លោក Saadi Salama ឯកអគ្គរដ្ឋទូតប៉ាឡេស្ទីនប្រចាំនៅវៀតណាមបានវាយតម្លៃថា៖ កាលពីមុន នរណាម្នាក់ក៏ស្គាល់ប្រទេសវៀតណាមតាមរយៈសង្គ្រាម ប៉ុន្តែឥឡូវនេះគេចង់ស្វែងយល់អំពីវៀតណាមតាមរយៈការអភិវឌ្ឍសេដ្ឋកិច្ចសង្គម និងតាមរយៈតំបន់ទេសចរណ៍ដ៏អស្ចារ្យ។ ដូច្នេះ ជាបណ្ដើរៗវៀតណាមនឹងក្លាយទៅជាជម្រើសដ៏សំខាន់ សម្រាប់ជនបរទេសជាច្រើន ហើយមិនថាគេទៅទីណានៅលើភពផែនដីនោះទេ គេក៏យកពាក្យវៀតណាមទាំងពីរមាត់នេះមកឧទ្ទេសនាមនិងផ្សព្វផ្សាយដល់មិត្តភក្តិរបស់គេ

ក្នុងពិភពលោកដែលមានការប្រែប្រួលជាច្រើនដូចបច្ចុប្បន្ននេះ សកម្មភាពកិច្ចការបរទេសជាន់ខ្ពស់របស់ថ្នាក់ដឹកនាំបក្ស និងរដ្ឋវៀតណាមនាពេលកន្លងមកបានបញ្ចេញសារអំពីប្រទេសវៀតណាមមួយដែលអភិវឌ្ឍន៍យ៉ាងស្វាហាប់ ផ្លាស់ប្ដូរថ្មី ធ្វើសមាហរណកម្មអន្តរជាតិយ៉ាងស៊ីជម្រៅ ប្រកបដោយប្រសិទ្ធិភាព ហើយកំពុងរួមដៃជាមួយបណ្ដាប្រទេសកសាងពិភពលោកសន្តិភាព។ ប្រការនេះបានរួមចំណែកយ៉ាងសំខាន់ក្នុងការកសាងរូបភាព និងលើកកំពស់ឋានៈ និងតួនាទីរបស់វៀតណាមលើឆាកអន្តរជាតិ ការពារ និងជំរុញផលប្រយោជន៍ស្របច្បាប់របស់ប្រទេសជាតិ រួមចំណែកអនុវត្តន៍យ៉ាងខ្លាំងក្លានូវគោលមាគ៌ាកិច្ចការបរទេសនៃមហាសន្និបាតបក្សកុម្មុយនិស្តវៀតណាមលើកទី១៣ ដែលជា៖ ឯករាជ្យ ខ្លួនទីពឹងខ្លួន ពហុភាគី និងពិពិធកម្មទំនាក់ទំនងកិច្ចបរទេសដើម្បីសន្តិភាព ស្ថិរភាព និងការអភិវឌ្ឍប្រកបដោយវិបុលភាពនៃតំបន់និងពិភពលោក៕

តាម VOV5 - វិទ្យុសំឡេង​វៀតណាម

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top