កិច្ចប្រជុំកំពូល WCS ឆ្នាំ២០២២ មានវត្តមានរបស់ថ្នាក់ដឹកនាំរដ្ឋាភិបាល អភិបាលទីក្រុង ថ្នាក់ដឹកនាំបណ្តាខេត្ត/ក្រុង និងអ្នកជំនាញឈានមុខគេក្នុងវិស័យអភិវឌ្ឍន៍ទីក្រុងមកពីជុំវិញពិភពលោក។ ប្រធាន បទនៃកិច្ចប្រជុំឆ្នាំនេះគឺ “Liveable and Sustainable Cities: Emerging Stronger” (ប្រែថា៖ ទីក្រុងគួរឲ្យចង់រស់នៅ និងប្រកបដោយនិរន្តរភាព៖ រីកចម្រើនកាន់តែរឹងមាំ" ។ WCS ឆ្នាំ២០២២ រួមមានសម័យប្រជុំពេញអង្គចំនួនពីរ និងសម័យពិភាក្សាចំនួន៥ ដោយផ្តោតសំខាន់លើប្រធានបទដូចជា៖ ហិរញ្ញវត្ថុប្រកបដោយនិរន្តរភាព ទីក្រុងឆ្លាតវៃ ការអភិវឌ្ឍន៍និងផែនការមេ ភាពធន់របស់ទីក្រុង និងទីក្រុងនាពេលអនាគតដែលគួរឲ្យចង់រស់នៅ។
WSC គឺជាវេទិការដែលបានប្រព្រឹត្តិទៅជារៀងរាល់ពីរឆ្នាំម្តង ចាប់ផ្តើមកាលពីឆ្នាំ ២០០៨ ហើយរហូតមកដល់ពេលនេះ បានទាក់ទាញការចូលរួមពីទីក្រុងចំនួនជាង ២៥០ នៅជុំវិញពិភពលោក ហើយត្រូវបានមេដឹកនាំមកពីរដ្ឋាភិបាល សហគ្រាស អង្គការអន្តរជាតិ មកចូលរួមនិងគាំទ្រ៕
