ប្រធានាធិបតីនៃសាធារណរដ្ឋកាហ្សាក់ស្ថាន Kassym-Jomart Tokaev អញ្ជើញជាអធិបតីក្នុងពិធីស្វាគមន៍។ បន្ទាប់ពីពិធីទទួលស្វាគមន៍ មុននឹងដំណើរការកិច្ចពិភាក្សាទ្វេភាគី ថ្នាក់ដឹកនាំទាំងពីរអញ្ជើញមានជំនួបចង្អៀតមួយ។

មុននោះ នាព្រឹកថ្ងៃដដែល អគ្គលេខាបក្ស លោក តូ ឡឹម អញ្ជើញចូលរួមជាអធិបតី និងថ្លែងសុន្ទរកថាដ៏សំខាន់មួយនៅឯកិច្ចពិភាក្សាតុមូលធុរកិច្ច វៀតណាម-កាហ្សាក់ស្ថាន។

លោកអគ្គលេខាបក្សតូ ឡឹម បានចង្អុលបង្ហាញពីលក្ខខណ្ឌអំណោយផលចំនួនប្រាំមួយ ដើម្បីជំរុញការវិនិយោគ និងកិច្ចសហប្រតិបត្តិការពាណិជ្ជកម្មរវាងប្រទេសទាំងពីរនាពេលខាងមុខ។ លោកអគ្គលេខាបក្ស តូ ឡឹមបានមានប្រសាសន៍ថា៖ “វៀតណាមតែងតែយកចិត្តទុកដាក់ចំពោះតួនាទីរបស់កាហ្សាក់ស្ថានក្នុងតំបន់អាស៊ីកណ្តាល ហើយមានបំណងជំរុញការវិនិយោគ និងកិច្ចសហប្រតិបត្តិការពាណិជ្ជកម្មរវាងអង្គភាពអាជីវកម្មនៃប្រទេសទាំងពីរ ឆ្ពោះទៅគោលដៅបង្កើនទំហំពាណិជ្ជកម្មទ្វេភាគីសម្រេចបាន ៥ ពាន់លានដុល្លាអាមេរិកនៅឆ្នាំ ២០៣០។ ចូលរួមក្នុងព្រឹត្តិការណ៍នេះ វៀតណាមមានសហគ្រាសដ៏មានកិត្យានុភាព និងរឹងមាំលើវិស័យដែលកាហ្សាក់ស្ថានមានតម្រូវការ និងសក្តានុពល សម្រាប់កិច្ចសហប្រតិបត្តិការដូចជា៖ ប្រេង និងឧស្ម័ន ថាមពល កសិកម្ម រ៉ែ គីមី ទេសចរណ៍ វាយនភ័ណ្ឌ។ល។”។

រីឯខ្លួនវិញ ឧបនាយករដ្ឋមន្ត្រីកាហ្សាក់ស្ថាន Yermek Kosherbayev បានស្នើឱ្យប្រទេសទាំងពីរពង្រឹងកិច្ចសហប្រតិបត្តិការក្នុងការអភិវឌ្ឍរដ្ឋាភិបាល អេឡិចត្រូនិក ការផ្លាស់ប្តូរបទពិសោធន៍កម្រិតខ្ពស់ ការដាក់ពង្រាយសេវាកម្មឌីជីថលជំនាន់ថ្មី និងការរួមបញ្ចូលបញ្ញាសិប្បនិម្មិតទៅក្នុងដំណើរការគ្រប់គ្រងរដ្ឋ។

ក្នុងឱកាសនេះ អគ្គលេខាបក្ស លោកតូ ឡឹម និងឧបនាយករដ្ឋមន្ត្រីកាហ្សាក់ស្ថាន Yermek Kosherbayev បានធ្វើជាសាក្សីក្នុងពិធីប្រគល់ឯកសារកិច្ចសហប្រតិបត្តិការវៀតណាម-កាហ្សាក់ស្ថានមួយចំនួនផងដែរ៕