លោកស្រី Mathilde Teruya អនុប្រធាននាយកដ្ឋានអាស៊ី និងអូសេអានី តំណាងក្រសួងអឺរ៉ុបនិងកិច្ចការបរទេសបារាំង បានចែករំលែកថា៖ “តាងនាមប្រទេសបារាំង នាងខ្ញុំសូមចូលរួមរំលែកទុក្ខដល់រដ្ឋាភិបាល និងប្រជាជនវៀតណាម បន្ទាប់ពីបានទទួលដំណឹងថា អគ្គលេខាបក្សកុម្មុយនិស្តវៀតណាម លោក Nguyen Phu Trong បានចែកឋានហើយ។ ក្នុងនាមជាថ្នាក់ដឹកនាំជាន់ខ្ពស់របស់វៀតណាម លោកអគ្គលេខាបក្សជានិច្ចកាលខិតខំពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងបារាំង និងវៀតណាម ហើយប្រការនោះមានអត្ថន័យដ៏ធំធេងសម្រាប់យើងខ្ញុំ”។
អញ្ជើញចូលរួមពិធីគោរពវិញ្ញាណក្ខន្ធនេះ លោក Firmin Edouard Matoko ជំនួយការអគ្គនាយកអង្គការ UNESCO ទទួលបន្ទុកកិច្ចការអាទិភាពអាហ្វ្រិក និងទំនាក់ទំនងបរទេសបានសំដែងថា៖ “UNESCO សូមសម្តែងការគោរពវិញ្ញាណក្ខន្ធលោកអគ្គលេខាបក្ស Nguyen Phu Trong ជាថ្នាក់ដឹកនាំដ៏អស្ចារ្យ មានបុគ្គលិកលក្ខណៈឆ្នើម បានរួមវិភាគទានយ៉ាងធំធេងចំពោះសន្តិភាពរបស់វៀតណាមនិងពិភពលោក និងបានជឿជាក់លើគុណតម្លៃរបស់អង្គការ UNESCO។ យើងសង្ឃឹមថា គំរូដ៏អស្ចារ្យរបស់លោកនឹងបន្តត្រូវបានមនុស្សជុំវិញពិភពលោកយកតម្រាប់តាម”។
ពិធីគោរពវិញ្ញាណក្ខន្ធ និងបើកសៀវភៅកាន់ទុក្ខលោកអគ្គលេខាបក្ស Nguyen Phu Trong ក៏ត្រូវបានស្ថានទូត និងតំណាងការទូតវៀតណាមប្រចាំប្រទេសអាល្លឺម៉ង់ ម៉ាឡេស៊ី ហុងកុង(ចិន) ស្រីលង្កា អារ៉ាប៊ីសាអូឌីត អង់គ្លេស អ៊ីរ៉ង់ បែលហ្ស៊ិក អ៊ីស្រាអែល អង់គ្លេស សាធារណរដ្ឋឆែក អាហ្សង់ទីន អាហ្វ្រិកខាងត្បូង ...រៀបចំឡើងយ៉ាងឱឡារិកដោយមានការចូលរួមពីប្រជាជនវៀតណាមយ៉ាងច្រើនកុះករនៅក្នុងប្រទេសសាមី និងតំណាងទីភ្នាក់ងារការទូតនៃប្រទេសជាច្រើន៕
