អនុរដ្ឋមន្ត្រីក្រសួងការបរទេស លោក Do Hung Viet ប្រធាន SOM អាស៊ានរបស់វៀតណាមបានដឹកនាំគណៈប្រតិភូវៀតណាមចូលរួមសន្និសីទនេះ។
ថ្លែងមតិក្នុងសន្និសិទ អនុរដ្ឋមន្ត្រី Do Hung Viet បានសង្កត់ធ្ងន់លើសារៈសំខាន់នៃភាពខ្លួនទីពឹងខ្លួន និងការចង់សម្ព័ន្ធអាស៊ាន។ ក្នុងបរិបទនៃស្ថានភាពពិភពលោក និងតំបន់មិនច្បាស់លាស់នាពេលនេះ អនុរដ្ឋមន្ត្រីបានស្នើថា អាស៊ានចាំបាច់ត្រូវមានវិធីសាស្រ្តសមស្រប រួមទាំងចក្ខុវិស័យយុទ្ធសាស្ត្រ សាមគ្គីភាពរឹងមាំ មជ្ឈភាព និងសកម្មភាពជាក់លាក់ ដើម្បីធ្វើការឆ្លើយតបបានទាន់ពេលវេលានិងមានប្រសិទ្ធភាព ចំពោះបញ្ហាប្រឈមដែលកំពុងកើតមានឡើង។ ក្នុងទំនាក់ទំនងជាមួយដៃគូ អាស៊ានត្រូវស្នើឱ្យបណ្តាប្រទេសគោរពមជ្ឈភាពរបស់អាស៊ានទាំងដោយពាក្យសម្ដីនិងសកម្មភាព ធានាកិច្ចសហប្រតិបត្តិការប្រកបដោយប្រសិទ្ធភាព និងជាក់ស្តែង។ ដោយអះអាងឡើងវិញពីគោលជំហរនិងគោលការណ៍របស់អាស៊ានក្នុងបញ្ហាអន្តរជាតិនិងតំបន់ អនុរដ្ឋមន្ត្រីបានសង្កត់ធ្ងន់លើភាពចាំបាច់ក្នុងការគោរពនិងអនុវត្តរាល់បទប្បញ្ញត្តិនៃសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC) ទន្ទឹមនឹងនោះ បង្កើតបរិយាកាសអំណោយផលសម្រាប់ដំណើរការចរចាលើ ក្រុមប្រតិបត្តិនៅសមុទ្រខាងកើត (COC) ប្រកបដោយប្រសិទ្ធភាព ជាក់ស្តែង ស្របតាមច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២៕
