ទទួលការអញ្ជើញរបស់លោក Pham Minh Chinh នាយករដ្ឋមន្ត្រីវៀតណាមសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានឹងបំពេញទស្សនកិច្ចនៅវៀតណាមជាផ្លូវការនាថ្ងៃទី ១១ និង ១២ ខែធ្នូ។ ក្នុងកិច្ចសម្ភាសន៍ជាមួយអ្នកសារព័ត៌មាននាឱកាសនេះ ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៃកម្ពុជា លោក សុខ ចិន្តាសោភា បានមានប្រសាសន៍ថា នេះគឺជាដំណើរទស្សនកិច្ចផ្លូវការលើកដំបូងរបស់សម្តេច ធិបតី ហ៊ុន ម៉ាណែត មកកាន់ប្រទេសជាសមាជិកអាស៊ាន និងក្នុងកម្រិតខ្ពស់ជាការផ្លាស់ប្តូរ ដំណើរទស្សនកិច្ចរវាងកម្ពុជា និងវៀតណាម។ ដំណើរទស្សនកិច្ចនេះ នឹងបន្តពង្រឹង និងពង្រីកថែមទៀតនូវទំនាក់ទំនងមិត្តភាពប្រពៃណីរវាងវៀតណាម និងកម្ពុជា។ នាពេលខាងមុខ ប្រទេសទាំងពីរត្រូវបន្តពង្រឹង និងជំរុញទំនាក់ទំនងទ្វេភាគី ដើម្បីនាំមកនូវការអភិវឌ្ឍន៍ និងវិបុលភាពជូនប្រជាជននៃប្រទេសទាំងពីរ។

យោងតាមឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជាលោក សុខ ចិន្តាសោភា បានឲ្យដឹងថា ទំនាក់ទំនងមិត្តភាពរវាងកម្ពុជា និងវៀតណាម ចាំបាច់ត្រូវយកចិត្តទុកដាក់ និងថែរក្សា ព្រោះប្រទេសទាំងពីរបានយល់ដឹងយ៉ាងច្បាស់អំពីគុណសម្បត្តិ និងអត្ថប្រយោជន៍នៃទំនាក់ទំនងល្អរវាងរដ្ឋាភិបាលទាំងពីរ បក្សទាំងពីរ និងប្រជាជននៃប្រទេសទាំងពីរ៕