អ្នកនាំពាក្យក្រសួងការបរទេសបានបញ្ជាក់ថា នាពេលខាងមុខ វៀតណាមត្រៀមខ្លួនជាស្រេចដើម្បីផ្លាស់ប្តូរនិងធ្វើការក្នុងស្មារតីស្ថាបនានិងសហប្រតិបត្តិការជាមួយភាគីអាមេរិក ដើម្បីចែករំលែកព័ត៌មាន បង្កើនការយល់ដឹង ដកចេញឧបសគ្គនិងបញ្ហាផ្សេងៗ សំដៅរួមចំណែកអភិវឌ្ឍន៍ទំនាក់ទំនងសេដ្ឋកិច្ចទ្វេភាគីប្រកបដោយស្ថិរភាពនិងនិរន្តរភាព ធានាផលប្រយោជន៍របស់ភាគីទាំងពីរ។
នៅក្នុងសន្និសីទសារព័ត៌មាននេះដែរ ដោយឆ្លើយសំណួររបស់អ្នកសារព័ត៌មានអំពីសហរដ្ឋអាមេរិកបន្តកម្មវិធីដោះស្រាយផលវិបាកនៃសង្គ្រាមនៅប្រទេសវៀតណាម អ្នកនាំពាក្យក្រសួងការបរទេសវៀតណាមលោកស្រី Pham Thu Hang បានឲ្យដឹងថាំ កិច្ចសហប្រតិបត្តិការដោះស្រាយផលវិបាកនៃសង្គ្រាមត្រូវបានចាត់ទុកជាមូលដ្ឋានគ្រឹះនៃទំនាក់ទំនងរវាងវៀតណាមនិងសហរដ្ឋអាមេរិក។ កិច្ចសហប្រតិបត្តិការនេះរួមចំណែកយ៉ាងសំខាន់ ក្នុងដំណើរការផ្សះផ្សា និងកសាងទំនុកចិត្តរវាងប្រទេសទាំងពីរ ដោយបើកចំហឱកាសសហប្រតិបត្តិការថ្មី ក្នុងវិស័យសំខាន់ៗផ្សេងទៀត៕
