នារសៀលថ្ងៃទី ១២ សីហា នៅទីក្រុងហាណូយ នាយករដ្ឋមន្ត្រីវៀតណាមលោក Pham Minh Chinh ប្រធានអនុគណៈកម្មការសេដ្ឋកិច្ច និងសង្គមនៃមហាសន្និបាតលើកទី ១៣ បានអញ្ជើញដឹកនាំកិច្ចប្រជុំលើកដំបូង នៃអនុគណៈកម្មការសេដ្ឋកិច្ចសង្គមនៃមហាសន្នបាតលើកទី ១៣ (អនុគណៈកម្មការ)។

អញ្ជើញថ្លែងមតិក្នុងកិច្ចប្រជុំនាយករដ្ឋមន្ត្រីលោក Pham Minh Chinh បានបញ្ជាក់យ៉ាងច្បាស់របស់អនុគណៈកម្មការគឺបំពេញរបាយការណ៍រយៈពេល ៥ ឆ្នាំស្ដីពីការអនុវត្តយុទ្ធសាស្ត្រអភិវឌ្ឍន៍សេដ្ឋកិច្ចសង្គមរយៈពេល ១០ឆ្នាំ (២០២១-២០៣០); រៀបចំផែនការអភិវឌ្ឍន៍សេដ្ឋកិច្ច-សង្គមរយៈពេល៥ឆ្នាំ ដំណាក់កាល២០២៦-២០៣០ ដើម្បីដាក់ជូនមហាសន្និបាតបក្សលើកទី១៤។ ក្នុងនោះ ខ្លឹមសារ គុណភាព និងទម្រង់នៃរបាយការណ៍ត្រូវប្រកាន់ខ្ជាប់កម្មវិធីកសាងប្រទេសជាតិក្នុងដំណាក់កាលទិសដៅសង្គមនិយម យុទ្ធសាស្ត្រអភិរឌ្ឍន៍សេដ្ឋកិច្ច សង្គមដំណាក់កាល ២០២១ -២០៣០ ចក្ខុវិស័យដល់ឆ្នាំ ២០៤៥។ ការវាយតម្លៃស្ថានភាពត្រូវតែមានលក្ខណៈសត្យានុម័ត ត្រឹមត្រូវ ជាក់ស្ដែង ចង្អុលបង្ហាញពីមូលហេតុ និងមេរៀនបទពិសោធន៍ ព្យាករណ៍ និងកំណត់យ៉ាងច្បាស់នូវលក្ខណៈជាក់លាក់ ឱកាស និងបញ្ហាប្រឈម បង្ហាញទស្សនៈ គោលដៅ ទិសដៅ ភារកិច្ច និងដំណោះស្រាយនាពេលខាងមុខ ស្របតាមបរិបទ និងស្ថានភាពក្នុងស្រុក និងអន្តរជាតិ។ របាយការណ៍ស្ដីពីសេដ្ឋកិច្ចសង្គមត្រូវធានាឱ្យមានភាពព្រមៗគ្នា និងឯកភាព ដោយនាំយកគោលការណ៍របស់បក្សចូលទៅក្នុងជីវភាពរស់នៅជាក់ស្ដែង។ លោកនាយករដ្ឋមន្ត្រីបានសង្កត់ធ្ងន់ថា របាយការណ៍ជាឯកសារសំខាន់របស់បក្ស ដូច្នេះត្រូវមានលក្ខណៈជាក់ស្ដែង ងាយយល់ ងាយអនុវត្តន៍ ងាយត្រួតពិនិត្យផងដែរ៕