នាយករដ្ឋមន្ត្រី លោក ហ្វាម មិញជីញបានសម្តែងនូវការគោរព ដឹងគុណយ៉ាងជ្រាលជ្រៅ និងលើកតម្កើងការរួមវិភាគទានដ៏ធំធេងរបស់លោកអគ្គលេខាបក្ស Nguyen Phu Trong ដែលជាអ្នកដឹកនាំដ៏ឆ្នើម និងជាគំរូដ៏ភ្លឺស្វាងក្នុងការរៀនសូត្រ និងអនុវត្តតាមមនោគមវិជ្ជា សីលធម៌ និងរចនាបទរបស់លោកប្រធានហូជីមិញ ជាបក្ខជនកុម្មុយនិស្តដ៏ស្មោះត្រង់ដែលមានកិត្យានុភាពដ៏ធំធេងរបស់បក្ស រដ្ឋ និងប្រជាជន។ នៅចំពោះមុខវិញ្ញាណក្ខន្ធរបស់អគ្គលេខាបក្ស លោកនាយករដ្ឋមន្រ្តី ហ្វាម មិញជីញបានប្តេជ្ញានឹងបន្តខិតខំជាមួយបក្សទាំងមូល និងប្រជាជនទាំងមូល ពង្រីកកម្លាំងនៃផែនមហាសាមគ្គីជនជាតិទាំងមូល និងចូលរួមជាមួយប្រទេសជាតិឈានចូលយុគសម័យថ្មី - យុគសម័យនៃការអភិវឌ្ឍន៍ឲ្យកាន់តែរុងរឿង អរិយធម៌ ប្រជាជនកាន់តែសម្បូរណ៍រុងរឿង និងសុភមង្គល។ នាយករដ្ឋមន្ត្រីបានសួរសុខទុក្ខលោកស្រី Ngo Thi Man លោកជំទាវរបស់អតីតអគ្គលេខាបក្ស Nguyen Phu Trong; ជូនពរលោកជំទាវនិងក្រុមគ្រួសារក្នុងឆ្នាំថ្មីមានសេចក្តីសុខ វិបុលភាពនិងសុខសាន្តត្រាណ។
នាយប់ថ្ងៃដដែល លោកនាយករដ្ឋមន្ត្រី ហ្វាម មិញជីញ ក៏បានអុជធូបរំលឹកវិញ្ញាណក្ខណ្ឌអតីតនាយករដ្ឋមន្ត្រី លោក Pham Van Dong (១ មីនា ១៩០៦- ២៩ មេសា ២០០០) និងជូនពរឆ្នាំថ្មីដល់ក្រុមគ្រួសាររបស់អតីតនាយករដ្ឋមន្ត្រីនៅទីក្រុងហាណូយ។ នាយករដ្ឋមន្ត្រី ហ្វាម មិញជីញបានសម្តែងការគោរពយ៉ាងជ្រាលជ្រៅចំពោះអតីតនាយករដ្ឋមន្ត្រី Pham Van Dong ដែលជាយុទ្ធជនបដិវត្តន៍ដ៏មោះមុត; ជាមេដឹកនាំសំខាន់និងរៀមច្បងនៃបដិវត្តន៍វៀតណាម; មានការរួមវិភាគទានយ៉ាងធំធេងក្នុងបុព្វហេតុរំដោះជាតិ កសាង និងការពារមាតុភូមិ។ នាយករដ្ឋមន្ត្រី លោក ហ្វាម មិញជីញបានផ្ញើជូនចំពោះក្រុមគ្រួសារអតីតនាយករដ្ឋមន្ត្រី Pham Van Dong ទាំងអស់ នូវសេចក្តីជូនពរឆ្នាំថ្មី មានសុខភាពល្អ និងវិបុលភាព៕
