លោកប្រធានរដ្ឋ លឿង គឿង អញ្ជើញអុជធូបគោរពវិញ្ញាណក្ខន្ធលោកប្រធានហូជីមិញ

ប្រធានរដ្ឋ លោក លឿង គឿង គោរពរំលឹកគុណូបការៈរបស់លោកប្រធាន ហូជីមិញ; ប្តេជ្ញាបន្តខិតខំជាមួយបក្សទាំងមូលនិងប្រជាជនទាំងមូល លើកកំពស់កម្លាំងមហាសាមគ្គីជនជាតិទាំងមូល និងសេចក្តីប្រាថ្នាអភិវឌ្ឍន៍ ដើម្បីនាំប្រទេសជាតិឆ្ពោះទៅកាន់យុគសម័យថ្មី - យុគសម័យស្ទុះឈានទៅមុខ ក្លាយជាប្រទេសខ្លាំងមាំមួនប្រកបដោយវិបុលភាព។

បន្ទាប់មក លោកប្រធានរដ្ឋ លឿង គឿងបានអញ្ជើញទៅទស្សនាស្រះចិញ្ចឹមត្រីរបស់លោកអ៊ំហូ; ទស្សនាតំបន់តាំងបង្ហាញរថយន្តចំនួន៣គ្រឿងដែលធ្លាប់បម្រើលោកប្រធានហូជីមិញ។ រថយន្តទាំងបីគ្រឿងនេះទើបត្រូវបាននាយករដ្ឋមន្ត្រីផ្តល់សេចក្តីទទួលស្គាល់ថាជាសម្បត្តិជាតិ។

អញ្ជើញជូនពរឆ្នាំថ្មីនិងសំណេះសំណាលជាមួយបុគ្គលិកនៅទីនេះ លោកប្រធានរដ្ឋបានស្នើថា ក្នុងឆ្នាំថ្មីនេះ តំបន់កេរដំណែលនេះបន្តលើកតម្កើងតួនាទីរបស់ខ្លួនក្នុងការថែរក្សាឯកសារនិងវត្ថុបុរាណដ៏មានតម្លៃរបស់លោកប្រធានហូជីមិញ ដើម្បីតំបន់នេះជានិច្ចកាលជា “អាស័យដ្ឋានក្រហម” ដែលជាកន្លែងបង្ហាញពីតម្លៃប្រវត្តិសាស្ត្រ មនោគមវិជ្ជា សីលធម៌ និងរចនាបទរបស់លោកប្រធានហូជីមិញទៅកាន់ប្រជាជនវៀតណាម និងមិត្តអន្តរជាតិ៕