តំបន់ព្រំដែនរវាងថៃនិងកម្ពុជា។ រូបថត៖ VNA

នៅក្នុងកិច្ចប្រជុំមួយនៅច្រកព្រំដែនអន្តរជាតិ បានក្លោងលឿក ក្នុងខេត្តស្រះកែវ ប្រទេសថៃ តំណាងមកពីភាគីទាំងពីរបានយល់ព្រម​បង្កើនការសម្របសម្រួល គ្នា​ដើម្បីធានាសកម្មភាពជំនួយមនុស្សធម៌​ចំពោះប្រជាពលរដ្ឋនៃប្រទេសទាំងពីរត្រូវបានអនុវត្តយ៉ាងពេញលេញ និងមានប្រសិទ្ធភាព។ ភាគីទាំងពីរក៏បានបញ្ជាក់ថា សកម្មភាពឆ្លង​កាត់​ព្រំដែនមិន​ទាន់បាន​ស្តារឡើងវិញនៅឡើយទេ។ បច្ចុប្បន្ននេះ ច្រកទ្វា​ព្រំដែនត្រូវបានអនុញ្ញាតឱ្យដំណើរការតែដើម្បីនាំប្រជាពលរដ្ឋកម្ពុជាត្រឡប់មកវិញ និងទទួលប្រជាពលរដ្ឋថៃ​ វិលត្រឡប់មកប្រទេសវិញប៉ុណ្ណោះ​។

ភាគីទាំងពីរបានស្នើឱ្យកងកម្លាំងនៅតំបន់ព្រំដែនគោរពយ៉ាងតឹងរ៉ឹងចំពោះកិច្ចព្រមព្រៀងឈប់បាញ់ដែលបានចុះហត្ថលេខានៅថ្ងៃទី២៧ ខែកក្កដា និងបន្តអនុវត្តអនុស្សរណៈយោគយល់គ្នាឆ្នាំ២០០០ (MOU ៤៣) ស្តីពីការវាស់វែង និងការបោះបង្គោលព្រំដែន​រវាងថៃ និងកម្ពុជា។

លើសពីនេះ ភាគីទាំងពីរបានប្តេជ្ញាមិន​អនុវត្តន៍សកម្មភាពដែលអាចបង្កើនភាពតានតឹងនៅតំបន់ព្រំដែន ហើយបន្តរក្សាកិច្ចសហប្រតិបត្តិការ និងការសន្ទនា ដើម្បីធានាសន្តិសុខ និងសុវត្ថិភាព​របស់ប្រជាជននៃប្រទេសទាំងពីរ៕​