នៅខែកក្កដា ឆ្នាំ ២០២០
ឧទ្យានភូគម្ភសាស្ត្រ Dak Nong ត្រូវបានអង្គការ UNESCO ទទួលស្គាល់ថាជាឧទ្យានភូគម្ភសាស្ត្រសកល។ គិតមកទល់នឹងពេលនេះ ក្រោយរយៈពេល
៤ឆ្នាំ ឧទ្យានភូគម្ភសាស្ត្រ Dak Nong បានទទួលកិត្តិនាមនេះជាលើកទី២
សម្រាប់ដំណាក់កាល ២០២៤-២០២៧។ ព្រឹត្តិការណ៍នេះគឺជាព្រឹត្តិការណ៍ដ៏សំខាន់មួយ
មិនត្រឹមតែជួយ Dak Nong ពង្រឹងយុទ្ធសាស្ត្រអភិវឌ្ឍន៍តាមគំរូនិរន្តរភាពប៉ុណ្ណោះទេ
ប៉ុន្តែថែមទាំងបានរួមចំណែកយ៉ាងសកម្មក្នុងការសម្រេចបាននូវគោលដៅអភិវឌ្ឍន៍ប្រកបដោយចីរភាពនៃរបៀបវារៈឆ្នាំ
២០៣០ ដែលអង្គការសហប្រជាជាតិបានដាក់ចេញផងដែរ។ ក្នុងនោះ
លើកទឹកចិត្តដល់ការអភិរក្សធនធានធម្មជាតិ ឆ្លើយតបទៅនឹងការប្រែប្រួលអាកាសធាតុ
កាត់បន្ថយហានិភ័យគ្រោះមហន្តរាយធម្មជាតិ
ព្រមទាំងជំរុញការអភិវឌ្ឍសេដ្ឋកិច្ចសង្គមដោយផ្អែកលើភាពសុខដុមរមនាជាមួយធម្មជាតិ
និងវប្បធម៌ប្រពៃណី។ លោក Ho Van Muoi ប្រធានគណៈកម្មាធិការប្រជាជនខេត្ត
Dak Nong បានឲ្យដឹងថា៖
“ការចូលរួមសកម្មភាពនៃបណ្តាញឧទ្យានភូគម្ភសាស្ត្រសកលបានរួមចំណែកលើកកម្ពស់ការយល់ដឹងរបស់សហគមន៍អំពីឧទ្យានភូគម្ភសាស្ត្រ
បង្កើនបន្តិចម្តងៗនូវឋានៈរបស់ Dak Nong នៅលើផែនទីទេសចរណ៍ក្នុងស្រុក
និងអន្តរជាតិ។ ចំពោះឧទ្យានភូគព្ភសាស្ត្រសកល UNESCO Dak Nong យើងខ្ញុំមានមោទនភាពក្នុងការកសាងម៉ាកយីហោ "ទឹកដីនៃភ្លេង"
ដែលភ្នំនីមួយ ទន្លេនីមួយ សំឡេងគងឃ្មោះនីមួយៗ លាយឡំទៅជាបទភ្លេងវេទមន្ត
ដែលបង្ហាញសារពីភាពសុខដុមរមនារវាងមនុស្ស និងធម្មជាតិ”។
ជាមួយនឹងផ្ទៃដី
៤៧៦០ គីឡូម៉ែត្រការ៉េ ដែលលាតសន្ធឹងលើស្រុក និងទីក្រុងចំនួន ៦
ជាមួយនឹងទីតាំងបេតិកភណ្ឌភូគម្ភសាស្ត្រចំនួន ៦៥ រួមទាំងប្រព័ន្ធនៃរូងភ្នំជិត ៥០
ដែលមានប្រវែងសរុបជាង ១ ម៉ឺនម៉ែត្រ ព្រមទាំងរណ្ដៅភ្នំភ្លើង និងល្បាក់ទឹក… ឧទ្យានភូគព្ភសាស្ត្រ
Dak Nong គឺជាកន្លែងដែលរក្សានូវតម្លៃដ៏វិសេសវិសាលនៃជីវចម្រុះ
លក្ខណៈពិសេសផ្នែកវប្បធម៌ ភូគម្ភសាស្ត្រ ធម្មជាតិ
ក៏ដូចជាស្លាកស្នាមនៃសកម្មភាពរបស់មនុស្សសម័យបុរេប្រវត្តិ៕
