នេះជាលើកទីមួយហើយដែលក្រុម BRICS ដែលបានពង្រីកពី ៥ ទៅ ១១ ប្រទេសជាសមាជិកបានយល់ព្រមលើគោលជំហរឯកភាពលើកំណែទម្រង់ IMF។ រដ្ឋមន្ត្រីបាននិយាយថា ពួកគេនឹងគាំទ្រសំណើនេះនៅក្នុងកិច្ចប្រជុំ IMF នៅខែធ្នូខាងមុខ ដោយផ្តោតលើការកែសម្រួលកូតាដែលកំណត់ការរួមចំណែក និងសិទ្ធិបោះឆ្នោតរបស់សមាជិកនីមួយៗ។

សេចក្តីប្រកាសនេះរបស់រដ្ឋមន្ត្រីហិរញ្ញវត្ថុ BRICS បានលើកឡើងថា "ការ កែសម្រួលកូតាគួរតែឆ្លុះបញ្ចាំងពីជំហរទាក់ទងគ្នា របស់សមាជិកនៅក្នុងសេដ្ឋកិច្ចពិភពលោក ខណៈពេលដែលការពារ ភាគហ៊ុនកូតានៃសមាជិកក្រីក្របំផុត"។ តាមនោះ BRICS បានស្នើរូបមន្តថ្មីដោយផ្អែកលើតម្លៃនៃផលិត ផលក្នុងស្រុកសរុប (GDP) អំណាចទិញមានភាពស្មើគ្នា (PPP) និងតម្លៃទាក់ទងនៃរូបិយប័ណ្ណ តាមនោះ ជួយបង្កើនសិទ្ធិបោះឆ្នោតសម្រាប់ប្រទេសកំពុងអភិវឌ្ឍន៍។

បណ្តារដ្ឋមន្ត្រី BRICS ក៏បានសង្កត់ធ្ងន់លើភាពចាំបាច់ត្រូវធ្វើកំណែទម្រង់ដំណើរការជ្រើសរើស និងបង្កើនការតំណាងក្នុងតំបន់នៅលើក្រុមប្រឹក្សាប្រតិបត្តិរបស់ IMF។

សូមគូសបញ្ជាក់ថា ជាធម្មតា ដំណែងនាយកគ្រប់គ្រង IMF ជាជនជាតិអឺរ៉ុប  ខណៈពេលដែលសហរដ្ឋអាមេរិកមានសិទ្ធិក្នុងការតែងតាំងប្រធានធនាគារពិភពលោក៕