ថ្លែងមតិនៅសន្និសីទ លោកឧត្តមសេនីយឯក Nguyen Tan Cuong បានអះអាង ថា កងទ័ពប្រជាជនវៀតណាមបាន កំពុង ហើយនឹងបន្តចូលរួមដោយការទទួលខុស ត្រូវក្នុងសកម្មភាពសហប្រតិបត្តិការរវាងកងទ័ពនៃបណ្តាប្រទេសអាស៊ាន។ លោក ឧត្តមសេនីយឯក Nguyen Tan Cuong បានសង្កត់ធ្ងន់ថា៖ ប្រទេសពាក់ព័ន្ធគប្បីបន្ត សង្កត់ធ្ងន់លើការសន្យារបស់ខ្លួនក្នុងការរក្សាសន្តិភាព សន្តិសុខ ស្ថិរភាព សុវត្ថិភាព និងសេរីភាពខាងនាវាចរណ៍ និងអាកាសចរណ៍នៅសមុទ្រខាងកើត; ទន្ទឹមនឹងនោះ បង្កើនការកសាងទំនុកចិត្ត ការអនុវត្តយ៉ាងពេញលេញ និងប្រកបដោយប្រសិទ្ធភាព នូវសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC) ហើយឆាប់បញ្ចប់ការចរចា និងចុះហត្ថលេខាលើក្រមប្រតិបត្តិនៅសមុទ្រខាងកើត (COC) ប្រកបដោយខ្លឹមសារជាក់ស្ដែង ប្រសិទ្ធភាព ស្របតាមច្បាប់អន្តរជាតិ។ ប្រការនេះនឹងបន្តបញ្ជាក់នូវការសន្យា និងការទទួលខុសត្រូវរបស់កងកម្លាំងការពារជាតិនៃ បណ្ដាប្រទេស ដើម្បីសន្តិភាព វិបុលភាព និងសន្តិសុខរួមនៃតំបន់។

វៀតណាមប្រកាន់ ខ្ជាប់នូវគោលការណ៍ដោះស្រាយជម្លោះ និងការខ្វែងគំនិតគ្នាដោយសន្តិវិធី ដោយឈរលើ មូលដ្ឋាននៃការគោរពឯករាជ្យ អធិបតេយ្យភាព និងផលប្រយោជន៍ស្របច្បាប់របស់ ប្រទេសនានា ព្រមទាំងគោរពតាមច្បាប់អន្តរជាតិ ក្នុងនោះមានអនុសញ្ញាអង្គការសហ ប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ ផងដែរ៕