ខណ្ឌ២ ជាទិសដៅអភិវឌ្ឍន៍សំខាន់ក្នុងផែនការឡើងគម្រោងទីប្រជុំជន ផ្តោតទៅតាមទិសដៅពហុវិស័យរបស់ទីក្រុងហូជីមិញ។ លំដាប់នោះ ទីប្រជុំជនថ្មីទំនើបខ្ពស់ស្កឹមស្កៃជាច្រើន ដុះឡើងដូចជាទីប្រជុំជនទូធៀម (Thu Thiem) បណ្តុំប្រជុំជនសាឡា (Sala)...។ល។ យ៉ាងណាមិញ បង្កប់ខាងក្រោយនោះ គឺលំហបរិយាកាសស្ងៀមស្ងាត់ដូចជាវិមានទិព្វមួយ ដែលមានសម្រស់ស្រទន់នៃ “ទន្លេម្តាយ” នៅតែស្ថិតនៅទីនោះ ជាមួយជូរដើមដូងក្បែរព្រែកសំយាកធាងបកបោកតាមវាយោ និងផ្តល់ម្លប់ត្រជាក់ទិដ្ឋភាព នៃមណ្ឌលសម្រាកលំហែកាយដ៏សុខស្ងប់នេះ។
Villa Song Saigon ជាបរិយាកាសសម្រាកលំហែកាយ ជាមួយការរចនាវិឡាតាមបែបស្ថាបត្យកម្ម boutique បែរមុខសំឡឹងមើលព្រែកសាយហ្គន រំលឹកទិដ្ឋភាពជនបទព្រែកទន្លេណាមបូ។ ភ្ញៀវទេសចរណ៍សម្រាកលំហែកាយនៅ Villa Song Saigon ភាគច្រើនជាភ្ញៀវទេសចរណ៍អន្តរជាតិចង់យកអាស្រ័យអារម្មណ៍ជនបទនៅនឹងទំនុកជីវភាពទីក្រុងសាយហ្គនដ៏មមាញឹកនេះ។
 សម្រស់ Villa Song Saigon ពេលព្រះសុរិយាអស្តង្គត។ រូបថត៖ ឯកសារ  Villa Song Saigon បានរចនាតាមបែបស្ថាបត្យកម្ម boutique ។ រូបថត៖ ឯកសារ  អាងហែលទឹកទូលាយនិងទឹកថ្លាយង់។ រូបថត៖ ឯកសារ  ស្ថាបត្យកម្មមានលក្ខណៈពិសេសដោយឡែកនៃបែបរចនាបថទ្វីបអឺរុប។ រូបថត៖ ឯកសារ  ទីលានសម្រាប់ជប់លៀងនៅក្រោមលំហអាកាស។ រូបថត៖ ថុងហាយ  ពិសាភេសជ្ជៈ  សេវាកម្មនាំភ្ញៀវទេសចរណ៍ធ្វើដំណើរតាមព្រែកសាយហ្គនរបស់ Villa Song Saigon។ រូបថត៖ ថុងហាយ  ភ្ញៀវទេសចរណ៍ចូលចិត្តពិសោធន៍សេវាកម្មទេសចរណ៍នៅលើព្រែកសាយហ្គនរបស់ Villa Song Saigon។ រូបថត៖ ថុងហាយ |
មុនពេលចូល Villa Song Saigon ភ្ញៀវទេសចរណ៍នឹងធ្វើដំណើរតាបច្រកតូចមួយ ដែលមានជួរដើមដូងសងខាងដុះបណ្តោយត្រង់ៗ ឆ្ពោះទៅកាន់ព្រែកសាយហ្គន ចៃដន្យលុបបំបាតភាពស្មុគស្មាញ់នៃជីវភាពប្រចាំថ្ងៃ។ Villa Song Saigon បើកចេញបរិយាកាសដាច់ដោយឡែកមួយ ដែលមានបន្ទប់ដេកគ្រប់ប្រភេទ អាងទឹកសមុទ្រខាងក្រៅ និងបន្ទប់ហាត់ប្រាណឬមណ្ឌលសប៉ា (spa)។
ភ្ញៀវទេសចរណ៍មិនអាចណាមិនចំណាប់អារម្មណ៍ទៅលើវិឡា Villa Song Saigon លាបពណ៌ស រំលេចភាពឆើតឆាយនៃរចនាបែបបុរាណ។ បរិយាកាសស្ងប់ស្ងាត់បង្កើតឲ្យភ្ញៀវទេសចរណ៍មាននាទីសម្រាកកាយដ៏ប្រពៃបំផុត។ បន្ទប់ដេកចំនួន២៣បន្ទប់បានរចនា concept គ្រប់បែបបទ ភ្ញៀវទេសចរណ៍អាចជ្រើសរើសបន្ទប់ ដែលអាចសំឡឹងមើលទិដ្ឋភាពល្អបំផុតសម្រាប់ខ្លួននិងសាច់ញាតិ។
ក្រៅពីសេវាកម្មអាងទឹក spa, gym Villa Song Saigon នៅបង្កចំណាប់អារម្មណ៍ទៅលើភ្ញៀវទេសចរណ៍ជាមួយភោជនីយដ្ឋាន Bistro Song Vie ជំនាញបម្រើម្ហូបអាហារអន្តរជាតិគ្រប់មុខ។ បរិយាកាសភោជនីយដ្ឋានដេកនៅក្បែរមាត់ព្រែកទាបជួរដូងខៀវស្រស់ ពិតជាការពិសោធន៍វិសេសសម្រាប់ភ្ញៀវទេសចរណ៍ - ពេលហូបម្ហូបអាហារឬពិសា cocktail កែវមួយនៅទីនេះ រួមជាមួយមិត្តភក្តិនិងសាច់ញាតិក្នុងពេលព្រឹកត្រជាក់ ឬពេលថ្ងៃអស្តង្គតនៅក្បែរព្រែក។ ទទួលយកកាលៈទេសៈដ៏ប្រពៃ នៃភាពស្ងបស្ងាត់នៅទីនេះ ជាសម្ពាយអនុស្សាវរីយ៍ពិបាកបំភ្លេចនៅក្នុងទីក្រុងស្រស់ស្អាតនៃតំបន់ត្រូពិច ចំពោះភ្ញៀវទេសចរណ៍ពេលវិលត្រឡប់ទៅកាន់ប្រទេស។
Villa Song Saigon សម្រាប់មនុស្សគ្រប់វ័យ និងកាន់តែសមស្រប់ជាមួយគូស្នេហ៍ ទីនេះពិតជាទីកន្លែងសម្រាករូមែនទិក នៅរាល់សប្តាហ៍ក្រេបទឹកឃ្មុំ។ ស្បៃរាត្រីទម្លាក់ចុះ ភាពងងិតមកដល់ Villa Song Saigon ធ្វើឲ្យបរិយាកាសកាន់តែអាថ៌កំបាំងនៅក្បែរព្រែក គូស្នេហ៍នីមួយៗអាចអង្គុយជិតគ្នាគយគន់ដូងចន្រ្ទា ស្តាប់សម្លេងត្រីមាត់ សម្លេងសត្វល្អិតកញ្ជៀវខ្ញៀវខ្ញា...។ល។ សូរសម្លេង ទិដ្ឋភាពកាន់តែធ្វើឲ្យសេចក្តីសេ្នហាថែមស្អិតរមួត ហើយជាចំណុចពិសេសក្នុងរដូវសម្រាកកាយដ៏ចំណាប់អារម្មណ៍សម្រាប់រាល់គូស្នេហ៍របស់ Villa Song Saigon។
មិនត្រឹមជាទីកន្លែងសម្រាកលំហែកាយ Villa Song Saigon នៅជាទីកន្លែងសមស្រប់ដើម្បីរៀបចំកិច្ចប្រជុំជាន់ខ្ពស់ ឬព្រឹត្តិការណ៍ធំៗសម្រាប់អង្គការ ជាមួយបរិយាកាសកក់ក្តៅមនោរម្យតែបង្កប់ភាពឆើតឆាយ។ ព្រឹត្តិការណ៍កាន់តែមានន័យជាង ជាមួយតារាងម្ហូបអាហារសម្បូរបែប ក្រុមបុគ្គលិកបម្រើ Villa Song Saigon សុភាពរាបសា។ ជាងនេះទៅទៀត បរិយាកាសស្អាត រូមែនទិក របស់ Villa Song Saigon បានជួយឲ្យទីនេះក្លាយជាទីកន្លែងមួយ ទាក់ទាញទេសចរណ៍សម្រាកលំហែកាយនៅទីក្រុងហូជីមិញ៕
 Villa Song Saigon នៅជាទីកន្លែងសមស្រប់ដើម្បីរៀបចំកិច្ចប្រជុំជាន់ខ្ពស់ឬព្រឹត្តិការណ៍សំខាន់របស់អង្គការ ដោយមានបរិយាកាសកក់ក្តៅមនោរម្យតែបង្កប់ភាពឆើតឆាយ។ រូបថត៖ ឯកសារ  Villa Song Saigon នៅជាទីកន្លែងរៀបចំពិធីមង្គលអាពាហ៍ពិពាហ៍ ។ រូបថត៖ ឯកសារ  បន្ទប់ gym ទំនើបក្នុង Villa Song Saigon។ រូបថត៖ ថុងហាយ  បំពាក់សម្ភារនៅក្នុង Villa Song Saigon ទំនើប ស៊ីវិល័យ។ រូបថត៖ ថុងហាយ  មណ្ឌលស្ប៉ា បានវិនិយោគម៉ាស៊ីន ឧបករណ៍ដ៏ទំនើប និងបង្កើតទីស្ថានសម្រាកកំសាន្ត។ រូបថត៖ ថុងហាយ  ម្អូបអាហារពិសេសនិងភាពទាក់ទាញ។ រូបថត៖ ឯកសារ  ភ្ញៀវទេសចរណ៍ទទួលជប់លៀង buffet នៅ Villa Song Saigon។ រូបថត៖ ឯកសារ |
អត្ថបទ៖ ង្វៀនវូថាញដាត រូបថត៖ ថុងហាយនិងឯកសារ។
