អតីតកាលជាង១៤០លានឆ្នាំ ដោយសារការចលនាសម្ពន្ធនៃផែនដី បង្កើតជាមាត់ភ្នំភ្លើងជាច្រើន បានអ្នកសិក្សាភូគព្ភសាស្រ្តវាយតម្លៃ មានសម្រស់រហោស្ថាន គួបផ្សំនឹងភាពពិសេសនៃភូមិសាស្រ្តឧទ្យានភូគព្ភសកលលោកដាក់ណុង (Dak Nong)។
ភ្នំភ្លើងជឺប្លូក (Chu B'Luk)
ភ្នំភ្លើងជឺប្លូក (Chu B'Luk) ស្ថិតនៅស្រុកក្រុងណូ (Krong No) មានរាងកោណដាច់កំពូលពិសេស ស្អាតអស្ចារ្យ អាចគយគន់ចម្ងាយពីគ្រប់ទិសទាំងអស់។
ចំណាប់អារម្មណ៍ នេះជាភ្នំភ្លើងតែមួយគត់នៅតំបន់ឧទ្យានភូគព្ភសកលលោកដាក់ណុង (Dak Nong) បង្កើតប្រព័ន្ធរោងល្អាងម៉ាក់ម៉ាចំនួន៥០ ដែលមានទ្រង់ទ្រាយពិសេសបំផុតនៅអាស៊ីអាគ្នេយ៍ បង្កប់នៅអាថ៌កំបាំងចម្លែក កំពុងតម្រូវការសិក្សាស្រាវជ្រាវ ទម្លាយអាថ៌កំបាំងផងដែរ។
ក្រៅពីនោះ ការរកឃើញទីតាំងបុរាណវិទ្យា អ្នកបុរេប្បវត្តិរស់នៅក្នុងល្អាងភ្នំភ្លើងនេះ បំពេញបន្ថែមតម្លៃវិទ្យាសាស្រ្ត សិក្សាអប់រំ លើលក្ខណៈភូគព្ភសាស្រ្តពិសេសនេះ។
 ភ្នំភ្លើងជឺប្លូក (Chu B'Luk) ជាភ្នំទម្រង់គំរូនៃបែបផ្ទុះបាញ់ទៅចំខាងលើ ដែលមានអាយុកាល ចាប់ពី២០០.០០០ - ៦០០.០០០ឆ្នាំ។ រូបថត៖ កុងដាត/កាសែតរូបភាពវៀតណាម
 ដំណើរស្វែងយល់គយគន់ទេសភាពមាត់ភ្នំភ្លើងជឺប្លូក (Chu B'Luk) នៃភ្ញៀវទេសចរ។ រូបថត៖ កុងដាត/កាសែតរូបភាពវៀតណាម |
ភ្នំភ្លើងណឹមហ្គលែ (Nam Gle)
ស្ថិតនៅស្រុកដាក់មីល (Dak Mil) ភ្នំភ្លើងណឹមហ្គលែ (Nam Gle) បានចាត់ទុកជាភ្នំភ្លើងមួយក្នុងចំណោមភ្នំភ្លើងមានអាយុក្មេង នៅតំបន់តីង្វៀន (Tay Nguyen)។ រូបសណ្ឋានភ្នំភ្លើងណឹមហ្គលែ (Nam Gle) ផ្សេងដោយឡែក បើប្រៀបនឹងភ្នំភ្លើងដទៃទៀត នៅតំបន់ឧទ្យានភូគព្ភដាក់ណុង (Dak Nong)។
សំឡឹងពីទីខ្ពស់ ភ្នំភ្លើងណឹមហ្គលែ (Nam Gle) មានរាងដូចជាសម្បកខ្យង់គ្របគ្នា។ នេះជាភ្នំភ្លើងមួយក្នុងចំណោមភ្នំភ្លើង ដែលមានរាងសណ្ឋានស្អាត មានការគួបផ្សំរវាងចន្លោះរហែង និងផ្ទុះបាញ់ចំទៅខាងលើ។
ភ្នំភ្លើងណឹមហ្គលែ (Nam Gle) ស្ថិតនៅជិតបឹងទឹកធម្មជាតិធំស្អាតមួយ។ តាមការសន្និដ្ឋាននៃអ្នកវិទ្យាសាស្រ្ត បឹងទឹកនេះអាចមានការពាក់ព័ន្ធដល់សកម្មភាពភ្នំភ្លើងនេះ។
 ស្ថិតនៅស្រុកដាក់មីល (Dak Mil) ភ្នំភ្លើងណឹងហ្គលែ (Nam Gle) ចាត់ទុកជាភ្នំភ្លើងមួយក្នុងចំណោមភ្នំភ្លើង មានអាយុក្មេង នៅតំបន់តីង្វៀន (Tay Nguyen)។ រាងសណ្ឋានភ្នំភ្លើងនេះផ្សេងទាំងស្រុង បើប្រៀបនឹងភ្នំភ្លើងឯទៀត នៅតំបន់ឧទ្យានភូគព្ភសកលលោកដាក់ណុង (Dak Nong)។ រូបថត៖ កុងដាត/កាសែតរូបភាពវៀតណាម  ថ្មម៉ាក់ម៉ារកឃើញនៅជុំវិញតំបន់ភ្នំភ្លើងណឹមហ្គលែ (Nam Gle)។ រូបថត៖ កុងដាត/កាសែតរូបភាពវៀតណាម |
ភ្នំភ្លើងណាមយើង (Nam Dong)
ស្ថិតនៅស្រុកគឺយូត (Cu Jut) ណាមយើង (Nam Dong) ជាភ្នំធំទី៣ នៅឧទ្យានភូគព្ភសកលលោកដាក់ណុង (Dak Nong) ដែលមានទេសភាពបែបអាថ៌កំបាំងផ្សងព្រេង ដោយបានអភិរក្សនៅដូចសភាពដើម ល្អបង្គួរ។
មាត់ភ្នំភ្លើងមានរាងជីឡាវ មានកម្ពស់ប្រហាក់ប្រហែលនឹងតំបន់ជុំវិញ។ តាមកម្ពស់មាត់ភ្នំភ្លើង អាចហៅទីនេះជាមាត់ភ្នំអាថ៌កំបាំង ដោយសារសំឡឹងពីចម្ងាយក៏ដូចជានៅជិត (ក្នុងរង្វង់កាំ១ - ២គីឡូម៉ែត្រ) មិនអាចណាស្គាល់រូបសណ្ឋានជាភ្នំភ្លើងមួយ។
 អ្នកស្រុកដាំចម្ការនៅលើមាត់ភ្នំភ្លើងណាមយើង (Nam Dong)។ រូបថត៖ កុងដាត/កាសែតរូបភាពវៀតណាម  ភ្នំភ្លើងណាមយើង (Nam Dong) ជាភ្នំធំទី៣នៅឧទ្យានភូគព្ភសកលលោកដាក់ណុង (Dak Nong) ដែលមានទេសភាពទាក់អារម្មណ៍ ដែលបានអភិរក្សល្អគួរសម។ រូបថត៖ កុងដាត/កាសែតរូបភាពវៀតណាម |
ប្រជុំភ្នំភ្លើងណឹមការ (Nam Kar)
ស្ថិតនៅភូមិសាស្រ្តស្រុកក្រុងណូ (Krong No) ភ្នំភ្លើងណឹមការ (Nam Kar) ជាភ្នំមួយក្នុងចំណោមភ្នំភ្លើងស្អាតបំផុត នៅតំបន់ឧទ្យានភូគព្ភសកលលោកដាក់ណុង (Dak Nong)។
ក្រៅពីមាត់ភ្នំភ្លើងកណ្តាល នៅមានមាត់ភ្នំភ្លើងរណបចំនួន២ បានកកើតដោយការផ្ទុះបាញ់នៃម៉ាក់ម៉ា។ ក្រៅពីនោះនៅមានពុម្ពឈើហ្វូស៊ីល ដែលកកើតដោយដំណើរផ្ទុះភ្នំភ្លើង។
ភ្នំភ្លើងនេះ មានទ្រង់ទ្រាយមិនធំណាស់ណាទេ តែមានលក្ខណៈពិសេសខាងរូបសណ្ឋាន រចនាសម្ពន្ធ សម្រស់អាថ៌កំបាំង និងពិសេសបំផុតនៅឧទ្យានភូគព្ភសកលលោកដាក់ណុង (Dak Nong)។
 ទេសភាពមាត់ភ្នំភ្លើងណឹមការ (Nam Kar) សំឡឹងពីទីខ្ពស់។ ភ្នំភ្លើងមានរាងកោណដាក់កំពូល ឬរាងចានផ្កាប់ មាត់រាងជីឡាវ ច្រាំងមាត់ជុំវិញអណ្តែតខ្ពស់ ជាលក្ខណៈផ្ទុះបាញ់ទៅចំខាងលើ។ រូបថត៖ កុងដាត/កាសែតរូបភាពវៀតណាម  ទេសភាពវាលស្រូវនៅជុំវិញភ្នំភ្លើងណឹមការ (Nam Kar)។ រូបថត៖ កុងដាត/កាសែតរូបភាពវៀតណាម  អ្នកស្រុកប្រមូលផលស្រូវនៅលើវាលស្រែជុំវិញភ្នំភ្លើងណឹមការ (Nam Kar)។ រូបថត៖ កុងដាត/កាសែតរូបភាពវៀតណាម |
ផ្លាកណែនាំផ្លូវទៅកាន់ដាក់ណុង (Dak Nong)៖ - ប្រសិនបើរស់នៅសាយហ្គន ឬខេត្តជិតខាងដាក់ណុង (Dak Nong) ភ្ញៀវទេសចរអាចជិះរថយន្តឯកជន ធ្វើដំណើរទៅកាន់ដាក់ណុង (Dak Nong)។ ពីទីក្រុងសាយហ្គនធ្វើដំណើរឆ្លងប៊ីញយឿង (Binh Duong) ទៅដល់ដុងស័យ (Dong Xoai) ខេត្តប៊ីញភឿក (Phuoc Hung) ពីទីនេះតាមដងផ្លូវលេខ១៤ នឹងទៅដល់ដាក់ណុង (Dak Nong)។ ឬភ្ញៀវទេសចរក៏អាចធ្វើដំណើរតាមឡានដឹកជញ្ជូនភ្ញៀវ ទៅកាន់ដាក់ណុង (Dak Nong) ដែលមានការធ្វើដំណើរជារៀងរាល់ថ្ងៃ ជាមួយចម្ងាយប្រហែល២៥០គីឡូម៉ែត្រ ត្រូវចំណាយពេលវេលាប្រហែល៧ - ៨ ម៉ោង ទើបអាចទៅដល់។ - អំពីការធ្វើដំណើរតាមផ្លូវអាកាស ដាក់ណុង (Dak Nong) សព្វថ្ងៃមិនទាន់មានព្រលានយន្តនៅឡើយ ព្រលានយន្តហោះពីរ ដែលនៅជិតបំផុត សម្រាប់ភ្ញៀវទេសចរធ្វើដំណើរទៅដល់មជ្ឈមណ្ឌលខេត្ត គឺព្រលានយន្តហោះបួងម៉ាធួក (Buon Ma Thuot) នៅចម្ងាយ១៣០គីឡូម៉ែត្រ និងព្រលានយន្តហោះឡៀនខឿន (Lien Khuong) (ដាឡាត - Dalat) នៅចម្ងាយ១៥០គីឡូម៉ែត្រ។ ភ្ញៀវទេសចរមកពីខេត្តជិតខាង ទូទាំងប្រទេស ក៏អាចចុះយន្តហោះនៅព្រលានយន្ត បួងម៉ាធួក (Buon Ma Thuot) ឬព្រលានយន្តហោះដាតឡាត (Dalat) ដើម្បីធ្វើដំណើរទៅកាន់ឧទ្យានភូគព្ភសកលលោកដាក់ណុង (Dak Nong)។ |
