លោកនាយករដ្ឋមន្ត្រី ហ្វាម មិញជីញ បានឲ្យដឹងថា វៀតណាមកំពុងអនុវត្តន៍របកគំហើញយុទ្ធសាស្ត្រចំនួនបី ក្នុងនោះមានរបកគំហើញលើហេដ្ឋារចនាសម្ព័ន្ធគមនាគមន៍ ជាពិសេសគម្រោងទ្រង់ទ្រាយធំ។ លោកនាយករដ្ឋមន្ត្រីបានស្នើឱ្យ ADB បន្តផ្តល់​ហិរញ្ញប្បទានស្របតាមការតំរង់ទិសរបស់វៀតណាម ជាពិសេសសម្រាប់គម្រោងទ្រង់ទ្រាយធំ។

យល់ស្របនឹងមតិរបស់នាយករដ្ឋមន្ត្រីវៀតណាម អនុប្រធាន ADB លោក Scott Morris បានឲ្យដឹងថា ADB មានបំណងរួមដំណើរជាមួយវៀតណាម គាំទ្ររដ្ឋាភិបាលកាត់បន្ថយការលំបាកដែលអាចកើតមានក្នុងការអភិវឌ្ឍសេដ្ឋកិច្ច និងប្រតិបត្តិការអាជីវកម្មនៅចំពោះមុខបញ្ហាប្រឈមសកល; ត្រៀមខ្លួនជាស្រេច​ជួយ​វៀតណាមស្វែងរកធនធានហិរញ្ញវត្ថុ ជាពិសេសហិរញ្ញវត្ថុសម្រាប់គម្រោងហេដ្ឋារចនាសម្ព័ន្ធ ដូចដែលបានស្នើឡើងដោយនាយករដ្ឋមន្ត្រី។

មុននោះ នារសៀលថ្ងៃទី ១៦ មេសា នៅទីក្រុងហាណូយ លោកនាយករដ្ឋមន្ត្រី ហ្វាម មិញជីញ បានធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងផ្ដល់កម្ចី និងជំនួយ ដែលមានតម្លៃសរុបស្មើនឹង ៤០០ លានដុល្លារអាមេរិក ពីធនាគារពិភពលោក (WB) និងធនាគារអភិវឌ្ឍន៍អាស៊ី (ADB)៕