បន្ទាប់ពីរយៈពេល ៣ ឆ្នាំនៃការអនុវត្តសេចក្តីសម្រេចចិត្តលេខ ១០-NQ / TW (ចាប់ពីឆ្នាំ ២០១៧ ដល់បច្ចុប្បន្ន) វិស័យសេដ្ឋកិច្ចឯកជនរបស់វៀតណាមានការអភិវឌ្ឍន៍យ៉ាងខ្លាំងទាំងគុណភាពបរិមាណនិងទំហំ បន្តជាកម្លាំងចលករដ៏សំខាន់ក្នុងកំណើនសេដ្ឋកិច្ចរបស់វៀតណាម។ ប្រទេសវៀតណាមត្រូវបានពិភពលោកគេស្គាល់តាមរយៈក្រុមហ៊ុនសាជីវកម្មឯកជនល្បីៗដូចជា៖ Vingroup, Sun Group, T&T Group, Thaco, Vietjet, TH True Milk, Masan...... សហគ្រាសឯកជនជាច្រើនសម្រេចបានទំហំនាំចេញរាប់លានដុល្លាររួមចំណែកដ៏សំខាន់ដល់កំណើនចំណូលថវិកានិងការបង្កើតការងារធានាសន្តិសុខសង្គម។
 

ក្នុងអំឡុងពេលនៃការរាតត្បាតជំងឺ Covid-19 កន្លងមក មានសហគ្រាសឯកជនជាច្រើនបានសហការជាមួយក្រសួងស្ថាប័ន និងរដ្ឋាភិបាលចូលរួមចំណែកក្នុងការប្រឆាំងនឹងការរីករាលដាលនៃជំងឺរាតត្បាត។ សកម្មភាពនេះបង្ហាញពីកិច្ចសហប្រតិបត្តិការត្រីភាគីរវាងរដ្ឋាភិបាល- សហគ្រាស - ប្រជាជន។

នៅក្នុងសេចក្តីព្រាងយុទ្ធសាស្ត្រអភិវឌ្ឍន៍សេដ្ឋកិច្ច - សង្គមសម្រាប់ដំណាក់កាល ២០២១-២០៣០ អ្នកជំនាញជាច្រើនបានលើកឡើងពីបញ្ហាដែលត្រូវដោះស្រាយដើម្បីធ្វើឲ្យវិស័យសេដ្ឋកិច្ចឯកជនក្លាយជាកម្លាំងចលករដ៏សំខាន់មួយរបស់សេដ្ឋកិច្ចវៀតណាម។

រមណីយដ្ឋានលំហែកាយ Sun World Fansipan Legend មានទីតាំងស្ថិតនៅភាគនិរតីនៃទីក្រុងសាប៉ា (Sa Pa)(ខេត្ត ឡាវកាវ (Lao Cai)) ដែលជាតំបន់ទេសចរណ៍វប្បធម៌សេវាកម្មកន្ត្រកយោងខ្សែកាប ការលេងកំសាន្ត និងសណ្ឋាគារដ៏ប្រណីតលំដាប់ថ្នាក់អន្តរជាតិមានទីតាំងស្ថិតនៅក្នុងទេសភាពធម្មជាតិដ៏ស្រស់ត្រកាល - កំពូលភ្នំ Fansipanត្រូវបានវិនិយោគដោយក្រុមហ៊ុន Sun Group ។រូបឯកសារ៖ ឯកសារ Sun Group Vinhomes Royal City នៅទីក្រុងហាណូយ (Ha Noi)ដែលជាតំបន់ទីក្រុងថ្មីមួយដែលរួមបញ្ចូលគ្នានូវមជ្ឈមណ្ឌលពាណិជ្ជកម្មការកម្សាន្តនិងការិយាល័យទំនើបបំផុតនៅប្រទេសវៀតណាមនាសព្វថ្ងៃនេះត្រូវបានវិនិយោគដោយក្រុមហ៊ុនសាជីវកម្មសេដ្ឋកិច្ចឯកជន Vingroup។ រូបថត៖ VNP កម្មករនៅក្នុងរោងចក្ររបស់ក្រុមហ៊ុនភាគហ៊ុនសូត្រអាស៊ីនៅទីក្រុងបាវឡុក (BaoLoc)ខេត្តឡឹមដុង(Lam Dong )។ រូបថត៖ VNP ខ្សែរចង្វាក់របស់រោងចក្រផលិតរថយន្ត Hyundai ថាញកុង (Thanh Cong)នៃក្រុមហ៊ុនភាគហ៊ុន ថាញកុង (Thanh Cong)នៅតំបន់ឧស្សាហកម្ម យ៉ានខៅ (GianKhau)( ស្រុក យ៉ាវៀន (GiaVien) ខេត្ត និញប៊ិញ (NinhBinh)) ។ រូបថត៖ VNA ដោយមានការវិនិយោគល្អៗនិងទំនើបនោះបន្លែស្អាតដែលមានយីហោ VinEcoបានក្លាយជា“ចំណុចភ្លឺមួយ”ទទួលបានការជឿទុកចិត្តពីអតិថិជនវៀតណាម។ រូបថត៖ VNP សហករណ៍ផលិតកម្មឪឡឹក VietGapនៅភូមិ ១ ឃុំវិញ ធួនតី (VinhThuanTay) ( វីធុយ (Vi Thuy) ខេត្ត ហៅយ៉ាង (HauGiang)) ។ រូបថត៖ VNA សហករណ៍ជលផលហ័រផុង (Hoa Phong)  (ឃុំ (Hoa Phong )ស្រុក មីហាវ (My Hao)) ក្លាយជាគំរូនៃខេត្ត ហ៊ឹងអៀន ( Hung Yen )ក្នុងការអនុវត្តប្រកបដោយជោគជ័យនៃដំណើរការចិញ្ចឹមត្រីស្អាតតាមទម្រង់បង្កើតទន្លេក្នុងស្រះនាំមកនូវចំណូលរាប់ពាន់លានដុងក្នុងជារៀងរាល់ឆ្នាំ។ រូបថត៖ VNP

ដើម្បីសំរេចគោលដៅនេះនាយករដ្ឋមន្រ្តីវៀតណាម លោក  ង្វៀន ស្វឹនភុក (Nguyen Xuan Phuc ) នាពេលថ្មីៗនេះ បានធ្វើជាអធិបតីនៃកិច្ចប្រជុំជាប្រចាំរបស់រដ្ឋាភិបាលដើម្បីពិភាក្សាអំពីគម្រោងកែទម្រង់លើគ្រប់ជ្រុងជ្រោយនៃការគ្រប់គ្រងរដ្ឋក្នុងវិស័យសេដ្ឋកិច្ចដោយអនុវត្តសេចក្តីសម្រេចចិត្តលេខ ១០- NQ / TW លើការអភិវឌ្ឍន៍សេដ្ឋកិច្ចឯកជនឲ្យក្លាយជាកម្លាំងចលករសំខាន់មួយ។

លោកនាយករដ្ឋមន្រ្តីបានមានប្រសាសន៍ថា“យើងដឹងហើយថានេះគឺជាគម្រោងដ៏សំខាន់មួយដែលមានទំហំនិងវិសាលភាពធំទូលាយដែលជះឥទ្ធិពលយ៉ាងខ្លាំងដល់វិស័យជាច្រើនជាពិសេសក្នុងបរិបទនៃការអភិវឌ្ឍន៍ថ្មីរបស់ប្រទេសបន្ទាប់ពីមហាសន្និបាតបក្សលើកទី XIII”
 

បើនិយាយពីគោលដៅរួមយោងតាមគម្រោងនៅឆ្នាំ ២០៣០ ត្រូវផ្លាស់ប្តូរជាមូលដ្ឋាន និងលើគ្រប់ជ្រុងជ្រោយនៃការគ្រប់គ្រងរដ្ឋឆ្ពោះទៅរករដ្ឋាភិបាលឌីជីថលដោយផ្លាស់ប្តូរពីការត្រួតត្រាទៅជាការគ្រប់គ្រងនិងនវានុវត្តន៍ ពីអន្តរាគមន៍ដោយផ្ទាល់ទៅដោយប្រយោល ពីការត្រួតពិនិត្យជាមុនទៅការត្រួតពិនិត្យក្រោយ ដែលស្របតាមគោលការណ៍និងច្បាប់អន្តរជាតិ សំដៅបង្កើតបរិយាកាសអាជីវកម្មអំណោយផលសម្រាប់គ្រប់សមាសភាពសេដ្ឋកិច្ចឲ្យមានការអភិវឌ្ឍន៍ដែលរួមចំណែកដល់ការសម្រេចបាននូវគោលដៅអភិវឌ្ឍន៍សេដ្ឋកិច្ចឯកជនដែលបានចែងក្នុងសេចក្តីសម្រេចចិត្តលេខ ១០- NQ / TW និងសេចក្តីសម្រេចចិត្តលេខ ៩៨ / NQ-CP ។

ឆ្នាំ ២០២១ គឺជាឆ្នាំសំខាន់ ដើម្បីសេដ្ឋកិច្ចឈានចូលយុគសម័យថ្មី ២០២១-២០២៥ រួមទាំងដំណាក់កាល ២០២១ - ២០៣០។ ជាមួយនឹងលទ្ធផលដែលសម្រេចបានក្នុងដំណាក់កាល ២០១៦-២០២០ និងមេរៀនបទពិសោធដែលទទួលបានពីការគ្រប់គ្រង រួមជាមួយការខិតខំប្រឹងប្រែងរបស់សហគ្រាសសេដ្ឋកិច្ចឯកជនទាំងឡាយនិងការប្តេជ្ញាចិត្តនៃប្រព័ន្ធនយោបាយទាំងមូលសង្ឃឹមថាគោលដៅសេដ្ឋកិច្ចសង្គមសម្រាប់ឆ្នាំ ២០២១ នឹងត្រូវបានសម្រេចលើសពីកំណត់៕

អត្ថបទ៖ កាសែតរូបភាពវៀតណាម រូបថត៖ ទីភ្នាក់ងារសារព័ត៌មានវៀតណាម
និងឯកសាររបស់Sun Group
បកប្រែដោយង្វៀនយ៉ាង