ខែវិច្ឆិកាជារយៈកាលឧត្តមភាពសម្រាប់ការធ្វើដំណើរទេសចរណ៍នៅលើប្រជុំកោះអានធើយ (An Thoi)។ ចម្ងាយពីមជ្ឈមណ្ឌលស្រុកកោះភូក្វឹក (Phu Quoc) យើងខ្ញុំធ្វើដំណើរប្រហែល២ម៉ោង ទៅទិសអាគ្នេយ៍ នឹងជួបឃុំកោះធើម (Thom) ទីកន្លែងបានចាត់ទុកជាមជ្ឈមណ្ឌលប្រជុំកោះអានធើយ (An Thoi)។
ប្រជុំកោះអានធើយ (An Thoi) ជាមួយសម្រស់ធម្មជាតិសែនមនោរម្យ យើងខ្ញុំដើរកម្សាន្តលើឆ្នេរសមុទ្រខៀវ ខ្សាច់ស ពន្លឺរស្មីពណ៌លឿង សម្រប់លើជីវភាពរស់នៅនៃប្រជាជនលើកោះ។ ប្រជាជននៅទីនេះស្លូតបួត រាក់ទាក់ រស់នៅប្រកបមុខរបរនេសាទជលផលតែប៉ុណ្ណោះ។ លើកោះ ពិបាកនឹងរកផ្ទះសំណាក់ ឬសណ្ឋាគារ តែយើងខ្ញុំងាយនឹងសុំស្នាក់នៅឆ្លងរាត្រីនៅផ្ទះអ្នកស្រុកបាន។
 ជួរដូងក្បែរទឹកសមុទ្រខៀវថ្លា បង្កើតជូនអានធើយ (An Thoi) នូវសម្រស់ស្អាតស្រទន់ចិត្តភ្ញៀវទេសចរ។  កោះធើម (Thom) ជាទីកន្លែងមានវាលផ្កាថ្ម បានវាយតម្លៃស្អាតបំផុត នៅវៀតណាម។  ភ្ញៀវទេសចរសម្រប់ស្របប្រាណលើខ្សែទឹកថ្លានៅកោះធើម (Thom)។  ទេសភាពស្អាតស្ងប់ស្ងាត់ទាក់ទាញភ្ញៀវទេសចរ។  អញ្ជើញមកដល់កោះអានធើយ (An Thoi) ភ្ញៀវទេសចរជ្រើសធ្វើដំណើរតាមទូកអ្ នកនេសាទចេញទៅនេសាទត្រី។  សម្រស់រហស្ថានកោះធើម (Thom)។  ប្រជាជននៅលើប្រជុំកោះអានធើយ (An Thoi) រស់នៅ និងចិញ្ចឹមជីវភាព ដោយប្រកបរបរនេសាទតែប៉ុណ្ណោះ។  ភ្ញៀវទេសចរពិសាអាហារគ្រឿងសមុទ្រស្រស់ ចម្អិនដោយអ្នកស្រុក។ |
ចំពោះនឹងអ្នកមិនពិបាកក្នុង “ការហូបចុកទីកន្លែងស្នាក់នៅ” នេះជាការពិសោធន៍ចំណាប់អារម្មណ៍ ពេលថ្ងៃយើងអាចធ្វើដំណើរតាមទូកអ្នកនេសាទទៅនេសាទត្រី។ ទោះបីមិនជំនាញខាងទេសចរណ៍ ប៉ុន្តែពួកគាត់ត្រៀមលក្ខណៈ ជា”មគ្គទេសក៍ទេសចរ” នាំក្រុមភ្ញៀវមើលការស្ទូចមឹក មើលកាំប្រមាសមុទ្រវារតាមច្រាំងថ្ម និងច្នៃជាមុខម្ហូបពិសេសស្រស់ឆ្ងាញ់ពិសារ ទាក់ទាញចិត្ត។
មកដល់កោះអានធើយ (An Thoi) មិនអាចរំលងការគយគន់មើលផ្កាថ្ម។ កោះធើម (Thom) ជាទីកន្លែងមានវាលផ្កាថ្ម បានវាយតម្លៃស្អាតបំផុតនៅវៀតណាម។ ទឹកនៅទីនេះថ្លាឈ្វេងដល់កម្រិតនៅពីលើផែនថ្ម យើងខ្ញុំអាចមើលឃើញ ថតរូបវាលផ្កាថ្មគ្រប់ពណ៌យ៉ាងងាយស្រួល។
សមុទ្រនៅទីនេះ ស្ងប់ ទឹកថ្លា រួមនឹងឆ្នេរខ្សាច់ស រត់បណ្តោយឆ្នេរ ខាងក្រោមជួរដូងខៀវស្រស់ បន្ទោលស្រមោលត្រជាក់ នេះជាទេវលោកអស្ចារ្យមួយ សម្រាប់នរណាស្រឡាញ់ធម្មជាតិ សមុទ្រកោះ។
អាចនិយាយថាប្រជុំកោះអានធើយ (An Thoi) ជាទីកន្លែងអស្ចារ្យមួយសម្រាប់អ្នកចំណូលចិត្តថ្មើរជើងកម្សាន្តលើឆ្នេរសមុទ្រ។ ប្រព័ន្ធអេកូសមុទ្រសម្បូរបែប ទីកន្លែងនេះជាឧត្តមភាពសម្រាប់មិត្តគយគន់ពិភពមហាសាគរដ៏ធំធេង៕
|
ប្រជុំកោះអានធើយ (An Thoi) ស្ថិតនៅទិសអាគ្នេយ៍ជាកោះគជ់ទេសចរណ៍ភូក្វឹក (Phu Quoc) ក្រោមការគ្រប់គ្រងនៃឃុំកោះធើម (Thom) ស្រុកភូក្វឹក (Phu Quoc) ខេត្តកៀនយ៉ាង (Kien Giang)។ ផ្ទៃដីសរុប៧,៦៤ គីឡូម៉ែត្រការ៉េ ប្រជាជនរស់នៅប្រហែល៣០០០នាក់ ប្រកបមុខរបរនេសាទត្រី។ ជាមួយនឹងកោះតូចធំចំនួន១៨ ប៉ុន្តែមានតែ៥កោះដែលមានប្រជាជនរស់នៅ ដូច្នេះកោះអានធើយ (An Thoi) ជាកោះមួយក្នុងចំណោមកោះយ៉ាងតិច នៅរក្សាបានសម្បត្តិធម្មជាតិរហស្ថានដូចដើម។ |
អត្ថបទនិងរូបថត៖ បាង៉ុក
