សេដ្ឋកិច្ច
រដ្ឋាភិបាលនឹងបន្តរួមដំណើរជាមួយអាជីវកម្មក្នុងការប្រែក្លាយសក្តានុពលទៅជាតម្លៃ ប្រែក្លាយសេចក្តីប្រាថ្នាទៅជាសមិទ្ធផល
ជាមួយនឹងតម្លៃស្នូលចំនួនបីគឺ៖ គុណភាព - នវានុវត្តន៍និងភាពច្នៃប្រឌិត - សមត្ថភាពត្រួសត្រាយផ្លូវ ដំណើរការជ្រើសរើសនៅឆ្នាំនេះមានផលិតផលនិងសេវាកម្មចំនួន ៤៩៩ ពីអាជីវកម្មចំនួន ២២៧ ត្រូវបានលើកតំកើង។
អញ្ជើញថ្លែងនៅក្នុងព្រឹត្តិការណ៍នេះ លោកនាយករដ្ឋមន្ត្រីបានសង្កត់ធ្ងន់ថា បន្ទាប់ពីការអភិវឌ្ឍរយៈពេល ២៣ ឆ្នាំ និងឆ្លងកាត់ការជ្រើសរើសចំនួន ១០ លើកមក កម្មវិធីម៉ាកយីហោជាតិបានសម្គាល់ជំហានលោតផ្លោះដ៏គួរឱ្យកត់សម្គាល់មួយនៅក្នុងការរីកចម្រើនរបស់អាជីវកម្មវៀតណាម។ ដោយឡែក នៅក្នុងឆ្នាំ២០២៥ តែមួយ អាជីវកម្មដែលទទួលបានការលើកតំកើង គឺសម្រេចបានប្រាក់ចំណូលជាង ២,៥ ពាន់ពាន់លានដុង (ប្រហែល ៩៧ ពាន់លានដុល្លារអាមេរិក) ដោយបង្កើតការងារដែលមានស្ថេរភាពសម្រាប់កម្មករជាង ៧៦០.០០០ នាក់។ លោកនាយករដ្ឋមន្ត្រីបានបញ្ជាក់ថា រដ្ឋាភិបាលនឹងរួនដំណើរអាជីវកម្ម ដើម្បីធ្វើឱ្យលំហូរនៃម៉ាកយីហោវៀតណាមកាន់តែរឹងមាំ កាន់តែរីកសាយភាយ។
“រដ្ឋាភិបាលនឹងបន្តរួមដំណើរអាជីវកម្ម ដើម្បីប្រែក្លាយសក្តានុពលទៅជាតម្លៃ និងសេចក្តីប្រាថ្នាទៅជាសមិទ្ធផល។ ខ្ញុំរំពឹង និងសង្ឃឹមថា វៀតណាមនឹងមានម៉ាកយីហោកាន់តែច្រើនឡើងៗ ហើយនៅពេលដែលត្រូវបានលើកឡើង អ្នកប្រើប្រាស់នៅក្នុងប្រទេសណាមួយនឹងទទួលស្គាល់ភ្លាមៗថា នោះជាម៉ាកយីហោវៀតណាម ដែលផ្សាភ្ជាប់នឹងគុណភាព ភាពវៃឆ្លាត ភាពធន់ និងកិត្យានុភាពវៀតណាម។ ម៉ាកយីហោដ៏រឹងមាំនីមួយៗ គឺជាប្រភពនៃមោទនភាពវៀតណាម ម៉ាកយីហោនីមួយៗរួមចំណែកដល់កម្លាំង និងជាឋានៈរបស់ប្រទេសជាតិ។ ខ្ញុំជឿជាក់ថា លំហូរនៃម៉ាកយីហោវៀតណាមនឹងកាន់តែរីកសាយភាយ ដែលរួមចំណែកដល់ការកសាងប្រទេសដ៏សម្បូរធូធារ វិបុលភាព អរិយធម៌ និងសុភមង្គល”។ នេះបើយោងតាមប្រសាសន៏របស់លោកនាយករដ្ឋមន្ត្រី ឡេ មិញ ហ៊ឹង។
លោកនាយករដ្ឋមន្ត្រីបានជំរុញឱ្យសហគមន៍ធុរកិច្ច ជាពិសេសសហគ្រាសដែលមានផលិត ផលសម្រេចបានឋានៈជាម៉ាកយីហោជាតិ ដើរតួនាទីជាអ្នកត្រួសត្រាយផ្លូវក្នុងការអនុវត្តសេចក្តីសម្រេចចិត្តជាយុទ្ធសាស្ត្ររបស់បក្សលើការកែទម្រង់គំរូអភិវឌ្ឍន៍សម្រាប់អាជីវកម្ម និង សហគ្រិន។ ជាមួយគ្នានោះ ម្ចាស់ការក្នុងការដណ្តើមយកទីផ្សារអន្តរជាតិ និងកសាងម៉ាកយីហោប្រកបដោយចីរភាព; ផ្លាស់ប្តូរពីការអភិវឌ្ឍបុគ្គលទៅជាកិច្ចសហការ ដោយរួមគ្នាធ្វើឱ្យប្រសើរឡើងនូវខ្សែសង្វាក់តម្លៃរបស់វៀតណាម៕
