លោកប្រធានាធិបតី Biden បានឲ្យដឹងថា៖ “ខ្ញុំបានប្តេជ្ញាថា នឹងដឹកនាំរដ្ឋបាលទាំងមូលរបស់ខ្លួនដើម្បីសម្របសម្រួលជាមួយក្រុមការងាររបស់លោក Trump ដើម្បីធានាឱ្យមានការផ្លាស់ប្តូរដោយសន្តិភាព និងរបៀបរៀបរយ។ នេះជាអ្វីដែលប្រជាជនអាមេរិកសមនឹងទទួលបាន។ ការបោះឆ្នោតគឺជាការប្រកួតប្រជែងដែលមានចក្ខុវិស័យខុសៗគ្នា ហើយប្រទេសមានសិទ្ធិជ្រើសរើសអ្នកនេះ អ្នកនោះ។  យើងទទួលយកជម្រើសរបស់ប្រទេស។ ក្នុងនាមជាប្រធានាធិបតី ខ្ញុំនឹងបំពេញកាតព្វកិច្ច និងសម្បថរបស់ខ្ញុំ ហើយខ្ញុំនឹងគោរពរដ្ឋធម្មនុញ្ញ។ នៅថ្ងៃទី ២០ ខែមករា យើងនឹងមានការផ្លាស់ប្តូរអំណាចដោយសន្តិវិធីនៅអាមេរិក”។

ការបោះឆ្នោតប្រធានាធិបតីអាមេរិកឆ្នាំ ២០២៤ បានបញ្ចប់ដោយជោគជ័យដ៏ងាយស្រួលសម្រាប់លោក Donald Trump ។ អនុប្រធានាធិបតី Kamala Harris ដែលជាបេក្ខភាពគណបក្សប្រជាធិបតេយ្យបានទទួលយកការបរាជ័យ ហើយថែមទាំងបានសន្យាថា នឹងចូលរួមក្នុងការផ្លាស់ប្តូរដោយសន្តិវិធី។

នៅក្នុងព្រឹត្តិការណ៍មួយផ្សេងទៀត នៅថ្ងៃទី ៧ ខែវិច្ឆិកា ប្រធានាធិបតីអាមេរិកដែលជាប់ឆ្នោតថ្មី Donald Trump បានតែងតាំង លោកស្រី Susie Wiles ជាប្រធានបុគ្គលិកសេតវិមាន។ នេះជាបុគ្គលិកដំបូងគេក្នុងរដ្ឋបាលរបស់លោក Trump នាពេលខាងមុខ។ លោកស្រី Susie Wiles គឺជាអ្នកគ្រប់គ្រងយុទ្ធនាការរបស់លោក Donald Trump ហើយត្រូវបានគេចាត់ទុកថាជាបុគ្គលដែលបានជួយគាត់ឱ្យសម្រេចបាននូវជ័យជម្នះនយោបាយដ៏ធំបំផុតមួយនៅក្នុងប្រវត្តិសាស្ត្ររបស់ប្រទេស៕