រូបថត
បណ្ឌិត ង្វៀន ធៀនតាវ (Nguyen Thien Tao) ជាអ្នកឯកទេសលំដាប់នៃការស្រាវជ្រាវអំពីសត្វពស់ ដែលមានពិសនៅវៀតណាម
ជាមួយនឹងសំណាកពិសរាប់ពាន់បំពង់ ដប់ និងប្រអប់ ដែលបានដាក់ពេញទូ បន្ទប់ពិសោធន៍របស់បណ្ឌិត ង្វៀន ធៀនតាវ (Nguyen Thien Tao) នៅសារមន្ទីរធម្មជាតិ បានប្រៀបដូចជាសារមន្ទីរសំណាកសម្បូរបែបមួយ ដែលបានស្រាវជ្រាវអំពីសត្វពស់នៅវៀតណាម។ សំណាកចំនួន២០០ ដែលបានប្រមូលអំពីប្រភេទពស់ ពិសពស់នៅទីនេះជាលទ្ធផល នៃការធ្វើដំណើររាប់រយលើកទៅគ្រប់ដងព្រឹក្សព្រៃនៅវៀតណាម ក្នុងអំឡុងពេលជាង១៥ឆ្នាំ ដែលប្រកបមុខរបររបស់បងតាវ (Tao)។
កើតឆ្នាំ១៩៨២ តាំងពីតូច បងតាវ (Tao) ជាអ្នកស្រាឡាញ់ចូលចិត្តស្វែងយល់ អំពីសត្វល្មូនដូចជាពស់ កង្កែប កាឡនតនជាដើម រស់នៅចម្ការនិងនៅជំវិញវាលស្រែ។ ស្រឡាញ់ធម្មជាតិនិងចំណូលចិត្តស្វែងយល់អំពីប្រភេទពស់ តភ្ជាប់ពេលបងតាមរៀនជំនាញជីវសាស្រ្ត (សាកលវិទ្យាល័យវិទ្យាសាស្រ្តធម្មជាតិហាណូយ) ក៏ដូចជាស្រាជ្រាវស៊ីជម្រៅអំពីពស់ នៅពេលខាងក្រោយនេះ។
សព្វថ្ងៃ ក្រុមស្រាវជ្រាវនៃបណ្ឌិត ង្វៀន ធៀនតាវ (Nguyen Thien Tao) នៅបន្ទប់អភិរក្សធម្មជាតិ (សារមន្ទីរធម្មជាតិវៀតណាម) បានសហការនឹងមជ្ឈមណ្ឌលប្រឆាំងជាតិពុល មន្ទីរពេទ្យបាចម៉ាយ (Bach Mai) ជំរុញការងារពាក់ព័ន្ធដល់ការស្រាវជ្រាវផលិតទឹកសេរ៉ូមស៊ាំនិងពិសពស់។ រូបថត៖ វៀតគឿង បណ្ឌិត ង្វៀន ធៀនតាវ (Nguyen Thien Tao) បានចុះផ្សាយនៅលើកាសែតអន្តរជាតិចំនួន១០០អត្ថបទ ដែលមានតម្លៃនៅលើទស្សនាវដ្តីអន្តជាតិ ក្នុងនោះមានអត្ថបទស្រាវជ្រាវអំពីពស់ប្រហែល២០ - ៣០អត្ថបទ។ រូបថត៖ ឯកសារ បណ្ឌិត ង្វៀន ធៀនតាវ (Nguyen Thien Tao) និងសហការីជប៉ុន នៅសាកលវិទ្យាល័យ Kyoto ពិភាក្សាផ្តល់បទពិសោធន៍ការងារស្រាវជ្រាវព័ត៌មានអំពីជំងឺរាតត្បាតនៃប្រភេទពស់មានពិស។ រូបថត៖ ឯកសារ សំណាកពិសរាប់ពាន់បំពង់ ដប់ និងប្រអប់ ដែលបានដាក់ពេញទូ បន្ទប់ពិសោធន៍របស់បណ្ឌិត ង្វៀន ធៀនតាវ (Nguyen Thien Tao) នៅសារមន្ទីរធម្មជាតិ។ រូបថត៖ វៀតគឿង |
នៅប្រទេសវៀតណាម ប្រភេទពស់ជាច្រើន ក្នុងនោះមានប្រភេទពស់មានពិសដូចជា៖ ពស់វែក ពស់ក្រាយ ពស់ Gaboon ជាដើម ប្រសិនបើនរណាត្រូវប្រភេទពស់ទាំងនេះចឹក អាចស្លាប់មួយរំពេច រៀងរាល់ឆ្នាំ មានអ្នករងគ្រោះត្រូវពស់ចឹកជាង៣០០ពាន់ករណី ហើយការងារព្យាបាលខាតបង់យ៉ាងច្រើន នៅតាមមន្តីរពេទ្យ។ ហេតុនេះហើយ ការស្រាវជ្រាវសំណង់អំពីពស់ ពិសេសគឺចម្រាញ់យកជាតិពិសពស់ ដើម្បីផលិតចេញទឹកសេរ៉ូម សព្វថ្ងៃមានប្រទេសចំនួន១០០ លើពិភពលោកអនុវត្ត ក្នុងនោះមានប្រទេសវៀតណាម។
បណ្ឌិត ង្វៀន ធៀនតាវ (Nguyen Thien Tao) សព្វថ្ងៃ បានចុះផ្សាយនៅលើកាសែតអន្តរជាតិចំនួន១០០អត្ថបទ ជាមួយនឹងអត្ថបទស្រាវជ្រាវជំនាញស៊ីជម្រៅអំពីពស់ចំនួន៣០អត្ថបទ។ សំណង់ស្រាវជ្រាវផ្សេងៗ អំពីពស់របស់បង ក៏បានឧទ្ទេសនាមនៅសិក្ខាសាលានាប្រទេសជប៉ុន អាមេរិក ហើយបានមជ្ឈដ្ឋានអ្នកឯកទេសវាយតម្លៃខ្ពស់។ សព្វថ្ងៃ បងជាសាស្រ្តាចារ្យរង អញ្ជើញបង្រៀននៅសាកលវិទ្យាល័យ Kyoto ជប៉ុន។ |
ជាមួយសត្វពស់ជាង២០០ប្រភេទ ក្នុងនោះពស់មានពិសប្រហែល២៥% វៀតណាមបានផលិតចេញជោគជ័យ នូវប្រភេទទឹកសេរ៉ូមស៊ាំនឹងពិសពស់វែកដំបូក ពស់វែកឫស្សី ពស់វែកស្តេច និងពស់ក្រាយ ប៉ុន្តែត្រូវនាំចូលស្ទើទាំងអស់នូវទឹកសេរ៉ូមផ្សេងគ្រប់ប្រភេទ។ ផលិតបានទឹកសេរ៉ូម ដើម្បីម្ចាស់ការក្នុងការងារព្យាបាលពស់ចឹកនៅវៀតណាម ជាយុទ្ធសាស្រ្តយូរអង្វែង ដែលក្រសួងសុខាភិបាលមានគោលការណ៍អនុវត្តច្រើនឆ្នាំកន្លង។
សព្វថ្ងៃ មជ្ឈមណ្ឌលប្រឆាំងជាតិពុល មន្ទីរពេទ្យបាច់ម៉ាយ (Bach Mai) កំពុងស្រាវជ្រាវដំណាក់កាលទី៣ នៃទឹកសេរ៉ូមស៊ាំនឹងពិសពស់វែកដំបូក ពស់ក្រាយ ទុកសម្រាប់ការងារព្យាបាលត្រូវពស់មានពិសចឹក។ បំណងប្រាថ្នាមានសំណង់ស្រាវជ្រាវផលិតចេញទឹកសេរ៉ូមស៊ាំនឹងពិសពស់ ជាគោលបំណងតែមួយដែលបណ្ឌិត ង្វៀន ធៀនតាវ (Nguyen Thien Tao) បានសហការជាមួយនឹងមជ្ឈមណ្ឌលប្រឆាំងជាតិពុល នៃមន្ទីរពេទ្យបាចម៉ាយ (Bach Mai) អនុវត្តធ្វើតាំងពីឆ្នាំ២០១៤។ បងកំពុងប្រមូលនិងរួបរួមរាល់ប្រភពកម្លាំង ដើម្បីកំណត់ជាក់ស្តែងប្រភេទពស់មានពិស ប្រភពផ្គត់ផ្គង់ទៀងទាត់នូវជាតិពិសពស់ ជំហានដំបូង កសាងបទដ្ឋានផលិតលើទម្រង់រូបភាពបន្ទប់ពិសោធន៍។
រៀងរាល់ថ្ងៃ ផ្នែកប្រឆាំងជាតិពុលនៃមន្ទីរពេទ្យបាចម៉ាយ (Bach Mai) នៅតែផ្ញើសំណាកជំងឺនៃអ្នករងគ្រោះដែលត្រូវពស់ចឹក ដើម្បីបណ្ឌិត ង្វៀន ធៀនតាវ(Nguyen Thien Tao) វាយតម្លៃជំនួយដល់វេជ្ជបណ្ឌិតព្យាបាលជូនអ្នករងគ្រោះ ឱ្យបានល្អបំផុត។ បងតាវ (Tao) ក៏បានអញ្ជើញមកដល់មន្ទីរពេទ្យជាច្រើនលើក រួមជាមួយនឹងវេជ្ជបណ្ឌិតពិនិត្យរោគសញ្ញា ពេលអ្នករងគ្រោះធ្ងន់ធ្ងរដោយសារពស់ចឹក។ ក្រោយច្រើនឆ្នាំ ពុះពារស្រាវជ្រាវជាក់ស្តែង រហូតដល់សំណាកនៃអ្នករងគ្រោះត្រូវពស់ចឹក បណ្ឌិត ង្វៀន ធៀនតាវ (Nguyen Thien Tao) បង្កើតបានមូលដ្ឋានឯកសារដំបូងអំពីជំងឺរាតត្បាតពស់មានពិស និងកំណត់បានប្រភេទពស់មានពិសដែលធ្លាប់ជួប ដើម្បីមានមូលដ្ឋានវិទ្យាសាស្រ្តសំខាន់ សម្រាប់ការងារស្រាវជ្រាវចម្រាញ់ផលិតចេញទឹកសេរ៉ូមស៊ាំនឹងពិសពស់។
បណ្ឌិត ង្វៀន ធៀនតាវ (Nguyen Thien Tao) និងក្រុមអ្នកឯកទេសអន្តរជាតិ ក្នុងការធ្វើដំណើរជាក់ស្តែង ប្រមូលសំណាកពស់នៅវៀតណាម។ រូបថត៖ ឯកសារ បណ្ឌិត ង្វៀន ធៀនតាវ (Nguyen Thien Tao) ក្នុងដំណើរជាក់ស្តែងនៅវៀតណាម។ រូបថត៖ ឯកសារ ជាង១៥ឆ្នាំ បណ្ឌិត ង្វៀន ធៀនតាវ (Nguyen Thien Tao) បានធ្វើដំណើរជាក់ស្តែងរួមនឹងសហការីជាតិនិងអន្តរជាតិ ដើម្បីស្រាវជ្រាវប្រភេទពស់ បម្រើការងារព្យាបាលពស់ចឹក។ រូបថត៖ ឯកសារ បណ្ឌិត ង្វៀន ធៀនតាវ (Nguyen Thien Tao) យកសំណាកពិសពស់ បម្រើការងារពាក់ព័ន្ធដល់ការស្រាវជ្រាវផលិតចេញទឹកសេរ៉ូម។ រូបថត៖ ឯកសារ បណ្ឌិត ង្វៀន ធៀនតាវ (Nguyen Thien Tao) បានធ្វើដំណើរជាក់ស្តែងនៅវៀតណាម ក៏ដូចជានៅប្រទេសឡាវ និងចិន។ រូបថត៖ ឯកសារ |
ការស្រាវជ្រាវស៊ីជម្រៅរបស់បណ្ឌិត ង្វៀន ធៀនតាវ (Nguyen Thien Tao) អាចជម្រើសបានប្រភេទពស់សកលមួយចំនួន។ បងបានកសាងឯកសារអំពីរូបភាពនិងបែងចែករៀបចំយ៉ាងលម្អិត នូវប្រភេទសត្វពស់នីមួយៗនៅវៀតណាម។ រូបភាពថតសត្វពស់ក៏ដូចជាបទដ្ឋានយកពិស សុទ្ធតែបានបងនិងក្រុមអ្នកឯកទេសអន្តរជាតិអនុវត្ត អ្នកដែលអស់ពីចិត្តជំនួយដល់បងគឺលោកសាស្រ្តាចារ្យណោរ៉ើឡើប (វិទ្យាស្ថានបណ្ឌិត្យវិទ្យាសាស្រ្តរុស្ស៊ី)។ នេះបានចាត់ទុក ជារូបភាពសត្វពស់ ដែលមានកម្មសិទ្ធិតែមួយគត់នៅវៀតណាម ជាមួយនឹងរូបភាពកម្រមិនងាយថតបាន អំពីសត្វពស់និងសត្វព្រៃធម្មជាតិ។
បណ្ឌិត ង្វៀន ធៀនតាវ (Nguyen Thien Tao) ក៏ជាអ្នកវិទ្យាសាស្រ្តវ័យក្មេងដំបូងរបស់វៀតណាម ក្នុងវិស័យជីវសាស្រ្តបានជ្រើសជាសមាជិក នៃវិទ្យាស្ថានបណ្ឌិត្យវិទ្យាសាស្រ្តពិភពលោក អាណាត្តិ ២០១៨ - ២០២២។ នៅវេទិកាវិទ្យាសាស្រ្តស្រាវជ្រាវអំពីសត្វពស់និងសត្វព្រៃ បទបង្ហាញរបស់បណ្ឌិត ង្វៀនធៀនតាវ (Nguyen Thien Tao) បើកចេញឱកាសសហការថ្មី សម្រាប់ការងារអភិរក្សពិពិធជីវសាស្រ្តនៅវៀតណាម។
សព្វថ្ងៃ បណ្ឌិត ង្វៀន ធៀនតាវ (Nguyen Thien Tao) រួមនឹងក្រុមអ្នកវិទ្យាសាស្រ្តអន្តរជាតិអនុវត្តធ្វើដំណើរទៅជាក់ស្តែង ស្រាវជ្រាវ ប្រមូលសំណាកសត្វពស់ នៅតាមដងព្រៃវៀតណាម។ ភាពយន្តនិងរូបថតក្នុងដំណើរការនេះ គឺជាកម្រងឯកសារកម្រ បានបណ្តាញទូរទស្សន៍ទិញកម្មិសិទ្ធិ និងអញ្ជើញបណ្ឌិត ង្វៀន ធៀនតាវ (Nguyen Thien Tao) ធ្វើជាតួអង្គពនេចរផ្សងព្រេងក្នុងភាពយន្ត៕
បណ្ឌិត ង្វៀន ធៀនតាវ (Nguyen Thien Tao) ជាមួយនឹងសំណង់ស្រាវជ្រាវ “ពិពិធនិងអភិរក្សប្រភេទសត្វមានឆ្អឹងខ្នងនៅអាស៊ី” ទទួលបានពានរង្វាន់វិទ្យាសាស្រ្តបច្ចេកទេសយុវជនភូគោលមាស នៃមជ្ឈមណ្ឌលសម្ពន្ធយុវជនឆ្នាំ២០១៥។ នេះក៏ជាសំណង់បានអ្នកវិទ្យាសាស្រ្តអន្តរជាតិ សម្រង់ច្រើនបំផុតឆ្នាំ២០១៥ (តាមការវាយតម្លៃនៃអ្នកចុះផ្សាយ BioO2 អាមេរិក)។ |
អត្ថបទ៖ ប៊ិចវឹន រូបថត៖ វៀតគឿង និងឯកសារ