បញ្ចប់ការសិក្សាកម្រិតអនុបណ្ឌិតជំនាញផ្នែកខាងរថយន្ត នៅមហាវិទ្យាល័យ Stuttgart (អាល្លីម៉ង់) បានផ្តល់ឲ្យបងទ្រី (Tri) នូវចំណេះវិជ្ជាដ៏រឹងមាំ ក្នុងការងាររចនាតួកង់ ក៏ដូចជាការស្រាវជ្រាវលក្ខណៈសារជាតិនៃដើមឫស្សី។ យ៉ាងនេះ បងទ្រី (Tri) ត្រូវចំណាយអស់ពេលអំឡុង៨ខែ ដើម្បីសាកល្បងរាប់សិបតួកង់ពីឫស្សីផ្សេងគ្នា ទើបជ្រើសរើសបានតួកង់ពីឫស្សីគំរូដំបូង ដែលគាប់ចិត្តសម្រាប់ខ្លួន។
តាមបងផាមមិញទ្រី (Pham Minh Tri) ដើម្បីកង់ពីឫស្សីមានអ្នកប្រើប្រាស់ទុកចិត្ត តម្រូវការដំបូងបង្អស់ គឺត្រូវធ្វើដូចម្តេចឲ្យពួគគាត់ឃើញនូវសុវត្ថិភាពពេលប្រើប្រាស់វា។ ហេតុនេះហើយ ចាប់ពីវគ្គជ្រើសរើសវត្ថុធាតុដើមឫស្សី ធ្វើជាតួកង់ ត្រូវតែជ្រើសរើសយ៉ាងហ្មត់ចត់ នោះគឺជាប្រភេទដើមឫស្សី ដែលមានទំហំខ្នាតសមស្រប កម្រិតស្វិត កម្រិតយឺត និងកម្លាំងមាំមួនខ្ពស់។ បន្ទាប់មក គឺវគ្គធ្វើប្រព្រឹត្តិកម្មកម្ចាត់សត្វខ្មូត រចនាតួកង់ លាកល្បងជាក់ស្តែងលើតួលេខបច្ចេកទេសសម្រាប់តួកង់។ សំខាន់បំផុតក្នុងបទដ្ឋានធ្វើតួកង់ គឺប្រគំតភ្ជាប់ជាមួយគ្នា រវាងបំពង់នៃតួកង់ ពីព្រោះនេះជាកន្លែងទ្រាំកម្លាំងក្នុងបទដ្ឋានចលនារបស់កង់។
 បញ្ចប់ការសិក្សាអនុបណ្ឌិតជំនាញផ្នែកខាងរថយន្ត នៃមហាវិទ្យាល័យ Stuttgart (អាល្លីម៉ង់) បានផ្តល់ឲ្យបងផាមមិញទ្រី (Pham Minh Tri) នូវចំណេះវិជ្ជារឹងមាំ ក្នុងការងាររចនាតួកង់ ក៏ដូចជាការស្រាវជ្រាវលក្ខណៈសារជាតិរបស់ដើមឫស្សី។  វត្ថុធាតុដើមឫស្សីវៀតណាមប្រើសម្រាប់ផលិតតួកង់។  កាត់ដើមឫស្សីជាកំណាត់តាមខ្នាត ដែលបានកំណត់ជាតួលេខបច្ចេកទេស។  ប្រគំជាតួកង់។  ប្រគំតភ្ជាប់ជាមួយគ្នា រវាងបំពង់នៃតួកង់ ជាទីកន្លែងដែលរងទ្រាំកម្លាំង ក្នុងបទដ្ឋានចលនារបស់កង់។  វគ្គដុសខាត់កន្លែងតភ្ជាប់...។ល។  ធ្វើកន្លែងតភ្ជាប់ឲ្យមានភាពស្មើរលីង។  ជាងរុំខ្សែដែលបានធ្វើប្រព្រឹត្តិកម្មកម្ចាត់សត្វខ្មូត។  កន្ត្រងកង់បានធ្វើអំពីវត្ថុធាតុដើមឫស្សី។  តួកង់បានផលិតជាពណ៌សម្បុរខុសពីគ្នា សម្រាប់អ្នកប្រើប្រាស់ជ្រើសរើស។  ពាណិជ្ជសញ្ញា WOLF បានធ្វើអំពីឈើ។  បងផាមមិញទ្រី (Pham Minh Tri) ជាមួយផលិតផលតួកងពីឫស្សី ដែលខ្លួនបានរចនានិងផលិតចេញ។ |
តួកង់ធ្វើពីឫស្សីរបស់បងផាមមិញទ្រី (Pham Minh Tri) រចនា បានយកទៅពិនិត្យគុណភាព ហើយបានទទួលស្គាល់គ្រប់ស្តង់ដា ISO ៤២១០ របស់ SGS - ប្រទេសស្វីស និង DIN - អាល្លឺម៉ង់ (ស្តង់ដារពីគុណភាពតួកង់ដោយក្រុមហ៊ុនពិនិត្យឯករាជសកលលោកជំនាញផ្នែកខាងពិនិត្យ)។
កង់ធ្វើពីឫស្សីរបស់ Viet Bamboo Bike មានទម្ងន់ស្រាល ពេញសមត្ថភាពដឹកជញ្ជូនទម្ងន់អ្នកជិះ ពេលជិះទាំងលើសណ្ឋានដីចោតថ្មរដិបរដុប ហើយមានកម្រិតមាំមួនជាង២០ឆ្នាំ។
បន្ទាប់ពី តាំងពិព័រណ៍ទោចក្រយានយន្តនៅវៀតណាមចុងឆ្នាំ២០១៥ ក្រុមហ៊ុនមួយនៅប្រទេសអាល្លឺម៉ង់ បានបញ្ជរទិញកង់ធ្វើពីឫស្សីគ្រប់ប្រភេទរបស់ Viet Bamboo Bike ចំនួន១៥០គ្រឿង។ តាំងពីនោះមកដល់សព្វថ្ងៃ ផលិតផលកង់ពីឫស្សីរបស់បងផាមមិញទ្រី (Pham Minh Tri) បន្តបន្ទាប់បាននាំចេញទៅប្រទេសផ្សេងដូចជា៖ បារាំង ស្វីស អូស្រ្តាលី ជប៉ុន ដោយតម្លៃពី៦លានដុង - ៤០លានដុងក្នុងមួយគ្រឿង។ បង្កើតផលិតផលកង់ពីឫស្សីតាមចំណូលចិត្តខ្លួន ជាផលិតផលជិតស្និទ្ធ ជាមួយបរិស្ថាន ទន្ទឹមនោះឧទ្ទេសនាមថ្វីដៃប៉ិនប្រសប់របស់ជនជាតិវៀតណាម ចេញទៅពិភពលោកផងដែរ ជាប្រការមួយដែលបងផាមមិញទ្រី (Pham Minh Tri) ចង់ឆ្ពោះទៅរក។
កង់ធ្វើពីឫស្សី សព្វថ្ងៃនៅលើពិភពលោកក៏ដូចជានៅវៀតណាម មានអង្គភាពផលិតផលជាច្រើន ប៉ុន្តែដើម្បីអ្នកប្រើប្រាស់ទទួលស្គាល់បាន បងផាមមិញទ្រី (Pham Minh Tri) និងសហការីរបស់ខ្លួន តែងតែរុករកច្នៃប្រឌិត កែប្រែមិនឈរ ហើយផលិតចេញម៉ូដកង់ធ្វើពីឫស្សីគុណភាព មានភាពប្រណិតឥតខ្ចោះ។ បច្ចុប្បន្ន Viet Bamboo Bike មានម៉ូដកង់ដូចជា៖ កង់បុរាណ កង់ទីក្រុង កង់ឡើងភ្នំ កង់ប្រណាំង...។ល។
ម៉ូដម៉ាកតុបតែងនៅលើតួកង់មានភាពសម្បូរបែប ចាប់ពីថ្នាំងឫស្សីទុកឲ្យនៅជាធម្មតា គ្រាន់តែលាបមួយស្រទាប់ថ្នាំប្រឆាំងការជ្រាបទឹក ប្រឆាំងសត្វខ្មូត ជាងនៅ Viet Bamboo Bike តែងច្នៃបន្ថែម ដោយវិធីកោសសម្បកខៀវចោល ប្រើថ្នាំពណ៌ ឬប្រើប៉ាកកាភ្លើងឆ្លាក់ជាឈ្មោះ គូរគំនូរនៅលើតួកង់ បង្កើតជាតួកង់ពិសេស។
កន្លងទៅហើយ Viet Bamboo Bike ទើបបង្ហាញម៉ូដកង់មួយចំនួន មិនប្រើខ្សែចង្វាក់ដូចជាកង់ធម្មតា តែប្រើខ្សែកូរ៉។ ខ្សែកូរ៉នេះ មិនត្រូវការប្រេងរំអិលដូចខ្សែចង្វាក់នៃកង់ធម្មតា ដូចនេះកាន់តែជិតស្និទ្ធជាមួយបរិស្ថានជាង។
 Viet Bamboo Bike មានម៉ូដកង់ជាច្រើនដូចជា៖ កង់បុរាណ កង់ទីក្រុង កង់ឡើងភ្នំ កង់ប្រណាំង...។ល។  កង់មានកង់បីសម្រាប់ជិះលើព្រិល។  ប្រភេទកង់សម្រាប់កុមារ។    ផលិតផលកង់ធ្វើពីឫស្សីតាមចំណូលចិត្ត ជិតស្និទ្ធជាមួយបរិស្ថានផង ទន្ទឹមនោះឧទ្ទេសនាមថ្វីដៃប៉ិនប្រសប់របស់ជនជាតិវៀតណាម ចេញទៅពិភពលោក។  ផលិតផលនៃពាណិជ្ជសញ្ញាកង់ធ្វើពីឫស្សីវៀតណាម (Viet Bamboo Bike) បានអតិថិជននៅប្រទេសជាច្រើនប្រើប្រាស់។ |
ក្រៅពីផលិតផលកង់ពីឫស្សី សព្វថ្ងៃ Viet Bamboo Bike នៅផលិតទាំងកង់ធ្វើអំពីឈើ និងប្រភេទកង់សម្រាប់កុមារ។ ប្រសិនកាលពីមុន កង់ធ្វើពីឫស្សីរបស់ Viet Bamboo Bike ផលិតត្រឹមតែតួកង់ពីឫស្សី ឥឡូវនេះ អង្គភាពនេះបានបំពេញបន្ថែមគ្រឿងផ្សេងៗដូចជា៖ ចង្កូត កកង់ shocks ក៏បានធ្វើអំពីកំណាត់ឫស្សីមាំមួនដែរ។
ទៅអនាគត Viet Bamboo Bike នឹងបង្កើតចេញផលិតផលពាក់កណ្តាលឧស្សាហកម្ម ពាក់កណ្តាលសិប្បកម្ម ប្រើពុម្ពសិតកាត់បន្ថយពេលវេលាធ្វើហត្ថកម្ម មួយជំហានទៅមួយជំហានបន្ថយតម្លៃទីផ្សារ និងចូលទៅជិតអ្នកប្រើប្រាស់ក្នុងនិងក្រៅប្រទេសថែមទៀត៕
អត្ថបទ៖ សើនងៀ រូបថត៖ ដាំងគីមផឿង
