សម័យកាលនៅជានិស្សិត ត្រឡប់មកពីធ្វើការបន្ថែម បងរៀបចំតុបតែងទេសភាពព្រៃភ្នំខ្នាតតូច ច្នៃដន្យថ្ងៃមួយ បងឃើញស្រមោលខ្លួន និងរូបភាពទេសភាពព្រៃភ្នំខ្នាតតូច ចាំងស្រមោលនៅលើជញ្ជាំង មានរូបដូចសត្វខ្លាឃ្មុំ បន្ទាប់មកបងរិះរកខ្លួនឯង បង្កើតគំនិតផ្សំនឹងពន្លឺ សាងបានជារូបភាព។
ដំបូងបងបង្កើតស្នាដៃ “អ្នកម្តាយ” ដោយវត្ថុធាតុស៊ីម៉ង់ សាងរូបបក្សីមេ បញ្ចុកចំណីឱ្យបក្សីកូន ដើម្បីពេលមានពន្លឺចង្កៀងចែងចាំងមកលើ នឹងក្លាយជារូបភាពអ្នកម្តាយកំពុងបីត្រកងកូន។ ប៉ុន្តែ គ្រប់យ៉ាងហាក់ដូចជាខុសឆ្ងាយពីការស្រមៃ ពេលបង្កើតជារូបភាពដោយប្រើពន្លឺ ដើម្បីពណ៌នាសារលិខិតនៃស្នាដៃ។ បងត្រូវធ្វើសាចុះសាឡើងជាច្រើនលើកច្រើនសា អំឡុងពេល៤ខែទើបធ្វើបានសម្រេច។
នាឆ្នាំ២០១៤ បងចូលរួមកម្មវិធីស្វែងរកទេពកោសល្យវៀតណាម (Vietnam Got Talent) សម្តែងសិល្បៈចម្លាក់ពន្លឺបានទាក់ទាញមនុស្សយកចិត្តទុកដាក់យ៉ាងច្រើន។ ត្រូវពេលវេលានោះ បងបញ្ចប់ការសិក្សានៃសកលវិទ្យាល័យសំណង់ ហើយមានបំណងនាំយកកម្មវិធីអនុវត្តចូលទៅក្នុងការតុបតែងសង្ហារិម ហេតុនោះហើយ បងបានសិក្សាបង្វែមកខាងវត្ថុធាតុឈើ រហូតដល់ឆ្នាំ២០១៦ អភិវឌ្ឍន៍បន្ថែមវត្ថុធាតុកុលាលភាជន៍។ បងប៊ូយ វ៉ានទឺ (Bui Van Tu) នាយកក្រុមហ៊ុនច្នៃប្រឌិត នៃម្ឈមណ្ឌលតាំងពិព័រណ៍តែមួយគត់១១០២ ជាអ្នករិះរកបង្កើតចេញសិល្បៈចម្លាក់ពន្លឺ។
 បងប៊ូយ វ៉ានទឺ (Bui Van Tu) នាយកក្រុមហ៊ុនច្នៃប្រឌិត នៃម្ឈមណ្ឌលតាំងពិព័រណ៍តែមួយគត់១១០២ ជាអ្នករិះរកបង្កើតចេញសិល្បៈចម្លាក់ពន្លឺ។  ចម្លាក់ពន្លឺជាផ្នែកសិល្បៈមួយ ដែលបានបង្ហាញដោយការគួបផ្សំរវាងចម្លាក់ប្រពៃណី និង ប្រភពពន្លឺថេរ។  ជំហានដំបូងក្នុងការបង្ហាញខ្លឹមសារ នៃស្នាដៃមួយ ស្តីពីអរូបីរបស់បង ប៊ូយវ៉ានទឺ (Bui Van Tu)។  ស្នាដៃសិល្បៈចម្លាក់ពន្លឺមួយ នឹងត្រូវបង់ពេលវេលារាប់ខែ ដើម្បីធ្វើសម្រេចវា។  ក្បាច់រចនាលើស្នាដៃ ត្រូវរស់រើកផង មានរឿងរ៉ាវដែលនៅតែរក្សាបានខ្លឹមសារបង្កប់ខាងក្រោយ បន្ទាប់ពីបញ្ចាំងពន្លឺ។  ក្រៅពីវត្ថុធាតុលើកុលាលភាជន៍ បងទឺ (Tu) នៅបង្កើតស្នាដៃពន្លឺរបស់ខ្លួននៅលើវត្ថុធាតុឈើផងដែរ។  តាមបងទឺ (Tu) ដើម្បីធ្វើបាននៅលើវត្ថុធាតុឈើ គឺស្មុគស្មាញណាស់ ពីព្រោះគ្រាន់តែភ្លាត់តែបន្តិច អាចធ្វើឱ្យខូចស្នាដៃមួយទាំងមួល។  សិល្បៈចម្លាក់ពន្លឺទាមទារអ្នកធ្វើត្រូវមានគំនិតអំពីរូបភាព និង អារម្មណ៍ស្រមើស្រមៃល្អ ទើបអាចកាឡៃកំណាតឈើឥតវិញ្ញាណ ឱ្យក្លាយជារូបរាងរស់រវើកបាន។ |
តាមវិស្វករ ប៊ូយ វ៉ានទឺ (Bui Van Tu) ចម្លាក់ពន្លឺជាផ្នែកសិល្បៈមួយ បានបង្ហាញដោយភាពគួបផ្សំ រវាងចម្លាក់ប្រពៃណី និង ប្រភពពន្លឺថេរ។ តាមរយៈនោះ បង្កើតបានរូបភាពពិសេសដោយស្រមោលនៃវត្ថុ ដែលបានចម្លាក់។ ដើម្បីបង្ហាញបានស្នាដៃចម្លាក់ពន្លឺ ត្រូវឡើងគំនិតអំពីរូបស្រមោល ដែលខ្លួនចង់ធ្វើ កំណត់បានរចនាសម្ពន្ធ និង អត្រាជាក់ច្បាស់ ដើម្បីពេលធ្វើសម្រេច ស្នាដៃមិនត្រូវខូច ឬ វៀច។
ការបង្កើតស្នាដៃលើវត្ថុធាតុឈើ និង កុលាលភាជន៍ សុទ្ធតែមានភាពលំបាកដោយឡែកពីគ្នា។ ឈើជាវត្ថុធាតុជាប់រាបនឹងគ្នា មានតម្លៃសេដ្ឋកិច្ចខ្ពស់ ក្នុងដំណើរការធ្វើគ្រាន់តែភ្លាត់ដៃ ធ្វើបាក់នៅចំណិតណាមួយ គឺត្រូវបង្ខំរំលាយចោលទាំងអស់។ រីឯកុលាលភាជន៍ ពេលបង្កើតរូបរាងរឹតតែពិបាកជាងឈើ ពីព្រោះកម្រិតវៀចនៃកុលាលភាជន៍ បន្ទាប់ពីដាក់ចូរឡដុតគឺ២០%។ ហេតុនោះហើយ ពេលដែលបង្កើតរូបភាពត្រូវតែគិតដល់កម្រិតវៀចនៃកុលាលភាជន៍ ដែលត្រូវដុតនៅកម្រិតសីតុណ្ហភាព១២៥០អង្សាសេ។ ប្រការនេះ ទាមទារបងទឺ (Tu) ត្រូវស្រាវជ្រាវ និង ពិសោធន៍យ៉ាងហ្មត់ចត់។ ធម្មតា ស្មូនរូបបង់ពេលវេលា១ខែ ហាលមួយខែ រួចទើបយកទៅដុត ក្នុងបទដ្ឋាននោះ ត្រូវបន្តដំណាលគ្នា យកចិត្តទុកដាក់ និង កែសម្រួលស្នាមលម្អិតលើស្នាដៃ ធ្វើដូចម្តេចសមល្មមបំផុត។
មកដល់សព្វថ្ងៃ បន្ទាប់ពី៤ឆ្នាំ ព្យាយាមខិតខំស្រាវជ្រាវផង បង្កើតស្នាដៃផង បង ប៊ូយ វ៉ានទឺ (Bui Van Tu) សាងបានស្នាដៃលើឈើ និង កុលាលភាជន៍ចំនួន១៥។ ស្នាដៃនីមួយៗ យោងតាមតម្រូវការនៃអតិថិជន នឹងត្រូវធ្វើក្នុងអំឡុងពេលពី២ទៅដល់៤ខែ ដោយតម្លៃចុះឡើង ពី៣០ទៅដល់៨០លានដុង។ ស្នាដៃនីមួយៗ សុទ្ធតែបានបងយកអស់ពីកម្លាំងកាយចិត្តសរសេរដាក់ចំណងជើង សរសេរខ្លឹមសារលិខិតបង្កប់ទៅជាមួយ៕
 ស្នាដៃគាប់ចិត្តបំផុតរបស់បងទឺ (Tu) ដែលបានចម្លាក់នៅលើឈើ គឺរូបភាពលោកប្រធានហូជីមិញ។  ស្នាដៃរូបលោកប្រធានហូជីមិញ។  ស្នាដៃរូបលោកនាយកឧត្តមសេនីយ៍ វ៉ ង្វៀនយ៉ាប (Vo Nguyen Giap)។  ស្នាដៃអរូបីរបស់បង ប៊ូយ វ៉ានទឺ (Bui Van Tu)។ |
អត្ថបទ៖ ង៉ឹនហា រូបថត៖ ខាញ់ឡុង
