នៅក្នុងសន្និសីទមន្ត្រីការពារជាតិជាន់ខ្ពស់អាស៊ានបើកទូលាយ (ADSOM-Plus) ដែលបានប្រារព្ធនៅរដ្ឋធានីវៀងច័ន្ទ របស់ឡាវ នាថ្ងៃទី២៤ខែមេសាឆ្នាំ២០១៦នោះ តំណាងចូលរួមបានសម្តែងការព្រួយបារម្ភ ចំពោះភាពតានតឹង កំពុងកើនឡើង នៅតំបន់សមុទ្រខាងកើតដែរ។ មន្ត្រីការពារជាតិជាន់ខ្ពស់ របស់អាស៊ាននិងដៃគូនានាដូចជា ជប៉ុន កូរ៉េខាងត្បូង អូស្ត្រាលី ឥណ្ឌា នូវែលហ្សេឡង់ រុស្ស៊ីនិងអាមេរិក សុទ្ធតែផ្តោតការយកចិត្តទុកដាក់និងចំណាយពេលវេលាជាច្រើន សម្រាប់ពិភាគ្សាលើបញ្ហានេះ។ លោកស្រី Amy E.Searigh ជំនួយការការពារជាតិនៃនាយកដ្ឋានអាស៊ីប៉ាស៊ីហ្វិក-ក្រសួងការ ពារជាតិអាមេរិកបានឲ្យដឹងថា៖
“យើងខ្ញុំសុំអំពាវនាវឲ្យប្រទេសទាំងអស់ រួមគ្នាផ្លាស់ប្តូរមតិ និងដោះស្រាយរាល់ជំលោះដោយសន្តិវិធី តាមរយៈវិធានការកាទូតនិងច្បាប់។ មុននេះ នៅពេលដែលប្រធានាធិបតីអាមេរិក លោក Barack Obama ជួបប្រាស្រ័យ ជាមួយថ្នាក់ដឹកនាំនៅ Sunnyland នាដើមឆ្នាំនេះ ភាគីនានាបានសន្យាអត់ធ្មត់ និងគោរពការប្រតិបត្តិសម្រាប់ភាគីនានា នៅសមុទ្រខាងកើត មិនឲ្យកើតមានឡើងការធ្វើយោធូបនីយកម្ម នៅកោះនានា។ យើងខ្ញុំនិងប្រទេសអាស៊ាន នានាគាំទ្រនូវគោលការណ៍នេះ”។
ទិដ្ឋភាពនៃសន្និសីទមន្ត្រីការពារជាតិជាន់ខ្ពស់អាស៊ានបើកទូលាយ
(ADSOM-Plus)
មន្ត្រីការពារជាតិអាស៊ានជាន់ខ្ពស់ បានចែករំលែកនិងសម្តែងនូវការព្រួយ បារម្ភអំពីបញ្ហាកើតមានឡើងក្នុងតំបន់។ ឧត្តមសេនីយ៍ត្រី Vu Tien Trong ប្រធានវិទ្យស្ថានសហប្រតិបត្តិការអន្តរជាតិ ទទួលបន្ទុកការពារជាតិវៀតណាមបានឲ្យដឹងថា៖
“វៀតណាមក៏បានសម្តែងការព្រួយបារម្ភ ដូចជាប្រទេសនដទៃនិយាយរួមហើយវៀតណាម ចាត់ទុកថានាបច្ចុប្បន្ន បញ្ហាជំលោះអធិបតេយ្យភាព លើសមុទ្រខាងកើតជាបញ្ហាជាក់ស្តែង ដោយប្រវត្តិសាស្ត្របន្សល់ទុកមក។ ទស្សនៈរបស់វៀតណាម គឺប្រសិនបើបញ្ហានោះជាបញ្ហាទ្វេភាគីគឺត្រូវ បានដោះស្រាយ ដោយសន្តិវិធីនិងតាមកិច្ចព្រមព្រៀង ដែលភាគីទាំងពីរអាចទទួលយកបាន។ រីឯបញ្ហាពហុភាគី គឺត្រូវដោះស្រាយដោយភាគីទាំងអស់និងត្រូវបើកចំហដោយតម្លាភាព ចំពោះមុខសហគមន៍អន្តរជាតិតាមច្បាប់អន្តរជាតិ ជាពិសេស គឺ UNCLOS ១៩៨២ ក៏ដូចជារាល់កិច្ចព្រមព្រៀងក្នុងតំបន់”៕
តាម VOV5 - វិទ្យុសម្លេងវៀតណាម
