22/09/2021 23:39 GMT+7 Email Print Like 0

ឧបនាយករដ្ឋមន្ត្រី លោក Vu Duc Dam ស្នើឲ្យខេត្ត Dong Nai ពន្លឿនការធ្វើតេស្តរកមេរោគកូវីដ ១៩

នារសៀលថ្ងៃទី ២០ ខែកញ្ញា ឧបនាយករដ្ឋមន្ត្រី លោក Vu Duc Dam បានអញ្ជើញជួបធ្វើការនៅខេត្ត Dong Nai ស្តីពីការងារបង្ការប្រយុទ្ធប្រឆាំងជំងឺកូវីដ ១៩។

ឧបនាយករដ្ឋមន្ត្រី លោក Vu Duc Dam អញ្ជើញថ្លែងនៅក្នុងកិច្ចប្រជុំ (រូបថត៖ កាសែត Dong Nai)


ថ្លែងមតិនៅទីនេះ ឧបនាយករដ្ឋមន្ត្រីលោក Vu Duc Dam បានស្នើថា ខេត្ត Dong Nai ត្រូវពន្លឿនការធ្វើតេស្តរកមេរោគកូវីដ ១៩ ដោយផ្តោតលើទីតាំងសំខាន់ៗដូចជា មណ្ឌលឧស្សាហកម្មនិងទីកន្លែងដែលមានកម្មករប្រមូលផ្តុំច្រើន។ ឧបនាយករដ្ឋមន្រ្តីក៏បានឯកភាពជាមួយទស្សនៈរបស់ខេត្ត Dong Nai ថា ប្រមូលផ្តុំអង្គភាពអាជីវកម្មនិងប្រជាជនចូលរួមក្នុងការប្រយុទ្ធប្រឆាំងនឹងជំងឺរាតត្បាត ក៏ដូចជាការបើកដំណើរការផលិតកម្មអាជីវកម្មនិងសកម្មភាពនៃជីវភាពរស់នៅរបស់ប្រជាជនឡើងវិញ។ ចំពោះសំណើរអំពីវ៉ាក់សាំង លោកឧបនាយករដ្ឋមន្រ្តីបានមានប្រសាសន៍ថា រដ្ឋាភិបាលនឹងផ្តល់អាទិភាពដល់ខេត្ត Dong Nai ក៏ដូចជាខេត្តនិងទីក្រុងភាគខាងត្បូង ដោយបែងចែកវ៉ាក់សាំងឲ្យបានឆាប់បំផុត នៅពេលដែលមានវ៉ាក់សាំង ដើម្បីឱ្យមូលដ្ឋានអាចចាប់ផ្តើមផលិតកម្មនិងអាជីវកម្មឡើងវិញក្នុងពេលឆាប់ៗ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ