អនុរដ្ឋមន្រ្តីការពារជាតិវៀតណាម លោក Nguyen Chi Vinh ជួបជាមួយរដ្ឋមន្ត្រីការពារជាតិចិនលោក Wei Fenghe
ទិដ្ឋភាពនៃជំនួប (រូបថត៖ VOV)
ក្នុងឱកាសនៃដំណើរទស្សនកិច្ចការងារនៅចិន ចាប់ពីថ្ងៃទី ១៩ ដល់ថ្ងៃទី២២ ខែកុម្ភៈ ឆ្នាំ២០១៩ នោះ ឧត្តមសេនីយ៍ឯកលោក Nguyen Chi Vinh អនុរដ្ឋមន្រ្តីក្រសួងការពារជាតិវៀតណាម បានអញ្ជើញទៅជួបសម្ដែងការគួរសមជាមួយ ឧត្តមសេនីយ៍ឯកលោក Wei Fenghe រដ្ឋមន្ត្រីក្រសួងការពាជាតិចិន។
អញ្ជើញថ្លែងនៅក្នុងជំនួបនេះ លោក Nguyen Chi Vinh បានអះអាងថាគោលបំណងនៃដំណើរទស្សនកិច្ចនៅចិនរបស់លោក គឺសំដៅជំរុញសកម្មភាពជួបប្រាស្រ័យទាក់ទងជាន់ខ្ពស់រវាងកងទ័ពនៃប្រទេសទាំងពីរ កសាងផែនការសហប្រតិបត្តិការ រវាងកងទ័ពនៃប្រទេស ទាំងពីរឲ្យកាន់តែជាក់ស្ដែង និងប្រកបដោយប្រសិទ្ធភាពលើគ្រប់វិស័យដូចជា៖ ពេទ្យយោធា បណ្ដុះបណ្ដាលធនធានមនុស្ស ជួយសង្គ្រោះ ឧស្សាហកម្មការពារជាតិ និង ចូលរួមសកម្មភាពរក្សាសន្តិភាពអង្គការសហប្រជាជាតិ។
ចំណែកឯលោក រដ្ឋមន្ត្រី Wei Fenghe បានអះអាងថាចិនគោរពទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយជាមួយវៀតណាម ហើយ ចាត់ទុកថានារយៈពេលកន្លងទៅទំនាក់ទំនងរវាងកងទ័ពនៃប្រទេសទាំងពីរត្រូវបានពង្រឹង និងពង្រីកដោយឥតឈប់ឈរផងដែរ៕
តាម VOV5 - វិទ្យុសំឡេងវៀតណាម