ផ្នែកមួយនៃរដ្ឋាភិបាលសហរដ្ឋអាមេរិកត្រូវផ្អាកសកម្មភាពអស់រយៈពេល ២២ ថ្ងៃជាបន្តបន្ទាប់ ដែលគូសសញ្ញា រយៈពេល បិទទ្វាររដ្ឋាភិបាលរយៈពេលយូរបំផុតក្នុងប្រវត្តិសាស្ត្ររបស់ប្រទេសនេះ។

ប្រធានាធិបតីអាមេរិក លោក Donald Trump

ក្នុងបរិបទនេះ ប្រធានាធិបតីអាមេរិក លោក Donald Trump បានអំពាវនាវជាថ្មីម្តងទៀតដល់សមាជិកសភាប្រជាធិបតេយ្យ ធ្វើការចរចារអំពីគម្រោងច្បាប់កសាងជញ្ជាំងព្រំដែន - ជាបញ្ហាគន្លឹះ បណ្ដាលឲ្យមានការខ្វែងគំនិតគ្នារវាងភាគីទាំងពីរ ដែលធ្វើឲ្យស្ថាប័ននិងក្រសួងជាច្រើនរបស់អាមេរិកត្រូវបិទទ្វារជាបណ្តោះអាសន្នដោយអស់ថវិកាធ្វើសកម្មភាពចាប់ពីថ្ងៃទី ២១ ខែធ្នូ ឆ្នាំ២០១៨ មក។

នាថ្ងៃទី ១០ ខែមករា ឆ្នាំ២០១៩ សភាជាន់ទាបអាមេរិកបានអនុម័តលើគម្រោងច្បាប់ស្ដីពីការស្ដារឡើងវិញនូវសកម្មភាពរបស់ក្រសួងកសិកម្ម ក្រសួងគមនាគមន៍និងស្វាប័នជាច្រើនរបស់រដ្ឋាភិបាល ដែលត្រូវបិទទ្វារក្នុងរយៈពេលជិត ៣ សប្តាហ៍កន្លងទៅ ដោយសារអស់ថវិកាធ្វើសកម្មភាព។ ទោះជាយ៉ាងណាក៏ដោយព្រឹទ្ធសភាអាមេរិក ដែលគ្រប់គ្រងដោយគណបក្សសាធារណរដ្ឋគឺមិនអើពើចំពោះគម្រោងច្បាប់ទាំងនេះឡើយ៕

តាម VOV5 - វិទ្យុសម្លេងវៀតណាម