លោកស្រីប្រធានរដ្ឋសភា Nguyen Thi Kim Ngan 
 

លទ្ធផល​​នៃសវនាការសួរដេញដោលបានសរឲ្យឃើញថា រាល់ខ្លឹមសារសួរដេញដោលក្នុងសម័យប្រជុំលើកនេះ គឺសុទ្ធតែ​ជាបញ្ហាក្ដៅនៃជីវភាពខាងសេដ្ឋកិច្ច សង្គម ដែលប្រជាជន និងអ្នកបោះឆ្នោតនៅទូទាំងប្រទេស ក៏ដូចជា​សមាជិក សមាជិការសភាយកចិត្តទុកដាក់ផងដែរ។
 
ក្រោយ​រយៈពេល២ ថ្ងៃធ្វើការ នាថ្ងៃទី៦ ខែមិថុនា រដ្ឋសភាបានបញ្ចប់ សវនាការសួរដេញដោល និងឆ្លើយ​សំណួរ​ដេញ​ដោល​នៅសម័យប្រជុំលើកទី ៧ ចំពោះ រដ្ឋមន្ត្រីចំនួន ៤ រូបគឺ៖ លោក រដ្ឋមន្រ្តីក្រសួងនគរបាល To Lam លោក ​រដ្ឋមន្ត្រីក្រសួងសំណង់ Pham Hong Ha លោករដ្ឋមន្ត្រីក្រសួងគមនាគមន៍ និងដឹកជញ្ជូន Nguyen Van The និងលោករដ្ឋមន្ត្រីក្រសួងវប្បធម៌ កីឡា និងទេសចរណ៍ Nguyen Ngoc Thien។ បណ្ដា​លោក​ឧបនាយក​រដ្ឋ​មន្រ្តី​​បាន​​អញ្ជើញចូលរួមបកស្រាយបំភ្លឺបន្ថែមនូវបញ្ហាមួយចំនួនក្នុងការដឹកនាំរបស់រដ្ឋាភិបាល ក៏ដូច​ជា​ឆ្លើយ​​សំណួរ​ដេញដោលរបស់សមាជិក សមាជិការសភាផងដែរ។
 
លទ្ធផល​នៃសវនាការសួរដេញដោលបានសរឲ្យឃើញថា រាល់ខ្លឹមសារសួរដេញដោលក្នុងសម័យប្រជុំលើកនេះ គឺសុទ្ធតែ​ជាបញ្ហាក្ដៅនៃជីវភាពខាងសេដ្ឋកិច្ច សង្គម ដែលប្រជាជន និងអ្នកបោះឆ្នោតនៅទូទាំងប្រទេស ក៏ដូចជា​សមាជិក សមាជិការសភាយកចិត្តទុកដាក់ផងដែរ។
 
អញ្ជើញ​ចូលរួមសវនាការសួរដេញដោល និងឆ្លើយសំណួរដេញដោលនៅសម័យប្រជុំលើកនេះ មាន​សមាជិក​សភាចំនួន ២៣០ រូប បាន ជជែកវែកញែកក្នុងបរិយាកាសប្រជាធិបតេយ្យ ស្មោះត្រង់ ប្រកប​ដោយ​មាន​ការ​ទទួល​ខុស​ត្រូវ។លោកស្រីប្រធានរដ្ឋសភា Nguyen Thi Kim Ngan បានវាយតំលៃថា៖
 
“រាល់សំណួរ​ដេញដោលរបស់សមាជិក សមាជិការសភា មិនត្រឹមតែ បង្ហាញ នូវ តួនាទី ភារកិច្ច សិទ្ធិឃ្លាំមើល​របស់​រដ្ឋស​ភាប៉ុណ្ណោះតែ ថែមទាំងរួមដំណើរ ចែករំលែកនូវការលំបាកក្នុងការគ្រប់គ្រង សម្របសម្រួល​របស់​រដ្ឋាភិបាល​ និងបំពេញបន្ថែមវិធានការទៅក្នុងកម្មវិធី ផែនការរបស់រដ្ឋាភិបាល ក្រសួង និងស្ថាប័ន​នានាទៀត​ផង​។ តាមនោះ ដោះស្រាយការជំពាក់ជំពិន កំហិត ប្រកបដោយប្រសិទ្ធភាពផងដែរ”​៕
 

តាម VOV5 - ​​វិទ្យុសំឡេង​វៀតណាម