ឧបនាយករដ្ឋមន្រ្តី រដ្ឋមន្រ្តីការបរទេសវៀតណាមលោក Pham Binh Minh ទទួលជួបជាមួយរដ្ឋមន្រ្តីពាណិជ្ជកម្មអាមេរិក
នារសៀលថ្ងៃទី១៤ ខែមករា ឆ្នាំ២០១៩ នៅរដ្ឋធានីហាណូយ ឧបនាយករដ្ឋមន្រ្តី រដ្ឋមន្រ្តីការបរទេសវៀតណាមលោក Pham Binh Minh បានទទួលជួបជាមួយ លោក Carlos Gutierrez អតីតរដ្ឋមន្រ្តីពាណិជ្ជកម្មអាមេរិក ប្រធានសម្ព័ន្ធក្រុមហ៊ុន Albright Stonebridge។
នៅក្នុងជំនួបនេះ លោក Pham Binh Minh បាន សង្កត់ធ្ងន់ថា គោលជំហររបស់វៀតណាមគឺអភិវឌ្ឍន៍សេដ្ឋកិច្ចប្រកបដោយឯករាជ្យភាព និង ភាពម្ចាស់ការ ព្រមទាំងបើកចំហក្នុងទំនាក់ទំនងពាណិជ្ជកម្មនិងវិនិ យោគ ដោយជានិច្ចកាលបង្កលក្ខណៈងាយស្រួលសម្រាប់វិនិយោគិនអន្តរជាតិ ដែលក្នុងនោះមានសហគ្រាសអាមេរិកមកបណ្ដាក់ទុននៅវៀតណាម។ គោល ជំហរនោះបានរួមចំណែកជួយអោយវៀតណាម សម្រេចបាននូវសមិទ្ធផលដ៏ធំ ធេងនាពេលកន្លងទៅ។
ឧបនាយករដ្ឋមន្រ្តី រដ្ឋមន្រ្តីការបរទេសលោក Pham Binh Minh មានគោល បំណងថា សម្ព័ន្ធក្រុមហ៊ុន Albright Stonebridge នឹងបន្តសកម្មភាពពិគ្រោះ យោបល់សម្រាប់សហគ្រាសអាមេរិកដើម្បីពង្រីកការវិនិយោគនៅវៀតណាម៕
តាម VOV5 - វិទ្យុសំឡេងវៀតណាម